പഞ്ചാബിൽ നാലു സ്ഥാനാർഥികളെക്കൂടി കോൺഗ്രസ് പ്രഖ്യാപിച്ചു : Deepika.com National News |

Click here for detailed news of all items

പഞ്ചാബിൽ നാലു സ്ഥാനാർഥികളെക്കൂടി കോൺഗ്രസ് പ്രഖ്യാപിച്ചു

Tuesday, April 30, 2024 1:41 AM IST

ന്യൂഡൽഹി: പഞ്ചാബിൽ നാലു സ്ഥാനാർഥികളെക്കൂടി കോൺഗ്രസ് പ്രഖ്യാപിച്ചു. പിസിസി അധ്യക്ഷൻ അമരീന്ദർ സിംഗ് ബ്രാർ(രാജാ വാറിംഗ്) ലുധിയാനയിൽ മത്സരിക്കും.

എഐസിസി ജനറൽ സെക്രട്ടറി സുഖ്ജിന്ദർ സിംഗ് രൺധാവ ഗുരുദാസ്പുരിൽ ജനവിധി തേടും. വിജയ് ഇന്ദർ സിംഗ് സിംഗ്ല(അനന്ദ്പുർ സാഹിബ്), കുൽബീർ സിംഗ് സിര(ഖദൂർ സാഹിബ്) എന്നിവരാണു മറ്റു സ്ഥാനാർഥികൾ. സിറ്റിംഗ് എംപി ജസ്ബീർ സിംഗ് ഗില്ലിനെ മാറ്റിയാണ് കുൽബീറിനെ സ്ഥാനാർഥിയാക്കിയത്.

അനന്ദ്പുർ സാഹിബിലെ സിറ്റിംഗ് എംപി മനീഷ് തിവാരി ചണ്ഡിഗഡിലാണ് മത്സരിക്കുന്നത്.

ലുധിയാന എംപി രവ്നീത് സിംഗ് ബിട്ടു ബിജെപിയിൽ ചേർന്നു. പഞ്ചാബിൽ കോൺഗ്രസ് ഇതുവരെ 12 സ്ഥാനാർഥികളെ പ്രഖ്യാപിച്ചുകഴിഞ്ഞു. ഫിറോസ്പുരിൽ മാത്രമാണ് ഇനി സ്ഥാനാർഥിയെ നിശ്ചയിക്കാനുള്ളത്. ലുധിയാനയിൽ വാറിംഗ് ബിജെപിയിലെ രവ്നീത് ബിട്ടുവിനെ നേരിടും.

എഎപിയിലെ അശോക് പരാശർ പാപ്പി, അകാലി ദളിലെ രൺജീത് സിംഗ് ധില്ലൻ എന്നിവരാണു മറ്റ് എതിരാളികൾ. 2019ൽ ഭട്ടിൻഡയിൽ വാറിംഗ് മത്സരിച്ചെങ്കിലും പരാജയപ്പെട്ടു.

സുഖ്ജിന്ദർ സിംഗ് രൺധാവ മുൻ പഞ്ചാബ് ഉപമുഖ്യമന്ത്രിയാണ്. രാജസ്ഥാന്‍റെ ചുമതലയുള്ള എഐസിസി ജനറൽ സെക്രട്ടറിയായ രൺധാവ നാലു തവണ നിയമസഭാംഗമായിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.