എംബിഎ പരീക്ഷയ്ക്ക് മാറ്റമില്ല
സെപ്റ്റംബർ മൂന്നിന് നടത്തുന്നതിനായി പുതുക്കി നിശ്ചയിച്ചിട്ടുള്ള നാലാം സെമസ്റ്റർ എംബിഎ പരീക്ഷയുടെ ’റീട്ടെയിൽ ബിസിനസ് മാനേജ്മെന്റ്’ എന്ന പേപ്പറിന്റെ പരീക്ഷയ്ക്ക് മാറ്റമില്ല.
പ്രൈവറ്റ് ബിഎ, ബികോം അപേക്ഷാ തീയതി
സ്കൂൾ ഓഫ് ഡിസ്റ്റൻസ് എജ്യൂക്കേഷന്റെ കീഴിൽ നടത്തുന്ന ഒന്നും രണ്ടും സെമസ്റ്റർ ബിഎ, ബികോം (പ്രൈവറ്റ് രജിസ്ട്രേഷൻ സിബിസിഎസ്എസ് റെഗുലർ, സപ്ലിമെന്ററി) പരീക്ഷകൾ സെപ്റ്റംബറിൽ നടത്തും. അപേക്ഷകൾ സെപ്റ്റംബർ എഴു വരെയും 50 രൂപ പിഴയോടെ 10 വരെയും 500 രൂപ സൂപ്പർഫൈനോടെ 12 വരെയും സ്വീകരിക്കും. പേപ്പറൊന്നിന് 20 രൂപ വീതം (സെമസ്റ്ററിന് പരമാവധി 100 രൂപ) സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം. അപേക്ഷാഫോറം സർവകലാശാലാ വെബ്സൈറ്റിൽ നിന്നും ഡൗണ്ലോഡ് ചെയ്യാം. അപേക്ഷാഫോമിന്റെ വിലയായി 20 രൂപ പരീക്ഷാഫീസിനൊപ്പം അടയ്ക്കണം. ഫീസ് epay.mgu.ac.in എന്ന വെബ്സൈറ്റ് വഴി അടയ്ക്കണം. ബിഎ അപേക്ഷകൾ പരീക്ഷാവിഭാഗം അസിസ്റ്റന്റ് രജിസ്ട്രാർ നാലിനും ബികോം അപേക്ഷകൾ പരീക്ഷാവിഭാഗം അസിസ്റ്റന്റ് രജിസ്ട്രാർ അഞ്ചിനും നേരിട്ട് സമർപ്പിക്കണം.
പരീക്ഷാഫലം
2017 ഡിസംബറിൽ നടത്തിയ മൂന്നാം സെമസ്റ്റർ എംഎ ഇക്കണോമിക്സ് (സിഎസ്എസ് റെഗുലർ, ഇംപ്രൂവ്മെന്റ്, സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും സെപ്റ്റംബർ ഒന്നു വരെ അപേക്ഷിക്കാം.