കണ്ണൂർ സർവകലാശാല അഫിലിയേറ്റഡ് കോളജുകൾ, പഠനവകുപ്പുകൾ, സെന്‍ററുകൾ എന്നിവിടങ്ങളിലെ ബിരുദ, ബിരുദാനന്തര ബിരുദ ക്ലാസുകൾ പൂർണമായും ഓഫ്‌ലൈൻ രീതിയിൽ (ക്ലാസ് റൂം പഠനം) കോവിഡ് പ്രോട്ടോകോൾ പാലിച്ച് 25ന് ആരംഭിക്കും. ഇതിനകം ക്ലാസുകൾ ആരംഭിച്ച അവസാനവർഷ ബിരുദ, ബിരുദാനന്തര ബിരുദ വിദ്യാർഥികൾക്ക് 20 മുതൽ 23 വരെ ക്ലാസുകൾ ഉണ്ടായിരിക്കുന്നതല്ല.
എംഎസ്‌സി സ്റ്റാറ്റിസ്റ്റിക്‌സ് സീറ്റുകൾ കണ്ണൂർ സർവകലാശാല മാങ്ങാട്ടുപറമ്പ് കാന്പസിലുള്ള സ്റ്റാറ്റിസ്റ്റിക്കൽ സയൻസസ് പഠനവകുപ്പിലെ ഒന്നാം സെമസ്റ്റർ എംഎസ്‌സി സ്റ്റാറ്റിസ്റ്റിക്‌സ് കോഴ്സിലേക്ക് എസ്‌സി (രണ്ട് ഒഴിവുകൾ), എസ്ടി(ഒരൊഴിവ്) വിഭാഗത്തിലെ വിദ്യാർഥികൾക്കായി സംവരണം ചെയ്തിട്ടുള്ള സീറ്റുകൾ ഒഴിവുണ്ട്. യോഗ്യരായ വിദ്യാർഥികൾ ബന്ധപ്പെട്ട രേഖകൾ സഹിതം 25ന് രാവിലെ 10.30ന് മാങ്ങാട്ടുപറമ്പ് കാന്പസിലുള്ള സ്റ്റാറ്റിസ്റ്റിക്കൽ സയൻസസ് പഠനവകുപ്പിൽ ഹാജരാകണം.
ബിരുദപ്രവേശനം: അഞ്ചാംഘട്ട അലോട്ട്മെന്‍റ് പ്രസിദ്ധീകരിച്ചു ബിരുദ പ്രവേശനത്തിനുള്ള അഞ്ചാംഘട്ട അലോട്ട്മെന്‍റ് http://www.admission.kannuruniversity.ac.in/ എന്ന വെബ്സൈറ്റിൽ പ്രസിദ്ധീകരിച്ചു. അപേക്ഷകർ ആപ്ലിക്കേഷൻ നമ്പറും പാസ്‌വേഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്‍റ് പരിശോധിക്കേണ്ടതും അഞ്ചാം അലോട്ട്മെന്‍റിൽ ആദ്യമായി (First time) അലോട്ട്മെന്‍റ് ലഭിച്ചവർ ഇന്നുതന്നെ എസ്ബി‌ഐ ഈപേ വഴി അഡ്മിഷന്‍ ഫീസ് നിർബന്ധമായും അടയ്ക്കേണ്ടതുമാണ്. മറ്റു രീതികളില്‍ ഫീസടച്ചാല്‍ ഒരു കാരണവശാലും പരിഗണിക്കുന്നതല്ല. ഫീസടയ്ക്കാത്തവർക്ക് ലഭിച്ച അലോട്ട്മെന്‍റ് നഷ്ടമാകുകയും തുടർന്നുള്ള അലോട്ട്മെന്‍റ് പ്രക്രിയയിൽനിന്ന് പുറത്താകുകയും ചെയ്യും. അഡ്മിഷൻ ഫീസ് ജനറൽ വിഭാഗത്തിന് 830 രൂപയും എസ്‌സി, എസ്ടി വിഭാഗത്തിന് 770 രൂപയുമാണ്. ഒന്ന്, രണ്ട്, മൂന്ന്, നാല് അലോട്ട്മെന്‍റുകളിൽ അലോട്ട്മെന്‍റ് ലഭിച്ച് ഫീസടച്ച വിദ്യാർഥികൾ വീണ്ടും ഹയർ ഓപ്ഷൻ ലഭിച്ചാൽ ഫീസ് അടയ്ക്കേണ്ടതില്ല. അലോട്ട്മെന്‍റ് ലഭിച്ചവർ Pay Fees ബട്ടണില്‍ ക്ലിക്ക് ചെയ്താണ് ഫീസടയ്ക്കേണ്ടത്. ഫീസടച്ചവർ ലോഗിന്‍ ചെയ്ത് അഡ്മിഷന്‍ ഫീസ് വിവരങ്ങള്‍ അവരുടെ പ്രൊഫൈലില്‍ വന്നിട്ടുണ്ടോയെന്ന് ഉറപ്പുവരുത്തേണ്ടതാണ്. അഡ്മിഷൻ ഫീസ് ഈപേ വഴി അടയ്ക്കാത്ത അപേക്ഷകരുടെ അലോട്ട്മെന്‍റ് റദ്ദാക്കും.
