ഇന്ത്യൻ ഓവർസീസ് കോൺഗ്രസ് ചെയർമാൻസ്ഥാനം പിത്രോഡ രാജിവച്ചു : Deepika.com National News |

Click here for detailed news of all items

ഇന്ത്യൻ ഓവർസീസ് കോൺഗ്രസ് ചെയർമാൻസ്ഥാനം പിത്രോഡ രാജിവച്ചു

Thursday, May 9, 2024 2:41 AM IST

ന്യൂഡൽഹി: വംശീയ പരാമർശങ്ങളുമായി വിവാദമുയർത്തിയ കോൺഗ്രസ് നേതാവ് സാം പിത്രോഡ ഇന്ത്യൻ ഓവർസീസ് കോൺഗ്രസ് ചെയർമാൻസ്ഥാനം രാജിവച്ചു.

പിത്രോഡയുടെ രാജി കോൺഗ്രസ് അധ്യക്ഷൻ മല്ലികാർജുൻ ഖാർഗെ സ്വീകരിച്ചുവെന്ന് എഐസിസി ജനറൽ സെക്രട്ടറി ജയറാം രമേശ് എക്സിൽ അറിയിച്ചു. പിത്രോഡയുടെ പരാമർശങ്ങളെ കോൺഗ്രസ് നേതൃത്വം തള്ളിയിരുന്നു.

അങ്ങേയറ്റം ദൗർഭാഗ്യകരവും അസ്വീകാര്യവുമെന്നാണ് പിത്രോഡയുടെ പരാമർശത്തെ കോൺഗ്രസ് വിശേഷിപ്പിച്ചത്. ലോക്സഭാ തെരഞ്ഞെടുപ്പിനു പാരന്പര്യസ്വത്തിനെക്കുറിച്ച് സാം പിത്രോഡ നടത്തിയ പരാമർശവും ഏറെ വിവാദമുയർത്തിയിരുന്നു.

“ഇന്ത്യ പോലെ വൈവിധ്യമാർന്ന രാജ്യത്തെ ഒരുമിച്ചുനിർത്താൻ നമുക്കു കഴിയും. കിഴക്ക് ആളുകൾ ചൈനക്കാരെപ്പോലെ, പടിഞ്ഞാറ് ആളുകൾ അറബികളെപ്പോലെ, വടക്ക് ആളുകൾ വെളുത്തവരെപ്പോലെ, തെക്കുള്ള ജനങ്ങൾ ആഫ്രിക്കക്കാരെപ്പോലെ കാണപ്പെടുന്നു. എല്ലാവരും സഹോദരീസഹോദരന്മാരാണ്’’- ദ സ്റ്റേറ്റ്സ്മാൻ ദിനപത്രത്തിനു നൽകിയ പോഡ്കാസ്റ്റ് അഭിമുഖത്തിൽ പിത്രോഡ നടത്തിയ ഈ പരാമർശമാണു വിവാദമായത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.