കോ​ഴി​ക്കോ​ട്: 13 വ​യ​സു​ള്ള പെ​ൺ​കു​ട്ടി​യെ ലൈം​ഗി​കാ​തി​ക്ര​മ​ത്തി​ന് ഇ​ര​യാ​ക്കി​യ കേ​സി​ലെ കു​റ്റാ​രോ​പി​ത​നുമായി ചേർന്ന് തി​രു​വ​മ്പാ​ടി​യി​ൽ നി​ന്നു​ള്ള സി​പി​എം മു​ൻ എം​എ​ൽ​എ​ ജോ​ർ​ജ് എം. ​തോ​മ​സ് സാ​മ്പ​ത്തി​ക ഇ​ട​പാ​ടുകൾ നടത്തിയതിന്‍റെ രേ​ഖ​ക​ൾ പു​റ​ത്ത്.

കേ​സി​ൽ ആ​രോ​പ​ണം നേ​രി​ടു​ന്ന കോ​ൺ​ഗ്ര​സ് നേ​താ​വാ​യ അ​ബൂ​ബ​ക്ക​ർ സി​ദി​ഖും സ​ഹോ​ദ​ര​നും ത​മ്മി​ലു​ള്ള സാ​മ്പ​ത്തി​ക ത​ര്‍​ക്കം ഒ​ത്തു​തീ​ര്‍​പ്പാ​ക്കാ​ന്‍ ജോ​ര്‍​ജ് മ​ധ്യ​സ്ഥ​ത വ​ഹി​ക്കു​ന്ന രേ​ഖ​ക​ൾ പു​റ​ത്തു​വ​ന്നു. വ്യ​വ​സാ​യി​യാ​യ സി​ദി​ഖും ജോ​ർ​ജും അ​ടു​ത്ത ബ​ന്ധ​മു​ള്ള​വ​രാ​ണെ​ന്ന് തെ​ളി​യി​ക്കു​ന്ന​താ​ണ് ഈ ​രേ​ഖ.

സാ​മ്പ​ത്തി​ക​ത​ര്‍​ക്കം ഒ​ത്തു​തീ​ര്‍​പ്പാ​ക്കി​യ​തി​ന് പ്ര​തി​ഫ​ല​മാ​യി ജോ​ര്‍​ജി​ന് വ​ന്‍​തു​ക ല​ഭി​ച്ചെ​ന്നും ഇ​തി​ല്‍ 25 ല​ക്ഷം രൂ​പ പാ​ര്‍​ട്ടി ലോ​ക്ക​ല്‍ ക​മ്മി​റ്റി ഓ​ഫീ​സ് നി​ര്‍​മാ​ണ​ത്തി​ന് ന​ല്‍​കി​യെ​ന്നു​മാ​ണ് സി​പി​എം അ​ന്വേ​ഷ​ണ ക​മ്മീ​ഷ​ന്‍റെ ക​ണ്ടെ​ത്ത​ല്‍.

വ്യ​വ​സാ​യി​യും സ​ഹോ​ദ​ര​നും ത​മ്മി​ല്‍ ഗ​ള്‍​ഫി​ലെ ബി​സി​ന​സി​നെ​ചൊ​ല്ലി​യു​ണ്ടാ​യ ത​ര്‍​ക്കം ജോ​ര്‍​ജ് ഇ​ട​പെ​ട്ട് ഒ​ത്തു​തീ​ര്‍​പ്പാ​ക്കി​യെ​ന്നും പ​ണം കൈ​പ്പ​റ്റി​യെ​ന്നും പാ​ര്‍​ട്ടി അ​ന്വേ​ഷ​ണ ക​മ്മീ​ഷ​ന്‍ ക​ണ്ടെ​ത്തി​യി​രു​ന്നു.

കോ​ഴി​ക്കോ​ട് ചെ​റു​വാ​ടി സ്വ​ദേ​ശി പു​റാ​യി​ല്‍ യാ​ക്കൂ​ബ് ഒ​ന്നാം ക​ക്ഷി​യും സ​ഹോ​ദ​ര​ന്‍ അ​ബൂ​ബ​ക്ക​ര്‍ സി​ദി​ഖ്, മ​ല​പ്പു​റം ചേ​വാ​യൂ​ര്‍ സ്വ​ദേ​ശി ക​ബീ​ര്‍ എ​ന്നി​വ​ര്‍ ര​ണ്ടാം ക​ക്ഷി​യു​മാ​യി 2015 ഫെ​ബ്രു​വ​രി 10-നാ​ണ് ഒ​ത്തു​തീ​ര്‍​പ്പ് ക​രാ​റു​ണ്ടാ​ക്കി​യ​ത്.

ജോ​ര്‍​ജ് എം. ​തോ​മ​സി​ന് പു​റ​മേ സി​പി​എം നേ​താ​ക്ക​ളാ​യ ഇ.​ര​മേ​ഷ് ബാ​ബു, ടി.​വി​ശ്വ​നാ​ഥ​ന്‍ എ​ന്നി​വ​രും മ​ധ്യ​സ്ഥ​രാ​യി. ക​രാ​റ​നു​സ​രി​ച്ച് യാ​ക്കൂ​ബി​ന് സി​ദി​ഖ് ന​ല്‍​കേ​ണ്ട തു​ക​യു​ടെ ആ​റാ​മ​ത്തെ ഗ​ഡു​വി​ലേ​ക്ക് 12.5 ല​ക്ഷം രൂ​പ പ​ണ​മാ​യി ന​ല്‍​കി​യ​തി​ന്‍റെ ര​സീ​താ​ണ് മു​ദ്ര​പ​ത്ര​ത്തി​ല്‍ രേ​ഖ​പ്പെ​ടു​ത്തി​യ​ത്. ആ​കെ 12 കോ​ടി രൂ​പ​യാ​ണ് യാ​ക്കൂ​ബി​ന് ല​ഭി​ക്കാ​നു​ണ്ടാ​യി​രു​ന്ന​തെ​ന്നാ​ണ് വി​വ​രം.