ഗ്രേസ് ഗ്രേഡ് അപേക്ഷ: തുടര്‍നടപടികള്‍ നിര്‍ത്തിവച്ചതായി സംസ്കൃത സര്‍വകലാശാല
കൊച്ചി: സംസ്കൃത സര്‍വകലാശാലയിലെ ഒരു വിദ്യാര്‍ഥിക്ക് ഗ്രേസ് ഗ്രേഡ് നല്‍കിയതുമായി ബന്ധപ്പെട്ട വിവാദത്തില്‍ വിശദീകരണവുമായി സര്‍വകലാശാല. വിദ്യാര്‍ഥികളുടെ പരാതി ലഭിച്ചപ്പോള്‍ തന്നെ ഗ്രേസ് ഗ്രേഡുമായി ബന്ധപ്പെട്ട എല്ലാ അപേക്ഷകളിലെയും തുടര്‍നടപടികള്‍ നിര്‍ത്തിവയ്ക്കാനും ആരോപിതയായ വിദ്യാര്‍ഥിയുടെ മാര്‍ക്ക് ലിസ്റ്റിന്മേലുള്ള തുടര്‍നടപടികള്‍ നിര്‍ത്തിവയ്ക്കാനും നിര്‍ദേശിച്ചിട്ടുണ്ടെന്ന് പത്രക്കുറിപ്പില്‍ പറയുന്നു.
പരാതിയില്‍ ഉന്നയിച്ച വിഷയങ്ങളില്‍ കൂടുതല്‍ വ്യക്തത വരുത്താനുള്ള നടപടികള്‍ സ്വീകരിച്ചുവരികയാണ്. സര്‍വകലാശാലയില്‍ സൂക്ഷിച്ചിട്ടുള്ള റിസള്‍ട്ട് രജിസ്റ്ററിലെ പേരുകള്‍ പരിശോധിച്ചാണ് ഗ്രേസ് ഗ്രേഡ് അനുവദിക്കുന്നതെന്നും വിശദീകരണക്കുറിപ്പില്‍ പറയുന്നു.