ബം​ഗ​ളൂ​രു:​ക​ര്‍​ണാ​ട​ക​യി​ല്‍ സി​ദ്ധ​രാ​മ​യ്യ​യു​ടെ നേ​തൃ​ത്വ​ത്തി​ലു​ള്ള കോ​ണ്‍​ഗ്ര​സ് സ​ര്‍​ക്കാ​ര്‍ ശ​നി​യാ​ഴ്ച സ്ഥാ​ന​മേ​ല്‍​ക്കും. ബം​ഗ​ളൂ​രു ക​ണ്ഠീ​ര​വ സ്റ്റേ​ഡി​യ​ത്തി​ല്‍ ഉ​ച്ച​യ്ക്ക് 12.30നാ​ണ് സ​ത്യ​പ്ര​തി​ജ്ഞ. ഗ​വ​ര്‍​ണ​ര്‍ താവ​ര്‍​ചന്ദ് ഗെ​ലോ​ട്ട് സ​ത്യ​വാ​ച​കം ചൊ​ല്ലി​ക്കൊ​ടു​ക്കും.

ഉ​പ​മു​ഖ്യ​മ​ന്ത്രി ഡി.​കെ.​ശി​വ​കു​മാ​റും മ​റ്റ് 25 മ​ന്ത്രി​മാ​രും ശ​നി​യാ​ഴ്ച സ​ത്യ​പ്ര​തി​ജ്ഞ ചെ​യ്‌​തേ​ക്കും. പ​ര​മാ​വ​ധി 34 പേ​രെ​വ​രെ​യാ​ണ് മ​ന്ത്രി​സ​ഭ​യി​ല്‍ ഉ​ള്‍​പ്പെ​ടു​ത്താ​നാ​വു​ക. മ​ന്ത്രി​മാ​രു​ടെ​യും വ​കു​പ്പു​ക​ളു​ടെ​യും കാ​ര്യ​ത്തി​ല്‍ സി​ന്ധ​രാ​മ​യ്യ​യും ശി​വ​കു​മാ​റും കോ​ണ്‍​ഗ്ര​സ്‌​കേ​ന്ദ്ര നേ​തൃ​ത്വ​വു​മാ​യി ച​ര്‍​ച്ച ന​ട​ത്തിയി​രു​ന്നു.

സാ​മു​ദാ​യി​ക പ്രാ​ധാ​ന്യം പ​രി​ഗ​ണി​ച്ച് കൂ​ടി​യാ​കും മ​ന്ത്രി​മ​രെ തീ​രു​മാ​നി​ക്കു​ക. ജി.​പ​ര​മേ​ശ്വ​ര, എം.​ബി. പാ​ട്ടീ​ല്‍, കെ.​ജെ.​ജോ​ര്‍​ജ്, യു.​ടി.​ഖാ​ദ​ര്‍, കെ.​എ​ച്ച്. മു​നി​യ​പ്പ, പ്രി​യ​ങ്ക് ഖാ​ര്‍​ഗെ തു​ട​ങ്ങി​യ പ്ര​മു​ഖ​രൊ​ക്കെ മ​ന്ത്രി സ​ഭ​യി​ലി​ടം പി​ടി​ക്കു​മെ​ന്നാ​ണ് സൂ​ച​ന.

ധ​ന​കാ​ര്യം മു​ഖ്യ​മ​ന്ത്രി ത​ന്നെ കൈ​കാ​ര്യം ചെ​യ്യും. ആ​ഭ്യ​ന്ത​രം, ഊ​ര്‍​ജം, ജ​ല​സേ​ച​നം ഉ​ള്‍​പ്പെ​ടെ പ്ര​ധാ​ന വ​കു​പ്പു​ക​ള്‍ ശി​വ​കു​മാ​റി​നു ല​ഭി​ക്കാ​നാണ് സാ​ധ്യ​ത.

224 അം​ഗ നി​യ​മസ​ഭ​യി​ല്‍ 135 കോ​ണ്‍​ഗ്ര​സ് എം​എ​ല്‍​എ​മാ​ര്‍ ഉ​ള്‍​പ്പെ​ടെ 137 സ​മാ​ജി​ക​രു​ടെ പി​ന്തു​ണ സി​ദ്ധ​രാ​മ​യ്ക്കു​ണ്ട്. കോ​ണ്‍​ഗ്ര​സ് പി​ന്തു​ണ​യോ​ടെ ജ​യി​ച്ച സ​ര്‍​വോ​ദ​യ ക​ര്‍​ണാ​ട​ക പ​ക്ഷ​യു​ടെ ഏ​ക അം​ഗം ദര്‍ശന്‍ പുട്ടണ്ണയും സ്വ​ത​ന്ത്ര എം​എ​ല്‍​എ ല​താ മ​ല്ലി​കാ​ര്‍​ജു​നും സ​ര്‍​ക്കാ​രി​നെ പി​ന്തു​ണ​യ്ക്കും.