കേരള ആരോഗ്യശാസ്ത്ര സർവകലാശാല മാർച്ച് അഞ്ചു മുതലാരംഭിക്കുന്ന ഒന്നാംവർഷ ബിഎസ്സി എംആർടി ഡിഗ്രി (2013 & 2016 സ്കീം) സപ്ലിമെന്ററി പരീക്ഷ, മാർച്ച് ആറു മുതലാരംഭിക്കുന്ന രണ്ടാം വർഷ ബിഎസ്സി എംആർടി ഡിഗ്രി സപ്ലിമെന്ററി (2013 & 2016 സ്കീം) പരീക്ഷ എന്നിവയ്ക്ക് ഈമാസം 28 മുതൽ ഫെബ്രുവരി പതിനൊന്നു വരെ ഓണ്ലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി ഫെബ്രുവരി 13 വരെയും, 315 രൂപ സൂപ്പർ ഫൈനോടുകൂടി 15 വരെയും ഓണ്ലൈൻ രജിസ്ട്രേഷൻ നടത്താം.
മാർച്ച് അഞ്ചു മുതലാരംഭിക്കുന്ന ഫസ്റ്റ് പ്രഫഷണൽ ബിഎഎംഎസ് ഡിഗ്രി സപ്ലിമെന്ററി (2012 സ്കീം) പരീക്ഷയ്ക്ക് ഫെബ്രുവരി അഞ്ചു മുതൽ പന്ത്രണ്ടു വരെ ഓണ്ലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി ഫെബ്രുവരി 15 വരെയും, 315 രൂപ സൂപ്പർ ഫൈനോടുകൂടി 18 വരെയും ഓണ്ലൈൻ രജിസ്ട്രേഷൻ നടത്താം.
മാർച്ച് അഞ്ചു മുതലാരംഭിക്കുന്ന ഫൈനൽ പ്രഫഷണൽ ബിഎസ്എം എസ് ഡിഗ്രി റെഗുലർ ആൻഡ് സപ്ലിമെന്ററി (2013 സ്കീം) പരീക്ഷ, മാർച്ച് ആറു മുതലാരംഭിക്കുന്ന ഫസ്റ്റ് പ്രഫഷണൽ ബിഎസ്എംഎസ് ഡിഗ്രി സപ്ലിമെന്ററി (2013 & 2016 സ്കീം) പരീക്ഷ എന്നിവയ്ക്കു ഫെബ്രുവരി ആറുമുതൽ പതിനൊന്നു വരെ ഓണ്ലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി ഫെബ്രുവരി 14 വരേയും, 315 രൂപ സൂപ്പർ ഫൈനോടുകൂടി 16 വരേയും ഓണ്ലൈൻ രജിസ്ട്രേഷൻ നടത്താം.
മാർച്ച് അഞ്ചു മുതലാരംഭിക്കുന്ന മൂന്നാം വർഷ ബിസിവിടി ഡിഗ്രി സപ്ലിമെന്ററി (2011 & 2014 സ്കീം) പരീക്ഷയ്ക്ക് ഈമാസം 23 മുതൽ ഫെബ്രുവരി ഒന്നുവരെ ഓണ്ലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി ഫെബ്രുവരി ഏഴുവരെയും, 315 രൂപ സൂപ്പർ ഫൈനോടുകൂടി 13 വരേയും ഓണ്ലൈൻ രജിസ്ട്രേഷൻ നടത്താം.
റീടോട്ടലിംഗ് ഫലം
2018 സെപ്റ്റംബറിൽ പരീക്ഷ നടത്തി ഫലപ്രഖ്യാപനം നടത്തിയ ഒന്നും, രണ്ടും വർഷ ബിഎഎസ്എൽപി ഡിഗ്രി റെഗുലർ/സപ്ലിമെന്ററി പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
പരീക്ഷാഫലം
നവംബറിൽ നടത്തിയ തേർഡ് ബിഎച്ച്എംഎസ് ഡിഗ്രി റെഗുലർ (2015 സ്കീം), തേർഡ് ബിഎച്ച്എംഎസ് ഡിഗ്രി സപ്ലിമെന്ററി (2010 സ്കീം) പരീക്ഷാഫലങ്ങൾ പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർ ഷീറ്റിന്റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓണ്ലൈനായി ഈമാസം 31 നകം അപേക്ഷിക്കേണ്ടതാണ്.
ഡിസംബറിൽ നടത്തിയ എംഫാം പാർട്ട് ഒന്ന് സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീ ടോട്ടലിംഗ്, ഉത്തരക്കടലാസുകളുടേയും സ്കോർ ഷീറ്റിന്റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓണ്ലൈനായി ഫെബ്രുവരി ഒന്നിനകം അപേക്ഷിക്കേണ്ടതാണ്.
ഡിസംബറിൽ നടത്തിയ അഞ്ചാംവർഷ ഫാം ഡി സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർ ഷീറ്റിന്റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓണ്ലൈനായി ഫെബ്രുവരി ഒന്നിനകം അപേക്ഷിക്കേണ്ടതാണ്.
സർട്ടിഫിക്കറ്റ്
സെപ്റ്റംബറിൽ നടത്തിയ നാലാംവർഷ ബിഎസ്സി നഴ്സിംഗ് ഡിഗ്രി പരീക്ഷ പാസായ വിദ്യാർത്ഥികളുടെ പ്രൊവിഷണൽ സർട്ടിഫിക്കറ്റുകൾ അതാതു നഴ്സിംഗ് കോളജുകളിലേക്ക് അയച്ചിട്ടുണ്ട്. വിദ്യാർത്ഥികൾ ബന്ധപ്പെട്ട കോളജുകളിൽനിന്നും അവ കൈപ്പറ്റേണ്ടതാണ്.
പരീക്ഷാ തീയതി
ഫെബ്രുവരി 22 മുതലാരംഭിക്കുന്ന സെക്കന്ഡ് പ്രഫഷണൽ എംബിബിഎസ് ഡിഗ്രി റെഗുലർ/സപ്ലിമെന്ററി തിയറി പരീക്ഷാ ടൈം ടേബിൾ പ്രസിദ്ധീകരിച്ചു.
ഫെബ്രുവരി 19 മുതലാരംഭിക്കുന്ന രണ്ടാംവർഷ ബിസിവിടി ഡിഗ്രി സപ്ലിമെന്ററി തിയറി പരീക്ഷാ ടൈംടേബിൾ പ്രസിദ്ധീകരിച്ചു.