എംബിഎ പ്രവേശനം: ഇന്റർവ്യൂ
202223 അധ്യയനവർഷത്തിലെ കണ്ണൂർ സർവകലാശാല എംബിഎ പ്രവേശനത്തിനുള്ള ഗ്രൂപ്പ് ഡിസ്കഷനും പേഴ്സണൽ ഇന്റർവ്യൂവും ഇന്നുമുതൽ ഏഴുവരെ തലശേരി പാലയാടുള്ള ഡോ. ജാനകി അമ്മാൾ കാമ്പസിൽ നടത്തും. എംബിഎ പ്രോഗ്രാമിന് അപേക്ഷിച്ച വിദ്യാർഥികൾ പ്രവേശന പരീക്ഷയുടെ സ്കോർ കാർഡ്, ഡൗൺലോഡ് ചെയ്ത അപേക്ഷാഫോറം (ഓൺലൈൻ രജിസ്ട്രേഷൻ പ്രിന്റൗട്ട്), എസ്സി, എസ്ടി, ഒഇസി, എസ്ഇബിസി എന്നീ വിഭാഗങ്ങളിൽപ്പെടുന്നവർ ജാതി തെളിയിക്കുന്ന സർട്ടിഫിക്കറ്റ്/നോൺക്രീമിലെയർ സർട്ടിഫിക്കറ്റുകളുടെ പകർപ്പ്എന്നിവസഹിതം ഹാജരാകേണ്ടതാണ്. ജിഡി/ഇന്റർവ്യൂകളുടെ ഷെഡ്യൂൾ യൂണിവേഴ്സിറ്റി വെബ്സൈറ്റിൽ (www.admission.kannuruniversity.ac.in) ലഭ്യമാണ്.
ടൈംടേബിൾ
12ന് ആരംഭിക്കുന്ന ഒന്നാം സെമസ്റ്റർ ബിഎ എൽഎൽബി (റഗുലർ2021 സിലബസ്) നവംബർ 2021 പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
27ന് ആരംഭിക്കുന്ന കംബൈൻഡ് I& II സെമസ്റ്റർ ബിടെക് (2011 അഡ്മിഷൻ മുതൽപാർട്ട് ടൈം ഉൾപ്പെടെ) സപ്ലിമെന്ററി, ജനുവരി 2022 പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
29ന് ആരംഭിക്കുന്ന ഒന്നാം സെമസ്റ്റർ ഇന്റഗ്രേറ്റഡ് എംഎസ്സി (റഗുലർ/സപ്ലിമെന്ററി/ഇംപ്രൂവ്മെന്റ്), ഒക്ടോബർ 2021 പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
അഫ്സൽഉൽഉലമ പ്രിലിമിനറി പ്രവേശനം
കണ്ണൂർ സർവകലാശാലയിൽ അഫിലിയേറ്റ് ചെയ്തിട്ടുള്ള ഓറിയന്റൽ ടൈറ്റിൽ കോളജുകളിൽ 202223 വർഷത്തെ അഫ്സൽഉൽഉലമ പ്രിലിമിനറി കോഴ്സിലേക്ക് പ്രവേശനത്തിനുള്ള അപേക്ഷ ക്ഷണിച്ചു. 21 വരെ അതത് കോളജുകളിൽ അപേക്ഷ സമർപ്പിക്കാം. പ്രവേശന വിജ്ഞാപനം സർവകലാശാല വെബ്സൈറ്റിൽ (https://www.kannuruniversity.ac.in) ലഭ്യമാണ്.