ഇം​ഫാ​ൽ: ക​ലാ​പം രൂ​ക്ഷ​മാ​യ മ​ണി​പ്പൂ​രി​ൽ അ​ക്ര​മി​ക​ൾ ആം​ബു​ല​ൻ​സി​ന് തീ​യി​ട്ട് യു​വ​തി​യും മ​ക​നു​മു​ൾ​പ്പെ​ടെ മൂ​ന്നു പേ​ർ വെ​ന്തു​മ​രി​ച്ചു. പ​രി​ക്കേ​റ്റ എ​ട്ടു​വ​യ​സു​കാ​ര​നു​മാ​യി പോ​കു​ക​യാ​യി​രു​ന്ന ആം​ബു​ല​ൻ​സി​നാ​ണ് അ​ക്ര​മി​ക​ൾ തീ​യി​ട്ട​ത്.

കു​ട്ടി​യും അ​മ്മ​യും ഇ​വ​രു​ടെ ബ​ന്ധു​വാ​യ സ്ത്രീ​യു​മാ​ണ് കൊ​ല്ല​പ്പെ​ട്ട​ത്. ഞാ​യ​റാ​ഴ്ച വൈ​കു​ന്നേ​രം വെ​സ്റ്റ് ഇം​ഫാ​ൽ ജി​ല്ല​യി​ലെ ഐ​റോ​യി​സെം​ബ​യി​ലാ​യി​രു​ന്നു സം​ഭ​വം. ത​ല​യ്ക്ക് വെ​ടി​യേ​റ്റ കു​ട്ടി​യെ അ​മ്മ​യും ബ​ന്ധു​വും ചേ​ർ​ന്ന് ഇം​ഫാ​ലി​ലെ ആ​ശു​പ​ത്രി​യി​ലേ​ക്ക് കൊ​ണ്ടു​പോ​കു​ന്ന​തി​നി​ടെ​യാ​ണ് ആ​ക്ര​മ​ണം ഉ​ണ്ടാ​യ​ത്.

ടോ​ൺ​സിം​ഗി​ന്‍റെ പി​താ​വ് ഗോ​ത്ര​വ​ർ​ഗ​ക്കാ​ര​നാ​ണ്. അ​മ്മ മീ​ന മീ​തേ​യ് വി​ഭാ​ഗ​ക്കാ​രി​യാ​ണ്. ഇ​വ​ർ കാം​ഗ്ചു​പ്പി​ലെ അ​സം റൈ​ഫി​ൾ​സി​ന്‍റെ ദു​രി​താ​ശ്വാ​സ ക്യാ​മ്പി​ൽ താ​മ​സി​ക്കു​ക​യാ​യി​രു​ന്നു. പ്ര​ദേ​ശ​ത്ത് ഞാ​യ​റാ​ഴ്ച ഇ​രു​വി​ഭാ​ഗ​ങ്ങ​ൾ ത​മ്മി​ൽ വെ​ടി​വ​യ്പു​ണ്ടാ​യി.

ആ​ക്ര​മ​ണ​ത്തി​ൽ കു​ട്ടി​യു​ടെ ത​ല​യ്ക്ക് പ​രി​ക്കേ​റ്റു. അ​മ്മ ഭൂ​രി​പ​ക്ഷ സ​മു​ദാ​യ​ത്തി​ൽ​പ്പെ​ട്ട ആ​ളാ​യ​തി​നാ​ൽ കു​ട്ടി​യെ റോ​ഡ് മാ​ർ​ഗം ഇം​ഫാ​ലി​ലെ റീ​ജി​യ​ണ​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സി​ൽ എ​ത്തി​ക്കാ​ൻ തീ​രു​മാ​നി​ച്ചു. ഏ​താ​നും കി​ലോ​മീ​റ്റ​ർ ആ​സാം റൗ​ഫി​ൾ​സ് ആം​ബു​ല​ൻ​സി​ന് സു​ര​ക്ഷ​യൊ​രു​ക്കി ഒ​പ്പം സ​ഞ്ച​രി​ച്ചു. പി​ന്നീ​ട് ലോ​ക്ക​ൽ പോ​ലീ​സ് ഏ​റ്റെ​ടു​ത്തു.

വൈ​കു​ന്നേ​രം 6.30 ഓ​ടെ ഐ​റോ​യി​സെം​ബ​യി​ൽ ആം​ബു​ല​ൻ​സ് നാ​ട്ടു​കാ​ർ ത​ട​യു​ക​യും തീ​യി​ടു​ക​യും ചെ​യ്തു. വാ​ഹ​ന​ത്തി​ലു​ണ്ടാ​യി​രു​ന്ന മൂ​ന്നു​പേ​രും മ​രി​ച്ചു. മൃ​ത​ദേ​ഹ​ങ്ങ​ൾ എ​വി​ടെ​യാ​ണെ​ന്ന് ഇ​പ്പോ​ഴും പോ​ലീ​സി​ന് അ​റി​യി​ല്ല.