ഡ്രൈവിംഗ് ടെസ്റ്റ് പരിഷ്്കരണം: പുതിയ ട്രാക്കുകൾ തയാറായില്ല : Deepika.com Kerala News |

Click here for detailed news of all items

ഡ്രൈവിംഗ് ടെസ്റ്റ് പരിഷ്്കരണം: പുതിയ ട്രാക്കുകൾ തയാറായില്ല

Monday, April 29, 2024 4:20 AM IST

തിരുവനന്തപുരം: സംസ്ഥാനത്ത് നടപ്പാക്കാനിരിക്കുന്ന ഡ്രൈവിംഗ് ടെസ്റ്റ് പരിഷ്്കരണവുമായി ബന്ധപ്പെട്ട പുതിയ ട്രാക്കുകൾ ഇതേവരെ തയാറായില്ല. മേയ് ഒന്നു മുതലാണ് ഡ്രൈവിംഗ് ടെസ്റ്റ് പരിഷ്കരണം നടപ്പാക്കാൻ ഉദേശിക്കുന്നത്. മേയ് ഒന്നു മുതൽ ഒരു മോട്ടോർ വെഹിക്കിൾ ഇൻസ്പെക്ടർ 30 ലൈസൻസ് മാത്രം കൊടുത്താൽ മതിയെന്നാണ് ഗതാഗത മന്ത്രിയുടെ നിർദേശം.

അതേസമയം പ്രതിദിനം 100 ലൈസൻസ് വരെ കൊടുക്കുന്ന മോട്ടോർ വെഹിക്കിൾ ഇൻസ്പെക്ടർമാരുടെ പ്രത്യേക ടെസ്റ്റ് ഇന്നു നടക്കും. ഇവർ എങ്ങനെയാണ് ഇത്രയധികം ലൈസൻസ് ഒരു ദിവസം നൽകുന്നതെന്നറിയാനാണ് പ്രത്യേക ടെസ്റ്റ് നടത്തുന്നത്. മോട്ടോർ വാഹനവകുപ്പിലെ ഉദ്യോഗസ്ഥരുടെ കടുത്ത പ്രതിഷേധത്തിനിടെയും പരിഷ്്കരണവുമായി മുന്നോട്ടുപോകാനാണ് ഗതാഗതമന്ത്രി കെ.ബി. ഗണേഷ് കുമാറിന്‍റെ തീരുമാനം. ടെസ്റ്റ് നടത്തുന്ന 86 ഗ്രൗണ്ടുകൾ നവീകരിക്കാൻ മന്ത്രി നിർദേശം നൽകിയിരുന്നു.

എന്നാൽ ഒൻപത് സ്ഥലത്ത് മാത്രമാണ് മോട്ടോർ വാഹനവകുപ്പിനു സ്വന്തമായി ഭൂമിയുള്ളത്. തദ്ദേശ സ്ഥാപനങ്ങളുടെ ഭൂമിയിലും സ്കൂൾ ഗ്രൗണ്ടിലും സ്വകാര്യ വ്യക്തികളുടെ ഭൂമിയിലുമൊക്കായാണ് ബാക്കി ടെസ്റ്റ് നടത്തുന്നത്. മാവേലിക്കരയിൽ ഒഴികെ മറ്റൊരു സ്ഥലത്തും പുതിയ ട്രാക്കുണ്ടാക്കാൻ ഇതുവരെ കഴിഞ്ഞിട്ടില്ല. ഡ്രൈവിംഗ് സ്കൂളുകൾ ചേർന്നാണ് മാവേലിക്കരയിൽ ട്രാക്ക് ഒരുക്കിയത്. സ്ഥലംകണ്ടെത്താനും ട്രാക്ക് ഒരുക്കാനും പണം ആരു ചെലവാക്കുമെന്ന കാര്യത്തിൽ ഇപ്പോഴും വ്യക്തതയില്ല.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.