ഗുജറാത്ത് തീരത്ത് പാക് ബോട്ടിൽനിന്ന് 600 കോടിയുടെ ലഹരിമരുന്ന് പിടിച്ചെടുത്തു : Deepika.com National News |

Click here for detailed news of all items

ഗുജറാത്ത് തീരത്ത് പാക് ബോട്ടിൽനിന്ന് 600 കോടിയുടെ ലഹരിമരുന്ന് പിടിച്ചെടുത്തു

Monday, April 29, 2024 3:50 AM IST

അഹമ്മദാബാദ്: ഗുജറാത്ത് തീരത്തെത്തിയ പാക്കിസ്ഥാൻ ബോട്ടിൽനിന്ന് 600 കോടിയോളം രൂപയുടെ ലഹരിമരുന്ന് കോസ്റ്റ്ഗാർഡ് പിടിച്ചെടുത്തു. 86 കിലോഗ്രാം മയക്കുമരുന്നുമായി എത്തിയ 14 അംഗ സംഘത്തെ കസ്റ്റഡിയിലെടുക്കുകയും ചെയ്തു.

രഹസ്യാന്വേഷണവിഭാഗം റിപ്പോർട്ടിന്‍റെ അടിസ്ഥാനത്തിൽ ഗുജറാത്ത് തീവ്രവാദവിരുദ്ധ സ്ക്വാഡിന്‍റെയും നാർക്കോട്ടിക് കണ്‍ട്രോൾ ബ്യൂറോയുടെയും സഹകരണത്തോടെ നടത്തിയ നീക്കത്തിലാണ് സംഘം പിടിയിലായത്.

തീരസംരക്ഷണസേനയുടെ രജത്രാൻ എന്ന കപ്പലും വിമാനവും വിന്യസിച്ചായിരുന്നു കോസ്റ്റ്ഗാർഡിന്‍റെ തിരച്ചിൽ. രക്ഷപ്പെടാനുള്ള പാക് സംഘത്തിന്‍റെ ശ്രമം കരുത്തും വേഗവുമുള്ള രജത്രാനുമുന്നിൽ പരാജയപ്പെടുകയായിരുന്നു. കപ്പലിലുണ്ടായിരുന്ന സുരക്ഷാസേന ബോട്ടിൽ കയറി മയക്കുമരുന്നിന്‍റെ സാന്നിധ്യം സ്ഥിരീകരിച്ചിരുന്നു. പിടിച്ചെടുത്ത ലഹരിമരുന്ന് ഏതുതരത്തിലുള്ളതാണെന്ന് വ്യക്തമാക്കിയിട്ടില്ല. അറസ്റ്റിലായവരെ തുടർ അന്വേഷണത്തിനായി പോർബന്തറിലേക്കു കൊണ്ടുവന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.