ഫയൽ തീർപ്പാക്കൽ തീവ്രയജ്ഞ പരിപാടി
കോട്ടയം: ഫയൽ തീർപ്പാക്കൽ തീവ്രയജ്ഞ പരിപാടുയുടെ ഭാഗമായി സർവകലാശാല ബിരുദ സർട്ടിഫിക്കറ്റിനുള്ള അപേക്ഷകൾ തീർപ്പാക്കുന്നതിനായി ‘സ്പെഷൽ ഡ്രൈവ്’ നടത്തും. പോരായ്മകളില്ലാത്ത ബിരുദ അപേക്ഷകളുടെ പെൻഡിംഗ് സ്റ്റാറ്റസ് നിലവിൽ നാമമാത്രമാണ്. ഈ സാഹചര്യത്തിലാണ് പോരായ്മ പരിഹരിക്കാത്തതിനാൽ പ്രോസസ് ചെയ്യാൻ കഴിയാത്ത അപേക്ഷകൾ തീർപ്പാക്കുന്നതിനായി ’സ്പെഷൽ ഡ്രൈവ്’ പ്ലാൻ ചെയ്യുന്നത്. അപേക്ഷ സമർപ്പിച്ച് ആറു മാസത്തിലധികമായിട്ടും ബിരുദ സർട്ടിഫിക്കറ്റുകൾ ലഭിക്കാത്തവർക്കു വേണ്ടിയാണ് “സ്പെഷൽ ഡ്രൈവ്’ നടത്തുന്നത്. അപേക്ഷകർക്ക് സർവകലാശാല വെബ്സൈറ്റിൽ നൽകിയിട്ടുള്ള ഗൂഗിൾ ഫോം വഴി ഒന്പതുവരെ വിവരങ്ങൾ സമർപ്പിക്കാം.