മും​ബൈ: അ​ജി​ത് പ​വാ​റി​നൊ​പ്പം മ​റു​ക​ണ്ടം ചാ​ടി​യ മു​തി​ർ​ന്ന നേ​താ​വ് പ്ര​ഫു​ൽ പ​ട്ടേ​ൽ, സു​നി​ൽ താ​ത്ക​രെ എ​ന്നി​വ​രു​ൾ​പ്പെ​ടെ അ​ഞ്ച് നേ​താ​ക്ക​ൻ​മാ​രെ പു​റ​ത്താ​ക്കി ശ​ര​ദ് പ​വാ​ർ. പാ​ർ​ട്ടി വി​രു​ദ്ധ പ്ര​വ​ർ​ത്ത​നം ന​ട​ത്തി​യ​തി​നാ​ൽ ഇ​രു​വ​രും ഇ​നി എ​ൻ​സി​പി​യു​ടെ ഭാ​ഗ​മ​ല്ലെ​ന്ന് ശ​ര​ദ് പ​വാ​ർ ട്വി​റ്റ​റി​ൽ അ​റി​യി​ച്ചു.

പാ​ർ​ട്ടി​യു​ടെ പ്രാ​ദേ​ശി​ക ജ​ന​റ​ൽ സെ​ക്ര​ട്ട​റി ശി​വാ​ജി റാ​വു ഗാ​ർ​ജെ, പാ​ർ​ട്ടി​യു​ടെ അ​കോ​ല സി​റ്റി ജി​ല്ലാ പ്ര​സി​ഡ​ന്‍റ് വി​ജ​യ് ദേ​ശ്മു​ഖ്, പാ​ർ​ട്ടി​യു​ടെ മും​ബൈ ഡി​വി​ഷ​ൻ വ​ർ​ക്കിം​ഗ് പ്ര​സി​ഡ​ന്‍റ് ന​രേ​ന്ദ്ര റാ​ണെ എ​ന്നി​വ​രാ​ണ് പു​റ​ത്താ​ക്ക​പ്പെ​ട്ട മ​റ്റ് നേ​താ​ക്ക​ൾ.

ഏ​ക​നാ​ഥ് ഷി​ൻ​ഡെ മ​ന്ത്രി​സ​ഭ​യി​ൽ മ​ന്ത്രി​മാ​രാ​യി സ​ത്യ​പ്ര​തി​ജ്ഞ ചെ​യ്ത അ​ജി​ത് പ​വാ​റി​നെ​യും മ​റ്റ് എ​ട്ട് എം​എ​ൽ​എ​മാ​രെ​യും ഔ​ദ്യോ​ഗി​ക​മാ​യി അ​യോ​ഗ്യ​രാ​ക്കാ​നും എ​ൻ​സി​പി ന​ട​പ​ടി ആ​രം​ഭി​ച്ചു. പാ​ർ​ട്ടി അ​ച്ച​ട​ക്ക​ത്തി​നു വി​രു​ദ്ധ​മാ​യി പ്ര​വ​ർ​ത്തി​ച്ച​തി​നാ​ണ് ന​ട​പ​ടി​യെ​ന്ന് എ​ൻ​സി​പി അ​റി​യി​ച്ചു. പാ​ർ​ട്ടി വി ​രു​ദ്ധ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ട്ട​തി​ന് ഒ​മ്പ​ത് എം​എ​ൽ​എ​മാ​രെ അ​യോ​ഗ്യ​രാ​ക്കാ​നു​ള്ള പ്ര​മേ​യം സം​സ്ഥാ​ന അ​ച്ച​ട​ക്ക സ​മി​തി ചേ​ർ​ന്ന് പാ​സാ​ക്കി.

എ​ന്നാ​ൽ ഇ​തി​നി​ടെ സു​നി​ൽ താ​ത്ക​ര​യെ എ​ൻ​സി​പി അ​ജി​ത് വി​ഭാ​ഗം അ​ധ്യ​ക്ഷ​നാ​ക്കി. ജ​യ​ന്ത് പാ​ട്ടി​ലെ പാ​ർ​ട്ടി സം​സ്ഥാ​ന അ​ധ്യ​ക്ഷ​സ്ഥാ​ന​ത്തു​നി​ന്നും നീ​ക്കി പ​ക​രം സു​നി​ൽ താ​ത്ക​ര​യെ നി​യ​മി​ച്ച​താ​യി രാ​ജ്യ​സ​ഭ എം​പി കൂ​ടി​യാ​യ വി​മ​ത നേ​താ​വ് പ്ര​ഫു​ൽ പ​ട്ടേ​ൽ വാ​ർ​ത്താ സ​മ്മേ​ള​ന​ത്തി​ൽ പ​റ​ഞ്ഞു.

ജ​യ​ന്ത് പാ​ട്ടീ​ൽ ഉ​ട​ൻ ത​ന്നെ സു​നി​ൽ ത​ത്‌​ക​രെ​യെ ചു​മ​ത​ല ഏ​ൽ​പ്പി​ക്ക​ണ​മെ​ന്നും ഇ​നി​യു​ള്ള പാ​ർ​ട്ടി​യു​ടെ എ​ല്ലാ തീ​രു​മാ​ന​ങ്ങ​ളും സു​നി​ൽ ത​ത്‌​ക​രെ​യാ​യി​രി​ക്കും എ​ടു​ക്കു​ക​യെ​ന്നും പ്ര​ഫു​ൽ പ​ട്ടേ​ൽ പ​റ​ഞ്ഞു. നി​യ​മ​സ​ഭാ ക​ക്ഷി നേ​താ​വാ​യി അ​ജി​ത് പ​വാ​റി​നെ ഏ​ക​ക​ണ്ഠ​മാ​യി തെ​ര​ഞ്ഞെ​ടു​ത്ത​താ​യും പ്ര​ഫു​ൽ പ​ട്ടേ​ൽ അ​റി​യി​ച്ചു.

ത​ങ്ങ​ളു​ടെ തീ​രു​മാ​നം മ​ഹാ​രാ​ഷ്ട്ര നി​യ​മ​സ​ഭാ സ്പീ​ക്ക​റെ അ​റി​യി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു. എ​ന്നാ​ൽ ദേ​ശീ​യ അ​ധ്യ​ക്ഷ​ൻ ആ​രാ​യി​രി​ക്കു​മെ​ന്ന ചോ​ദ്യ​ത്തി​ന് ശ​ര​ദ് പ​വാ​ർ ആ​ണെ​ന്ന് നി​ങ്ങ​ൾ മ​റ​ന്നോ എ​ന്നാ​യി​രു​ന്നു പ്ര​ഫു​ൽ പ​ട്ടേ​ലി​ന്‍റെ മ​റു​ചോ​ദ്യം.