ടൈറ്റൻസ് ജയം : Deepika.com Sports News |

Click here for detailed news of all items

ടൈറ്റൻസ് ജയം

Monday, March 25, 2024 2:31 AM IST

അഹമ്മദാബാദ്: ഇന്ത്യൻ പ്രീമിയർ ലീഗ് ക്രിക്കറ്റിൽ മുംബൈ ഇന്ത്യൻസിനെതിരേ ഗുജറാത്ത് ടൈറ്റൻസിന് ആറു റണ്‍സ് ജയം. സ്കോർ ഗുജറാത്ത് ടൈറ്റൻസ്: 20 ഓവറിൽ 168/6. മുംബൈ ഇന്ത്യൻസ് 20 ഓവറിൽ 162/9. ഡെവാൾഡ് ബ്രെവിഡ് (46) ആണ് മുംബൈയുടെ ടോപ് സ്കോറർ. രോഹിത് ശർമ (43) മികച്ച പ്രകടനം നടത്തി. തിലക് വർമ (25), നമാൻ ദിർ (20) എന്നിവർ ഭേദപ്പെട്ട പ്രകടനം നടത്തി. രോഹിതിന് സായ് സുദർശൻ വിക്കറ്റിനു മുന്നിൽ കുരുക്കുകയായിരുന്നു.

ജയം പ്രതീക്ഷിച്ചുനീങ്ങിയ മുംബൈയെ രണ്ടു വിക്കറ്റ് വീതം വീഴ്ത്തിയ അസ്മത്തുള്ള ഒമർസായി, ഉമേഷ് യാദവ്, സ്പെൻസർ ജോണ്‍സണ്‍, മോഹിത് ശർമ എന്നിവരാണ് തകർത്തത്. സായി കിഷോർ ഒരു വിക്കറ്റ് വീഴ്ത്തി.

ടോസ് നേടിയ മുംബൈ നായകൻ ഗുജറാത്ത് ടൈറ്റൻസിനെ ബാറ്റിംഗിനു വിടുകയായിരുന്നു. ഹാർദിക് പാണ്ഡ്യയാണ് മുംബൈയുടെ ബൗളിംഗ് ഓപ്പണ്‍ ചെയ്തത്. സായ് സുദർശനാണ് (45) ഗുജറാത്തിന്‍റെ ടോപ് സ്കോറർ. നാല് ഓവറിൽ 14 റണ്‍സ് വഴങ്ങി മൂന്ന് വിക്കറ്റെടുത്ത ജസ്പ്രീത് ബുംറയാണ് ഗുജറാത്തിനെ വലിയ സ്കോറില്ലാതെ നിർത്തിയത്.

ശുഭ്മാൻ ഗില്ലും വൃദ്ധിമാൻ സാഹയും മികച്ച തുടക്കമാണ് നൽകിയത്. 31 റണ്‍സാണ് ഓപ്പണിംഗ് കൂട്ടുകെട്ടിൽ നേടിയത്. എന്നാൽ അവസാന ഓവറുകളിൽ കാര്യമായ സ്കോർ ചെയ്യാനായില്ല. 17-ാം ഓവറിൽ ഡേവിഡ് മില്ലർ (12), 39 പന്തുകൾ നേരിട്ട് ഒരു സിക്സും മൂന്നു ഫോറുമടക്കം 45 റണ്‍സ് നേടിയ സായി സുദർശൻ എന്നിവരുടെ വിക്കറ്റ് നേടിയ ബുംറയാണ് ടൈറ്റൻസിനെ വൻ സ്കോറിലെത്തുന്നതിന് തടസമായത്. രാഹുൽ തെവാട്ടിയ (22) ജെറാൾഡ് കോട്ട്സിയുടെ പന്തിൽ നാമൻ ധിറിന് ക്യാച്ച് നൽകി മടങ്ങി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.