എട്ട്, ഒന്പത് തീയതികളിലെ പരീക്ഷകൾ മാറ്റി
പരീക്ഷകൾ മാറ്റി
എട്ട്, ഒന്പത് തീയതികളിൽ നടത്താൻ നിശ്ചയിച്ചിരുന്ന പരീക്ഷകൾ മാറ്റി. പുതുക്കിയ തീയതി പിന്നീട്.
കോഴ്സ് വർക്ക് പരീക്ഷ മാറ്റി
അഞ്ച്, ആറ് തീയതികളിൽ കോട്ടയം സിഎംഎസ് കോളജിൽ നടത്താൻ നിശ്ചയിച്ചിരുന്ന പിഎച്ച്ഡി കോഴ്സ് വർക്ക് (ഒന്ന്, രണ്ട്) പരീക്ഷകൾ യഥാക്രമം 19, 20 തീയതികളിലേക്കു മാറ്റി. കോഴ്സ് മൂന്നു പരീക്ഷകൾക്കു മാറ്റമില്ല.
പരീക്ഷാ തീയതി
സ്കൂൾ ഓഫ് ഇന്ത്യൻ ലീഗൽ തോട്ടിൽ നടക്കുന്ന രണ്ട്, നാല്, ആറ്, എട്ട് സെമസ്റ്റർ പഞ്ചവത്സര ബിബിഎ എൽഎൽബി (ഓണേഴ്സ്) റഗുലർ, സപ്ലിമെന്ററി പരീക്ഷകൾ 23ന് ആരംഭിക്കും. അപേക്ഷ എട്ടുവരെയും 500 രൂപ പിഴയോടെ ഒന്പതു വരെയും 1000 രൂപ സൂപ്പർഫൈനോടെ 10 വരെയും സ്വീകരിക്കും. റഗുലർ വിദ്യാർഥികൾ സെമസ്റ്ററൊന്നിന് 200 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ (സെമസ്റ്ററിന് പരമാവധി 200 രൂപ) വീതവും സിവി ക്യാന്പ് ഫീസായി പരീക്ഷാഫീസിനു പുറമെ അടയ്ക്കണം.
ഒന്നാം സെമസ്റ്റർ എംഎസ്സി അപ്ലൈഡ് ഫിഷറീസ് ആൻഡ് അക്വാ കൾച്ചർ ഡിസംബർ 2018 (സിഎസ്എസ് 2018 അഡ്മിഷൻ റഗുലർ, 2014, 2015, 2016, 2017 അഡ്മിഷൻ സപ്ലിമെന്ററി, 2012, 2013 അഡ്മിഷൻ മേഴ്സി ചാൻസ്) ടാക്സോണമി ആൻഡ് സിസ്റ്റമാറ്റിക്സ് ഓഫ് കൾച്ചറബിൾ അക്വാട്ടിക് ഓർഗാനിസം എന്ന പേപ്പറിന്റെ പരീക്ഷ 21ന് ഉച്ചയ്ക്ക് 1.30 മുതൽ 4.30 വരെ നടക്കും.
പരീക്ഷാഫലം
2018 ജൂലൈയിലെ രണ്ടാം സെമസ്റ്റർ മാസ്റ്റർ ഓഫ് ഹ്യൂമൻ റിസോഴ്സ് മാനേജ്മെന്റ് (2017 അഡ്മിഷൻ റഗുലർ, 2017ന് മുന്പുള്ള അഡ്മിഷൻ സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
യോഗം ഏഴിന്
ഒന്നും മൂന്നും സെമസ്റ്റർ യുജി മൂല്യനിർണയ സമിതി ചെയർമാന്മാരുടെ യോഗം ഏഴിനു രാവിലെ 11നും പിജി ചെയർമാന്മാരുടെ യോഗം ഉച്ചകഴിഞ്ഞു രണ്ടിനും സർവകലാശാല സെനറ്റ് ഹാളിൽ നടക്കും.
അവാർഡ് വിതരണം
പി. ശേഖരൻ നായർ എൻഡോവ്മെന്റ് വിതരണം 10ന് ഉച്ചകഴിഞ്ഞ് 3.30ന് സർവകലാശാല അസംബ്ലി ഹാളിൽ നടക്കും.