എംഎ ഹിന്ദി: അന്തിമ റാങ്ക്പട്ടിക
2015 ജൂണിൽ നടത്തിയ നാലാം സെമസ്റ്റർ എംഎ ഹിന്ദി (പ്രൈവറ്റ്) പരീക്ഷയുടെ അന്തിമ റാങ്ക് പട്ടിക പ്രസിദ്ധീകരിച്ചു. ചങ്ങനാശേരി എൻഎസ്എസ് ഹിന്ദു കോളജിലെ മാർഗ്രറ്റ് വർഗീസ്, പാലാ സെന്റ് തോമസ് കോളജിലെ എൽ. ശ്രീകല, ബി. രാഖി എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി.
പരീക്ഷഫലം
2017 നവംബറിൽ നടത്തിയ നാലാം സെമസ്റ്റർ എംഎസ്സി ഫിസിക്സ് (നോണ് സിഎസ്എസ്) മേഴ്സി ചാൻസ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ 10 വരെ അപേക്ഷിക്കാം.
ഒരുമയുടെ നേട്ടം മധുരംവിതരണം ചെയ്ത്ആഘോഷിച്ച് എംജി യൂണിവേഴ്സിറ്റി
കോട്ടയം: ഒത്തൊരുമയുടെ വിജയകഥകൾ പറഞ്ഞും മധുരംവിതരണം ചെയ്തും മികച്ച സർവകലാശാലയ്ക്കുള്ള ചാൻസലേഴ്സ് പുരസ്കാരനേട്ടം എംജി യൂണിവേഴ്സിറ്റി ആഘോഷിച്ചു. സർവകലാശാല അസംബ്ലി ഹാളിൽ അധ്യാപകരുടെയും ജീവനക്കാരുടെയും വിദ്യാർഥികളുടെയും അനുമോദന യോഗം ആക്്ടിംഗ് വൈസ് ചാൻസലർ പ്രൊഫ. സാബു തോമസ് ഉദ്ഘാടനം ചെയ്തു.
സിൻഡിക്കറ്റിന്റെയും അധ്യാപകരുടെയും ജീവനക്കാരുടെയും വിദ്യാർഥികളുടെയും കൂട്ടായ യത്നത്തിലൂടെയാണ് മികച്ച യൂണിവേഴ്സിറ്റിക്കുള്ള ചാൻസലേഴ്സ് പുരസ്കാരം നേടാൻ യൂണിവേഴ്സിറ്റിക്കു കഴിഞ്ഞതെന്ന് പ്രൊഫ. സാബു തോമസ് പറഞ്ഞു. എംജിയെ ഇന്ത്യയിലെ മികച്ച 10 യൂണിവേഴ്സിറ്റികളിലൊന്നായി മാറ്റണം. പരീക്ഷ ഫലങ്ങൾ അതിവേഗത്തിൽ പ്രസിദ്ധീകരിക്കുകയാണ് മുഖ്യലക്ഷ്യമെന്നും അദ്ദേഹം പറഞ്ഞു. സിൻഡിക്കറ്റംഗം പി.കെ. ഹരികുമാർ അധ്യക്ഷത വഹിച്ചു.
സിൻഡിക്കറ്റംഗങ്ങളായ പ്രഫ. ടോമിച്ചൻ ജോസഫ്, ഡോ. ആർ. പ്രഗാഷ്, ഡോ. പി.കെ. പത്മകുമാർ, ഡോ. കെ. കൃഷ്ണദാസ്, വി.എസ്. പ്രവീണ് കുമാർ, ഡോ.എം.എസ്. മുരളി, പ്രഫ. കെ. ജയചന്ദ്രൻ, പ്രഫ. കെ.എം. കൃഷ്ണൻ, പ്രഫ. സന്തോഷ് പി. തന്പി, പ്രഫ. ബിസ്മി ഗോപാലകൃഷ്ണൻ, ഡോ. റോയ് സാം ഡാനിയേൽ, പരീക്ഷാ കണ്ട്രോളർ ഡോ. തോമസ് ജോണ് മാന്പറ, ഫിനാൻസ് ഓഫീസർ എബ്രഹാം ജെ. പുതുമന, ഐക്യൂഎസി ഡയറക്്ടർ പ്രഫ. സി.ടി. അരവിന്ദകുമാർ, സെനറ്റംഗങ്ങളായ ഡോ. എസ്. അനസ്, പി. പത്മകുമാർ, അധ്യാപകസർവീസ് സംഘടന പ്രതിനിധികളായ ഡോ. സി. വിനോദൻ, വി.പി. മജീദ്, എൻ. മഹേഷ്, പി.കെ. രമേശ് കുമാർ, കെ.ജി. ഷാജി, റിസർച്ച്സ് കോളഴ്സ് അസോസിയേഷൻ ഭാരവാഹി വി. വിജേഷ്, ഐക്യൂഎസി ജോയിന്റ് ഡയറക്്ടർ ഡോ. റോബിനറ്റ് ജേക്കബ്, ജോയിന്റ് രജിസ്ട്രാർ കെ. കോമളവല്ലി എന്നിവർ പ്രസംഗിച്ചു.