പരീക്ഷാ രജിസ്ട്രേഷൻ
കണ്ണൂർ സർവകലാശാലയുടെ ഓറിയന്റൽ ടൈറ്റിൽ കോളജുകളിലെ റഗുലർ വിദ്യാർഥികളുടെ ഒന്നാം വർഷ അഫ്സൽ ഉൽ ഉലമ പ്രിലിമിനറി ഏപ്രിൽ 2021 പരീക്ഷാ രജിസ്ട്രേഷൻ ലിങ്ക് സർവകലാശാല വെബ്സൈറ്റിൽ ലഭ്യമാണ്. ഏഴു വരെ പിഴയില്ലാതെയും എട്ടുവരെ പിഴയോടുകൂടിയും അപേക്ഷിക്കാം. അപേക്ഷകളുടെ പകർപ്പും ചലാനും പത്തിനകം സർവകലാശാലയിൽ സമർപ്പിക്കണം. ഓരോ പേപ്പറിനും 80 രൂപ വീതവും മറ്റിനങ്ങളിലായി 315 രൂപയുമാണ് പരീക്ഷാഫീസ്.
തീയതി നീട്ടി
നാലാം സെമസ്റ്റർ ബിരുദ (ഏപ്രിൽ 2021) പരീക്ഷകൾക്ക് ഏഴുവരെ വരെ പിഴയില്ലാതെയും പത്തു വരെ പിഴയോടുകൂടിയും അപേക്ഷിക്കാം. അപേക്ഷകളുടെ പകർപ്പും ചലാനും 14 നകം സർവകലാശാലയിൽ സമർപ്പിക്കണം.
പരീക്ഷാഫലം
മൂന്നാം സെമസ്റ്റർ എംബിഎ റഗുലർ/സപ്ലിമെന്ററി (ഒക്ടോബർ 2020) പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനക്കും പകർപ്പിനും 15ന് വൈകുന്നേരം അഞ്ചുവരെ അപേക്ഷിക്കാം.
സംരംഭകത്വ ശില്പശാല
കണ്ണൂർ: കണ്ണൂർ സർവകലാശാല ഇൻസ്റ്റിറ്റ്യൂഷൻ ഇന്നൊവേഷൻ കൗൺസിലും ബിസിനസ് ഇൻകുബേഷൻ സെന്ററും സംയുക്തമായി "കന്നോവേഷൻ 2.0’ സംരംഭകത്വ പരിപാടി നടത്തുന്നു. കോവിഡ് പ്രോട്ടോകോൾ പാലിച്ച് ഓഫ്ലൈൻഓൺലൈൻ രീതിയിൽ ഇന്നു രാവിലെ 10.30ന് കണ്ണൂർ യൂണിവേഴ്സിറ്റി ആസ്ഥാനത്ത് നടത്തുന്ന ചടങ്ങ് വൈസ് ചാൻസലർ ഡോ. ഗോപിനാഥ് രവീന്ദ്രൻ ഉദ്ഘാടനം ചെയ്യും. റെഡിഫ് ഡോട്ട് കോമിന്റെ സിഇഒ അജിത് ബാലകൃഷ്ണൻ "സ്റ്റാർട്ടപ്പുകൾ: സാങ്കേതിക വിദ്യയും ബിസിനസ് പ്രവണതകളും" എന്ന വിഷയത്തിൽ മുഖ്യപ്രഭാഷണം നടത്തും.