മൂന്നാം സെമസ്റ്റർ ബിഎഡ് പരീക്ഷകൾ ഡിസംബർ ഏഴിനു നടക്കും
അഫിലിയേറ്റഡ് കോളജുകളിലെയും വിദ്യാഭ്യാസ സ്ഥാപനങ്ങളിലേയും സീപാസിലെയും മൂന്നാം സെമസ്റ്റർ ബിഎഡ് (ക്രെഡിറ്റ് ആൻഡ് സെമസ്റ്റർ 2017 അഡ്മിഷൻ റെഗുലർ, 2017നു മുന്പുള്ള അഡ്മിഷൻ സപ്ലിമെന്ററി ദ്വിവത്സരം) പരീക്ഷകൾ ഡിസംബർ ഏഴിനു നടക്കും.
അപേക്ഷ 23 വരെയും 500 രൂപ പിഴയോടെ 24 വരെയും 1,000 രൂപ സൂപ്പർഫൈനോടെ 27 വരെയും സ്വീകരിക്കും. റെഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ വീതവും (പരമാവധി 200 രൂപ) സിവി ക്യാന്പ് ഫീസായി പരീക്ഷാഫീസിനു പുറമെ അടയ്ക്കണം.
പ്രാക്ടിക്കൽ
അഞ്ചാം സെമസ്റ്റർ സിബിസിഎസ്എസ് ബിഎസ്സി മൈക്രോബയോളജി (കോർ 2016 അഡ്മിഷൻ റെഗുലർ, 20132015 അഡ്മിഷൻ റീഅപ്പിയറൻസ്) ഒക്ടോബർ 2018 പരീക്ഷയുടെ പ്രാക്ടിക്കൽ 29 മുതൽ വിവിധ കേന്ദ്രങ്ങളിൽ നടക്കും.
ടൈംടേബിൾ വെബ്സൈറ്റിൽ
അഞ്ചാം സെമസ്റ്റർ ബിഎ ആനിമേഷൻ ആൻഡ് ഗ്രാഫിക് ഡിസൈൻ, മൾട്ടിമീഡിയ, വിഷ്വൽ ആർട്സ്, വിഷ്വൽ കമ്മ്യൂണിക്കേഷൻ, ആനിമേഷൻ ആൻഡ് വിഷ്വൽ എഫക്ട്സ്, ഓഡിയോഗ്രാഫി ആൻഡ് ഡിജിറ്റൽ എഡിറ്റിംഗ് (സിബിസിഎസ്എസ് 2016 അഡ്മിഷൻ റെഗുലർ, 2013 2015 അഡ്മിഷൻ റീഅപ്പിയറൻസ്) ഒക്ടോബർ 2018 പരീക്ഷയുടെ പ്രാക്ടിക്കൽ 24 മുതൽ വിവിധ കോളജുകളിൽ നടക്കും. ടൈംടേബിൾ വെബ്സൈറ്റിൽ.
പരീക്ഷാ സമയക്രമം
മൂന്നാം സെമസ്റ്റർ സിബിസിഎസ്എസ് (2013 2016 അഡ്മിഷൻ റീഅപ്പിയറൻസ്) പരീക്ഷകൾ രാവിലെ 9.30 മുതൽ 12.30 വരെയും മൂന്നാം സെമസ്റ്റർ സിബിസിഎസ് (പുതിയ സ്കീം 2017 അഡ്മിഷൻ) പരീക്ഷകൾ ഉച്ചയ്ക്ക് 1.30 മുതൽ 4.30 വരെയും (വെള്ളിയാഴ്ചകളിൽ രണ്ടു മുതൽ അഞ്ചു വരെയും) നടക്കും. ടൈംടേബിൾ വെബ്സൈറ്റിൽ.
വൈവാവോസി
2018 ഒക്ടോബറിലെ ആറാം സെമസ്റ്റർ എൽഎൽബി (ത്രിവത്സരം 2015 അഡ്മിഷൻ റഗുലർ, 20092014 അഡ്മിഷൻ സപ്ലിമെന്ററി, 2009ന് മുന്പുള്ള അഡ്മിഷൻ മേഴ്സി ചാൻസ്), പത്താം സെമസ്റ്റർ എൽഎൽബി (പഞ്ചവത്സരം 2006 2010 അഡ്മിഷൻ സപ്ലിമെന്ററി, 2006ന് മുന്പ് അഡ്മിഷൻ മേഴ്സി ചാൻസ് കോമണ്) പരീക്ഷകളുടെ വൈവാവോസി ഡിസംബർ നാലു മുതൽ 13 വരെ എറണാകുളം ഗവണ്മെന്റ് ലോ കോളജിൽ നടത്തും.
ടൈംടേബിൾ വെബ്സൈറ്റിൽ.
റൂറൽ ഡെവലപ്മെന്റ് ഹ്രസ്വകാല കോഴ്സ്
ഡിപ്പാർട്ട്മെന്റ് ഓഫ് ലൈഫ്ലോംഗ് ലേർണിംഗ് ആൻഡ് എക്സ്റ്റൻഷനിൽ നാളെ മുതൽ തുടങ്ങാനിരുന്ന റൂറൽ ഡെവലപ്മെന്റ് എന്ന 10 ദിവസം ദൈർഘ്യമുള്ള ഹ്രസ്വകാല സർട്ടിഫിക്കറ്റ് കോഴ്സ് ശനി, ഞായർ ദിവസങ്ങളിലായി നടത്താൻ നിശ്ചയിച്ചു. പ്രവേശനത്തിന് ആഗ്രഹിക്കുന്നവർ 24ന് പഠനവകുപ്പിൽ എത്തണം. വിശദവിവരത്തിനു ഫോണ്: 0481 2731560, 2731724.