കോളജ് പ്രവേശനം ഒന്ന്, രണ്ട്, മൂന്ന്, നാല് അലോട്ട്മെന്‍റുകളിൽ താത്കാലിക പ്രവേശനം നേടിയവര്‍ അഞ്ചാം അലോട്ട്മെന്‍റിൽ ഹയര്‍ ഓപ്ഷന്‍ ലഭിച്ചാല്‍ നിലവില്‍ അഡ്മിഷന്‍ ലഭിച്ച കോളജില്‍നിന്നു സര്‍ട്ടിഫിക്കറ്റുകള്‍ തിരിച്ചുവാങ്ങി പുതുതായി അലോട്ട്മെന്‍റ് ലഭിച്ച കോളജില്‍ മുഴുവന്‍ ഫീസുകളും അടച്ച് പ്രവേശനം നേടണം. അഞ്ചാം അലോട്ട്മെന്‍റിൽ അലോട്ട്മെന്‍റ് ലഭിച്ച വിദ്യാർഥികൾ 22, 23, 25 തീയതികളിലായി അലോട്ട്മെന്‍റ് ലഭിച്ച കോളജുകളിൽ പ്രവേശനത്തിന് ഹാജരാകണം. അഞ്ചാം അലോട്ട്മെന്‍റുമുതൽ പ്രവേശനം നേടുന്നവർ സ്ഥിരപ്രവേശനമാണു നേടേണ്ടത്. ഇതുവരെ താത്കാലിക പ്രവേശനം നേടിയ എല്ലാ വിദ്യാര്‍ഥികളും ഹയര്‍ ഓപ്ഷന്‍ ലഭിച്ചില്ലെങ്കില്‍ മുഴുവന്‍ ഫീസുകളും അടച്ച് അതത് കോളജുകളിൽ സ്ഥിരപ്രവേശനം നേടേണ്ടതാണ്. സ്ഥിരപ്രവേശനം നേടിയവര്‍ ആവശ്യമില്ലെങ്കില്‍ ഹയര്‍ ഓപ്ഷന്‍സ് കാന്‍സല്‍ ചെയ്യേണ്ടതാണ്.ഏതെങ്കിലും കാരണത്താൽ നിശ്ചിത തീയതിയിൽ അഡ്മിഷൻ എടുക്കാൻ സാധിക്കാത്തവർ അതത് കോളജ് പ്രിൻസിപ്പലുമായി ബന്ധപ്പെടണം. അഡ്മിഷൻ ലഭിക്കുന്നതിനായി ഹാജരാക്കുന്നതിനുള്ള അലോട്ട്മെന്‍റ് മെമ്മോ വെബ്‌സൈറ്റിൽനിന്നു ലഭിക്കും. അലോട്ട്മെന്‍റ് മെമ്മോയോടൊപ്പം താഴെക്കൊടുത്തിരിക്കുന്ന രേഖകളും പ്രവേശനസമയത്ത് അതത് കോളജുകളിൽ ഹാജരാക്കണം.
