ഡിസംബർ 14ന് നടത്താനിരുന്ന ഒന്നാം സെമസ്റ്റർ എൽഎൽഎം പരീക്ഷ 10ന്
സ്കൂൾ ഓഫ് ഇന്ത്യൻ ലീഗൽ തോട്ടിൽ കഴിഞ്ഞ 14ന് നടത്താനിരുന്ന ഒന്നാം സെമസ്റ്റർ എൽഎൽഎം പരീക്ഷ 10ന് രാവിലെ 10 മുതൽ ഒന്നുവരെ നടക്കും. രണ്ടാം സെമസ്റ്റർ എൽഎൽഎം ക്ലാസുകൾ 14ന് ആരംഭിക്കും.
പ്രാക്ടിക്കൽ
2018 ഡിസംബറിൽ നടന്ന മൂന്നാം സെമസ്റ്റർ എംഎസ്സി ഫുഡ് ടെക്നോളജി ആൻഡ് ക്വാളിറ്റി അഷ്വറൻസ്, ഫുഡ് സയൻസ് ആൻഡ് ടെക്നോളജി, ഫുഡ് സയൻസ് ആൻഡ് ക്വാളിറ്റി കണ്ട്രോൾ (സിഎസ്എസ് റെഗുലർ, സപ്ലിമെന്ററി) പരീക്ഷയുടെ പ്രാക്ടിക്കൽ ഏഴു മുതൽ അതത് കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
2018 ഒക്ടോബർ, നവംബർ മാസങ്ങളിൽ തൃപ്പൂണിത്തുറ ആർഎൽവി കോളജിൽ നടത്തിയ അഞ്ചാം സെമസ്റ്റർ ബിഎ മ്യൂസിക് വോക്കൽ, വീണ, മൃദംഗം (സിബിസിഎസ്എസ് റെഗുലർ, റീഅപ്പിയറൻസ്), മൂന്നാം സെമസ്റ്റർ ബിഎ മ്യൂസിക് വീണ, മൃദംഗം (സിബിസിഎസ്, ന്യൂ സ്കീം 2017 അഡ്മിഷൻ റെഗുലർ, 20132016 അഡ്മിഷൻ സിബിസിഎസ്എസ് റീഅപ്പിയറൻസ് കോർ, കോംപ്ലിമെന്ററി) പരീക്ഷകളുടെ പ്രാക്ടിക്കൽ 10 മുതൽ 19 വരെ ആർഎൽവി കോളജിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
പരീക്ഷാ ഫലം
2018 ജൂലൈയിൽ സ്കൂൾ ഓഫ് പ്യുവർ ആൻഡ് അപ്ലൈഡ് ഫിസിക്സിൽ നടത്തിയ രണ്ടാം സെമസ്റ്റർ എംഎസ്സി ഫിസിക്സ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 ഒക്ടോബറിൽ നടന്ന ഒന്നാം വർഷ എംഎസ്സി മെഡിക്കൽ മൈക്രോബയോളജി റെഗുലർ, സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 17 വരെ അപേക്ഷിക്കാം.
പിഎച്ച്ഡി നൽകി
എജ്യൂക്കേഷനിൽ സേതു എസ്. നാഥ്, വി.ടി. മണികണ്ഠവിജയൻ, റിൻജു പി. കോശി, ആർ. രഞ്ജിഷ, കെ.ടി. രഞ്ജീഷ്, സി.എ. ഗീത, സ്റ്റാറ്റിസ്റ്റിക്സിൽ സിമി സെബാസ്റ്റ്യൻ, കെമിസ്ട്രിയിൽ ബി. ദീപ, എലിസബത്ത് ഫ്രാൻസിസ്, രമ്യ വിജയൻ, കംപ്യൂട്ടർ സയൻസിൽ ഗീവർ സി. സഖറിയാസ്, ഹിമ സുരേഷ്, മാത്തമാറ്റിക്സിൽ ജി.എസ്. ബിജു, എ. ശബരിനാഥ്, എസ്.എ. നൈസൽ, പി. അനിത, മാനേജ്മെന്റിൽ ബ്രിജേഷ് ജോർജ് ജോണ്, ബയോസയൻസസിൽ ആശ ഗംഗാധരൻ, എൻവയോണ്മെന്റൽ സയൻസസിൽ എം.പി. കൃഷ്ണ, മൈക്രോബയോളജിയിൽ കെ. ദിവ്യ, ഫിസിക്സിൽ ടി.എ. സഫീറ, ബിഹേവിയറൽ സയൻസിൽ ഷിബു പുത്തൻപറന്പിൽ എന്നിവർക്ക് പിഎച്ച്ഡി നൽകാൻ സർവകലാശാല സിൻഡിക്കേറ്റ് തീരുമാനിച്ചു.
പിഎസ്സി പരീക്ഷ പരിശീലനം
കേരള പബ്ലിക് സർവീസ് കമ്മീഷൻ നടത്തുന്ന യൂണിവേഴ്സിറ്റി അസിസ്റ്റന്റ്, വിഇഒ മത്സര പരീക്ഷകൾക്കുള്ള പരിശീലനം എംജി യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കും. 0481 2731025.