പിജിഡിഎൻടി പരീക്ഷകൾ
കണ്ണൂർ സർവകലാശാലയുടെ രണ്ടാം സെമസ്റ്റർ പോസ്റ്റ് ഗ്രാജ്വേറ്റ് ഡിപ്ലോമ ഇൻ നാനോ ടെക്നോളജിയുടെ (പിജിഡിഎൻടി) (2015 അഡ്മിഷൻ) പ്രാക്ടിക്കൽ പരീക്ഷകൾക്കുള്ള അപേക്ഷകൾ പിഴകൂടാതെ 26 വരെയും 160 രൂപ പിഴയോടെ 29 വരെയും അപേക്ഷിക്കാം. പരീക്ഷാതീയതി പിന്നീട് പ്രഖ്യാപിക്കും.
എപിസി ഓണ്ലൈനായി സമർപ്പിക്കണം
ബിരുദ വിദ്യാർഥികളുടെയും ബിരുദാനന്തര ബിരുദ വിദ്യാർഥികളുടെയും അറ്റൻഡൻസ് പ്രോഗ്രസ് സർട്ടിഫിക്കറ്റ് (എപിസി) ഓണ്ലൈനായിട്ടാണു സമർപ്പിക്കേണ്ടത്. ഇതിനുള്ള ലിങ്ക് അഞ്ചാം സെമസ്റ്റർ ബിരുദ വിദ്യാർഥികളുടേത് 24 മുതലും മൂന്നാം സെമസ്റ്റർ ബിരുദാനന്തര ബിരുദ വിദ്യാർഥികളുടേത് 26മുതലും സർവകലാശാലാ വെബ്സൈറ്റിൽ ലഭ്യമാകും. എപിസി ഓണ്ലൈനായി സമർപ്പിക്കാനുള്ള അവസാന തീയതി 28 ആണ്. എപിസിയുടെ ഹാർഡ് കോപ്പി അതത് സെമസ്റ്റർ പരീക്ഷകൾ കഴിഞ്ഞയുടൻ സർവകലാശാലയിൽ സമർപ്പിക്കണം.
റീരജിസ്ട്രേഷൻ അനുവദിച്ചു
2007 മുതൽ 2010 വരെയുള്ള വർഷങ്ങളിൽ കണ്ണൂർ സർവകലാശാലയിൽ പ്രവേശനം നേടിയ ബിടെക് വിദ്യാർഥികൾക്ക് 2018 ഒക്ടോബർ/നവംബർ സെഷനിലെയും 2019 ഏപ്രിൽ/മേയ് സെഷനിലേയും ബന്ധപ്പെട്ട എല്ലാ സർവകലാശാല സെമസ്റ്റർ പരീക്ഷകൾക്കും രജിസ്റ്റർ ചെയ്യാൻ അവസരമൊരുക്കുന്നതിലേക്കായി ഒറ്റത്തവണ മേഴ്സി ചാൻസായി റീരജിസ്ട്രേഷൻ അനുവദിച്ചു. റീരജിസ്ട്രേഷൻ ആവശ്യമുള്ളവർ നിശ്ചിത ഫോറത്തിൽ പഠിച്ച കോളജ് പ്രിൻസിപ്പലിന്റെ ശിപാർശയോടെയുള്ള അപേക്ഷ, റീരജിസ്ട്രേഷൻ ഫീസായി 4,245 രൂപ യൂണിവേഴ്സിറ്റി ഫണ്ടിൽ അടച്ചതിന്റെ രസീത്, അവസാനമായി പരീക്ഷ എഴുതിയതിന്റെ ഹാൾടിക്കറ്റ്/മാർക്ക് ലിസ്റ്റിന്റെ പകർപ്പ് എന്നിവ സഹിതം രജിസ്ട്രാർ, കണ്ണൂർ യൂണിവേഴ്സിറ്റി, സിവിൽ സ്റ്റേഷൻ പി.ഒ, കണ്ണൂർ2 എന്ന വിലാസത്തിൽ അയയ്ക്കണം.