ഓൺലൈൻ അപേക്ഷയുടെ പ്രിന്‍റൊട്ട്, അലോട്ട്മെന്‍റ് മെമ്മോ, രജിസ്ട്രേഷൻ ഫീസ്, സർവകലാശാല അഡ്മിഷൻ ഫീസ് എന്നിവ ഓൺലൈനായി അടച്ച രസീതിന്‍റെ പ്രിന്‍റൗട്ട്, യോഗ്യതാപരീക്ഷയുടെ അസൽ മാർക്ക് ലിസ്റ്റ്, ജനനതീയതി തെളിയിക്കുന്ന സർട്ടിഫിക്കറ്റ്, വിടുതൽ സർട്ടിഫിക്കറ്റ്, കോഴ്സ് ആൻഡ് കോണ്ടക്ട് സർട്ടിഫിക്കറ്റ്, അസൽ കമ്മ്യൂണിറ്റി, ജാതി സർട്ടിഫിക്കറ്റ് (എസ്‌സി, എസ്ടി വിഭാഗങ്ങൾക്ക്) ഇഡബ്ല്യുഎസ് വിഭാഗമാണെങ്കിൽ അക്കാര്യം തെളിയിക്കുന്ന സർട്ടിഫിക്കറ്റ്, അസൽ നോൺ ക്രീമിലെയർ സർട്ടിഫിക്കറ്റ് (എസ്ഇബിസി വിഭാഗങ്ങൾക്ക്), ഗ്രേസ് മാർക്ക് ലഭിക്കുന്നതിനാവശ്യമായ അസൽ സർട്ടിഫിക്കറ്റ്, എച്ച്എസ്ഇ, വിഎച്ച്എസ്ഇ, ടിഎച്ച്എസ്ഇ, സിബിഎസ്‌സി, സിഐഎസ്‌സി, എൻഐഒഎസ്, കേരള പ്ലസ് ടു തുല്യതാ പരീക്ഷ എന്നിവയൊഴികെ മറ്റു ബോർഡുകളിൽനിന്ന് യോഗ്യതാപരീക്ഷ പാസായവർ കണ്ണൂർ സർവകലാശാലയുടെ റെക്കഗ്നീഷൻ സർട്ടിഫിക്കറ്റ്ഹാജരാക്കണം. നേറ്റിവിറ്റി തെളിയിക്കുന്നതിനാവശ്യമായ ഏതെങ്കിലും രേഖ.
അപേക്ഷയിൽ കൊടുത്തിരിക്കുന്ന മറ്റ് ആനുകൂല്യങ്ങൾ തെളിയിക്കുന്നതിനുള്ള സർട്ടിഫിക്കറ്റ്, ഫീസടച്ച വിവരങ്ങൾ അടങ്ങിയ പ്രിന്‍റൗട്ട്. ഓൺലൈൻ രജിസ്റ്റർ ചെയ്ത എല്ലാ വിദ്യാർഥികളും ഫീസടച്ചതിന്‍റെ വിവരങ്ങൾ അടങ്ങിയ പ്രിന്‍റൗട്ട് കൈവശം സൂക്ഷിക്കേണ്ടതും അഡ്മിഷൻ സമയത്ത് നിർബന്ധമായും കോളജിൽ ഹാജരാക്കേണ്ടതുമാണ്.
കമ്യൂണിറ്റി ക്വാട്ടാ റാങ്ക് ലിസ്റ്റ് യുജി കമ്യൂണിറ്റി ക്വാട്ടയിലേക്ക് അപേക്ഷിച്ചവരുടെ റാങ്ക് ലിസ്റ്റ് ഇന്ന് കോളജുകളില്‍ പ്രസിദ്ധീകരിക്കും. അപേക്ഷകർക്ക് അതത് കോളജുമായി ബന്ധപ്പെടണം. കൂടുതല്‍ വിവരങ്ങള്‍ക്ക് www.admission.kannuruniversity.ac.in എന്ന വെബ്സൈറ്റ് സന്ദര്‍ശിക്കുക. ഹെൽപ്പ് ലൈൻ : 04972715261, 7356948230. email id:
[email protected] എൽഎൽഎം കോഴ്സ് സർവകലാശാല മഞ്ചേശ്വരം കാമ്പസിലെ നിയമപഠന വിഭാഗത്തിൽ ആരംഭിക്കുന്ന എൽഎൽഎ കോഴ്സ് വിത്ത് സ്പെഷലൈസേഷൻ ഇൻ ക്രിമിനൽ ലോ ആൻഡ് ക്രിമിനൽ ജസ്റ്റിസ് കോഴ്സിന് അപേക്ഷ ക്ഷണിച്ചു. അപേക്ഷാഫോറം സർവകലാശാല വെബ്സൈറ്റിൽ ലഭിക്കും. ഡൗൺലോഡ് ചെയ്ത അപേക്ഷകൾ പൂരിപ്പിച്ച് ആവശ്യമായ രേഖകൾ സഹിതം തലശേരി പാലയാട് സ്‌കൂൾ ഓഫ് ലീഗൽ സ്റ്റഡീസ് നിയമപഠനവകുപ്പ് മേധാവിക്കു മുമ്പാകെ 28 വരെ സമർപ്പിക്കാം. വിശദവിവരങ്ങൾ സർവകലാശാലയുടെ വെബ്സൈറ്റിൽ ലഭ്യമാണ് .(www .kannuruniversity .ac .in ) Ph 0490 2345210.
നാലാം സെമസ്റ്റർ ബിരുദ പരീക്ഷടൈംടേബിൾ നവംബർ രണ്ടിന് ആരംഭിക്കുന്ന നാലാം സെമസ്റ്റർ ബിരുദ പരീക്ഷകളുടെ (ഏപ്രിൽ 2021) ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.