സീറ്റ് റിസർവ് ചെയ്ത യാത്രക്കാരനെ ബസിൽ കയറ്റാതെ കെഎസ്ആർടിസി : Deepika.com Kerala News |

Click here for detailed news of all items

സീറ്റ് റിസർവ് ചെയ്ത യാത്രക്കാരനെ ബസിൽ കയറ്റാതെ കെഎസ്ആർടിസി

Monday, April 29, 2024 4:20 AM IST
സ്വന്തം ലേഖകൻ

തിരുവനന്തപുരം: മുൻകൂട്ടി ടിക്കറ്റ് റിസർവ് ചെയ്ത യാത്രക്കാരനെ കയറ്റാതെ കെഎസ്ആർടിസി എസി ബസ്. കാത്തുനിന്നു മടുത്ത യാത്രക്കാരൻ ബസിലെ കണ്ടക്ടറെ വിളിച്ചപ്പോൾ ഞങ്ങൾ പുതിയ ആളുകൾ ആണെന്നും റൂട്ട് അറിയാത്തതിനാൽ വഴി മാറി പോയെന്നുമായിരുന്നു മറുപടി. അത്യാവശ്യ യാത്ര ആയതിനാലാണ് റിസർവ് ചെയത് ബസ് കാത്തുനിന്നതെന്നു പറഞ്ഞപ്പോൾ നിങ്ങളുടെ റിസേർവേഷൻ ചാർജ് റീഫണ്ട് ചെയ്യുമെന്നായിരുന്നു മറുപടി.

എടപ്പാളിൽനിന്നും എറണാകുളത്തേക്ക് ടിക്കറ്റ് റിസർവ് ചെയ്ത യാത്രക്കാരനാണ് ജീവനക്കാരുടെ അനാസ്ഥ മൂലം ദുരിതത്തിലായത്. കോഴിക്കോട് - തിരുവനന്തപുരം ജെൻറം 360 നന്പർ എസി ബസിൽ ആയിരുന്നു ടിക്കറ്റ് ബുക്ക് ചെയ്തിരുന്നത്.

ബസ് കാണാതായതോടെ കണ്ടക്ടറെ വിളിച്ച യാത്രക്കാരനോട് ഞങ്ങൾ വേറെ വഴിക്കാണ് പോകുന്നതെന്നും നിങ്ങൾ പുറകെ വരുന്ന ഏതെങ്കിലും ബസിൽ കയറി പൊയ്ക്കോളൂ എന്നുമായിരുന്നു മറുപടി.

ഇതേ തുടർന്ന് യാത്രക്കാരൻ കെഎസ്ആർടിസിയിൽ ബന്ധപെട്ടു പരാതി അറിയിച്ചു. എന്നാൽ അവിടെ നിന്നും നല്ല മറുപടിയല്ല ലഭിച്ചത്. പിന്നീട് കെഎസ്ആർടിസിയുമായി ബന്ധപ്പെട്ട നിരവധി ഉദ്യോഗസ്ഥരെ വിളിക്കുകയും സംഭവം വിവാദം ആകുമെന്ന് അറിഞ്ഞതോടെ ഇവർ ഇടപെടുകയുമായിരുന്നു. പിന്നീട് കെഎസ്ആർടിസി ബസിലെ കണ്ടക്ടർ തിരിച്ചു യാത്രക്കാരനെ വിളിക്കുകയും പിന്നാലെയുള്ള ബസിൽ കയറി തൃശൂർ ഇറങ്ങാൻ ആവശ്യപ്പെടുകയും ചെയ്തു. പിന്നീട് തൃശൂരിൽ നിന്നുമാണ് യാത്രക്കാരന് ബസ് കിട്ടിയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.