മാനവിക വിഷയങ്ങൾക്കായുള്ള യുജിസിനെറ്റ്, ജെആർഎഫ് പരീക്ഷയുടെ ജനറൽ പേപ്പറിനു വേണ്ടിയുള്ള ഓഫ്ലൈൻ പരിശീലന പരിപാടി എംജി യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ ഉടൻ ആരംഭിക്കും. 0481 2731025
അപേക്ഷാ തീയതി പഞ്ചവത്സര ഇന്റഗ്രേറ്റഡ് ഡബിൾ ഡിഗ്രി ബിഎ എൽഎൽബി (ഓണേഴ്സ്), ബിബിഎ എൽഎൽബി (ഓണേഴ്സ്), ബികോം എൽഎൽബി (ഓണേഴ്സ്) ഒന്നാം സെമസ്റ്റർ (2021 അഡ്മിഷൻ റെഗുലർ), രണ്ടാം സെമസ്റ്റർ (2020 അഡ്മിഷൻ റെഗുലർ), മൂന്നാം സെമസ്റ്റർ (2019 അഡ്മിഷൻ റെഗുലർ), ആറാം സെമസ്റ്റർ (2018 അഡ്മിഷൻ റെഗുലർ), എട്ടാം സെമസ്റ്റർ (2017 അഡ്മിഷൻ റെഗുലർ) പരീക്ഷകൾക്ക് 20 വരെയും 525 രൂപ പിഴയോടു കൂടി 21 വരെയും 1050 രൂപ സൂപ്പർഫൈനോടു കൂടി 23 വരെയും അപേക്ഷിക്കാം. റെഗുലർ വിദ്യാർഥികൾ 210 രൂപ സിവി ക്യാന്പ് ഫീസായി പരീക്ഷാഫീസിന് പുറമേ അടക്കണം.
പുന:പരീക്ഷ 17ന് രണ്ടാം സെമസ്റ്റർ സിബിസിഎസ്എസ് (2013 2016 അഡ്മിഷൻ) ബിരുദ പരീക്ഷകൾ ഏപ്രിൽ ഒന്നിന് നടത്താനിരുന്നതും പിന്നീട് മാറ്റി വച്ചതുമാണ്. പ്ലാന്റ് ഫിസിയോളജി, ഇന്റഗ്രൽ കാൽക്കുലസ് ആൻഡ് മെട്രിസസ്, ഫിസിക്സ് ഇലക്ട്രിക്ക് ആൻഡ് മാഗ്നെറ്റിക് ഫനോമിന, തെർമ്മോഡൈനാമിക്സ് ആൻഡ് സ്പെഷൽ തീയറി ഓഫ് റിലേറ്റിവിറ്റി, ആനിമൽ ഡൈവേഴ്സിറ്റി കോർഡേറ്റ എന്നീ പരീക്ഷകൾ ചില കോളജുകളിൽ നടത്തിയെങ്കിലും സർവകലാശാല അത് റദ്ദാക്കിയിരുന്നു. അന്ന് പരീക്ഷ എഴുതിയ വിദ്യാർഥികൾ 17 ന് നടത്തുന്ന പുന: പരീക്ഷയിൽ പങ്കെടുക്കേണ്ടതാണെന്ന് പരീക്ഷാ കണ്ട്രോളർ അറിയിച്ചു.
പരീക്ഷാ ഫലം 2021 സെപ്റ്റംബറിൽ നടന്ന ഒന്ന്, രണ്ട്, ആറ് സെമസ്റ്ററുകൾ ബിടെക്ക് സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനക്കുമുള്ള അപേക്ഷ യഥാക്രം 790 രൂപ, 160 രൂപ നിരക്കിലുള്ള ഫീസ് സഹിതം 25 വരെ പരീക്ഷാ കണ്ട്രോളറുടെ കാര്യാലയത്തിൽ സ്വീകരിക്കും.
ജനുവരിയിൽ നടത്തിയ അഞ്ചാം സെമസ്റ്റർ സിബിസിഎസ് ബികോം. മോഡൽ I, II, III (2019 അഡ്മിഷൻ റെഗുലർ, 2017, 2018 അഡ്മിഷൻ റീഅപ്പിയറൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനക്കും യഥാക്രമം 370 രൂപ, 160 രൂപ നിരക്കിൽ ഫീസടച്ച് 25 വരെ ഓണ്ലൈനായി അപേക്ഷിക്കാം.
ജനുവരിയിൽ നടത്തിയ അഞ്ചാം സെമസ്റ്റർ സിബിസിഎസ് ബിഎ, ബിഎസ്സി മോഡൽ I, II, III (2019 അഡ്മിഷൻ റെഗുലർ, 2017, 2018 അഡ്മിഷൻ സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനക്കും യഥാക്രമം 370 രൂപ, 160 രൂപ നിരക്കിൽ ഫീസടച്ച് 25 വരെ ഓണ്ലൈനായി അപേക്ഷിക്കാം.
ജനുവരിയിൽ നടന്ന അഞ്ചാം സെമസ്റ്റർ സിബിസിഎസ് ബിബിഎ, ബിസിഎ, ബിബിഎം, ബിഎഫ്ടി, ബിടിടിഎം ബിഎസ്ഡബ്ല്യു (മോഡൽ III ന്യു ജനറേഷൻ) (2019 അഡ്മിഷൻ റെഗുലർ, 2017, 2018 അഡ്മിഷൻ റീഅപ്പിയറൻസ്) പരീക്ഷകളുടെ ഫലം പ്രഖ്യാപിച്ചു. പുനർമൂല്യനിർണയത്തിനും സൂക്ഷ്മപരിശോധനക്കും യഥാക്രമം 370 രൂപ, 160 രൂപ ഫീസടച്ച് 25 വരെ ഓണ്ലൈനായി അപേക്ഷിക്കാം.
ഇൻസ്ട്രുമെന്റ് ടെക്നീഷ്യൻ കരാർ നിയമനം എംജി സർവകലാശാല സ്കൂൾ ഓഫ് ബയോസയൻസിൽ ഇൻസ്ട്രുമെന്റ് ടെക്നീഷ്യൻ തസ്തികയിൽ താത്കാലിക കരാർ നിയമനത്തിന് അപേക്ഷ ക്ഷണിച്ചു. ആവശ്യമായ രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതമുള്ള അപേക്ഷ
[email protected] എന്ന ഇമെയിൽ വിലാസത്തിൽ 13 ന് വൈകുന്നേരം അഞ്ച് വരെ സ്വീകരിക്കും. www.mgu.ac.in
അക്കാദമിക് കൗണ്സിൽ യോഗം 18 ന് എംജി സർവകലാശാല അക്കാദമിക് കൗണ്സിലിന്റെ യോഗം ജൂണ് 18 ന് രാവിലെ 10നു സെനറ്റ് ഹാളിൽ ചേരും. യോഗത്തിൽ അവതരിപ്പിക്കാൻ ഉദ്ദേശിക്കുന്ന പ്രമേയങ്ങൾ അംഗങ്ങൾ 28 ന് മുൻപ് സർവ്വകലാശാല രജിസ്ട്രാർക്ക് സമർപ്പിക്കണം.