നവകേരള സദസ് അശ്ലീല സദസ്; പരാമർശത്തിൽ ഉറച്ച് സതീശൻ |

Click here for detailed news of all items

നവകേരള സദസ് അശ്ലീല സദസ്; പരാമർശത്തിൽ ഉറച്ച് സതീശൻ

Monday, December 4, 2023 6:03 PM IST

തിരുവനന്തപുരം: നവകേരള സദസ് അശ്ലീല സദസ് ആണെന്ന മുന്‍ പരാമര്‍ശത്തില്‍ ഉറച്ചുനില്‍ക്കുന്നുവെന്ന് പ്രതിപക്ഷ നേതാവ് വി.ഡി. സതീശന്‍. പാവപ്പെട്ടവരെ മറന്ന് കോടികളുടെ ധൂർത്ത് നടത്തുന്ന പരിപാടിയാണ് നവകേരള സദസ്.

മഹാരാജാവ് എഴുന്നള്ളുമ്പോൾ സ്കൂൾ മതിലുകളും കെട്ടിടങ്ങളും പൊളിഞ്ഞ് വീഴുന്നത് സ്വാഭാവികമാണ്. തന്‍റെ മണ്ഡലത്തിലെ സ്കൂൾ മതിൽ പൊളിച്ചതും രാജാവിന് സ്വതന്ത്രമായി കടന്നുവരാനാണെന്നും അദ്ദേഹം പരിഹസിച്ചു.

നാല് സംസ്ഥാനങ്ങളിലെ കോൺഗ്രസിന്‍റെ തെരഞ്ഞെടുപ്പ് പരാജയത്തിൽ ബിജെപിയെക്കാൾ കൂടുതൽ സന്തോഷിച്ചത് പിണറായി വിജയനാണ്. സിപിഎം പ്രതിനിധിയെ പ്രതിപക്ഷ സഖ്യമായ ഇന്ത്യാ മുന്നണിയുടെ ഭാഗമാക്കാതിരിക്കാൻ കേന്ദ്ര നേതൃത്വത്തെ സ്വാധീനിച്ചതും പിണറായിയാണ്. ലാവ്‌ലിൻ കേസ് സുപ്രീംകോടതി തുടർച്ചയായി മാറ്റിവയ്ക്കുന്നതുമായി ഇത് ചേർത്ത് വായിക്കണം.

പകൽ സിപിഎമ്മും രാത്രി ബിജെപിയുമായി മാറുന്ന പിണറായി കോൺഗ്രസിനെ മതേതരത്വം പഠിപ്പിക്കാൻ വരേണ്ടെന്നും പ്രതിപക്ഷ നേതാവ് പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.