പാരീസ്: ഫ്രഞ്ച് ഓപ്പണ്‍ ടെന്നീസ് പുരുഷ സിംഗിള്‍സില്‍ ലോക ഒന്നാം നമ്പര്‍ നൊവാക് ജോക്കോവിച്ച് 6-1, 6-4, 6-1ന് അനായാസ ജയത്തോടെ പ്രീക്വാര്‍ട്ടറിലെത്തി. റിച്ചാര്‍ഡ്‌സ് ബെറാന്‍കിസിനെയാണ് ജോക്കോവിച്ച് പരാജയപ്പെടുത്തിയത്. നിലവിലെ ചാന്പ്യൻ റഫേൽ നദാൽ 6-3, 6-3, 6-3ന് കാമറോൺ നോറിയെ തോൽപ്പിച്ച് പ്രീക്വാർട്ടറിൽ അനാ‍യാസം കടന്നു. ലോക രണ്ടാം നമ്പര്‍ ഡാനില്‍ മെദ്‌വദേവ് അനായാസ ജയത്തോടെ പ്രീക്വാര്‍ട്ടറില്‍. മെദ് വദേവ് നേരിട്ടുള്ള സെറ്റുകള്‍ക്ക് (6-4, 6-2, 6-4) റീലി ഒപെല്‍കയെ പരാജയപ്പെടുത്തി.
സ്റ്റെഫാനോസ് സിറ്റ്‌സിപാസ് 5-7, 6-3, 7-6(7-3),6-1ന് ജോണ്‍ ഇസ്‌നറെ തോല്‍പ്പിച്ചു. ലോക ആറാം നമ്പര്‍ അലക്‌സാണ്ടര്‍ സ്വരേവ് 6-2, 7-5, 6-2നു സെര്‍ബിയയുടെ ലാസ് ലോ ഡെറെയെ തോല്‍പ്പിച്ചു. ഡിഗോ ഷ്വാര്‍ട്‌സ്മാന്‍ 6-4, 6-2, 6-1 ഫിലിപ് കോള്‍ഷെര്‍ബെറിനെ പരാജയപ്പെടുത്തി. സ്‌പെയിനിന്‍റെ പാബ്‌ലോ കരേനോ ബൗസ്റ്റ് 6-4, 6-4, 6-2ന് സ്റ്റീവ് ജോണ്‍സനെ പരാജയപ്പെടുത്തി. ജാനിക് സിന്നര്‍ 6-1, 7-5, 6-3ന് മിഖായല്‍ യമെറിനെ തോല്‍പ്പിച്ചു.
വനിതാ സിംഗിള്‍സ് മത്സരങ്ങളില്‍ അഞ്ചാം റാങ്ക് എലിന സ്വിറ്റോലിന പുറത്ത്. ചെക് റിപ്പബ്ലിക്കിന്‍റെ ബാര്‍ബറ ക്രെജികോവ 6-3, 6-2ന് സ്വിറ്റോലിനയെ പരാജയപ്പെടുത്തി പ്രീക്വാര്‍ട്ടറിലെത്തി. സൊളേന്‍ സ്റ്റീഫന്‍സ് 6-3, 7-5ന് കരോളിന മച്ചോവയെ തോല്പിച്ചു. ലോക നാലാം നമ്പര്‍ സോഫിയ കെനിന്‍ 4-6, 6-1, 6-4ന് ജെസിക പെഗുലയെ തോല്‍പ്പിച്ചു. മാര്‍ത്ത കോസ്റ്റുക് പ്രീക്വാര്‍ട്ടറിലെത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.