പ്രൈവറ്റ് രജിസ്ട്രേഷൻ രണ്ടാം സെമസ്റ്റർ പിജി അസൈൻമെന്റ്
കണ്ണൂർ സർവകലാശാല പ്രൈവറ്റ് രജിസ്ട്രേഷൻ 2020 പ്രവേശനം രണ്ടാം സെമസ്റ്റർ ബിരുദാനന്തര ബിരുദ പ്രോഗ്രാമുകളുടെ (ഏപ്രിൽ 2021 സെഷൻ) ഇന്റേണൽ ഇവാല്വേഷന്റെ ഭാഗമായുള്ള അസൈൻമെന്റ് 25 ന് വൈകുന്നേരം അഞ്ചിനകം വിദൂരവിദ്യാഭ്യാസ വിഭാഗത്തിൽ സമർപ്പിക്കണം. സർവകലാശാല വെബ്സൈറ്റിൽ AcademicsPrivate Registration ലിങ്കിൽ എൻറോൾമെന്റ് നമ്പറും ജനനതീയതിയും നൽകി അസൈൻമെന്റ് ചോദ്യങ്ങളും മാർഗനിർദേശങ്ങളും ഡൗൺലോഡ് ചെയ്യാം. അസൈൻമെന്റുകൾക്കുള്ള ഫീസ് പേപ്പർ ഒന്നിന് 90 രൂപ നിരക്കിൽ School of Distance Education Course Fee എന്ന ശീർഷകത്തിലാണ് അടയ്ക്കേണ്ടത്.
തീയതി നീട്ടി
അഫിലിയേറ്റഡ് കോളജുകളിലെയും സെന്ററുകളിലെയും ഒന്നാം സെമസ്റ്റർ എംസിഎ (റഗുലർ/സപ്ലിമെന്ററി/ഇംപ്രൂവ്മെന്റ്), നവംബർ 2021 പരീക്ഷകൾക്ക് അപേക്ഷിക്കുന്നതിനുള്ള അവസാന തീയതി പിഴയില്ലാതെ 13 വരെയും പിഴയോടെ 15വരെയും നീട്ടി. സപ്ലിമെന്ററി വിദ്യാർഥികളുടെ അപേക്ഷകളുടെ പകർപ്പ് 18ന് വൈകുന്നേരം അഞ്ചിന് സർവകലാശാലയിൽ ലഭിക്കണം. എപിസി 22 മുതൽ 25 വരെ സമർപ്പിക്കാം.