മോ​സ്കോ: റ​ഷ്യ​യി​ലെ വാ​ഗ്ന​ർ കൂ​ലി​പ്പ​ട്ടാ​ള​ത്തി​ന്‍റെ ത​ല​വ​ൻ യെ​വ്ഗി​നി പ്രി​ഗോ​ഷി​ൻ വി​മാ​നാ​പ​ക​ട​ത്തി​ൽ കൊ​ല്ല​പ്പെ​ട്ട​താ​യി അ​ഭ്യൂ​ഹം.

ബു​ധ​നാ​ഴ്ച മോ​സ്കോ​യി​ൽ ത​ക​ർ​ന്നു​വീ​ണ വി​മാ​ന​ത്തി​ൽ പ്രി​ഗോ​ഷി​നും ഉ​ണ്ടാ​യി​രു​ന്ന​താ​യി ആ​ണ് വി​വ​രം. ട്‌​വേ​ർ മേ​ഖ​ല​യി​ൽ ത​ക​ർ​ന്നു​വീ​ണ എം​ബ്രേ​ർ വി​മാ​ന​ത്തി​ലെ യാ​ത്രി​ക​രെ​ല്ലാം മ​രി​ച്ചെ​ന്ന് റ​ഷ്യ​ൻ വ്യോ​മ​യാ​ന അ​തോ​റി​റ്റി​യാ​യ റോ​സ​വി​യാ​റ്റ്സി​യ അ​റി​യി​ച്ചു.

ഈ ​വി​മാ​ന​ത്തി​ലെ യാ​ത്രി​ക​രു​ടെ ലി​സ്റ്റി​ൽ പ്രി​ഗോ​ഷി​ന്‍റെ പേ​ര് ഉ​ൾ​പ്പെ​ട്ടി​രു​ന്നു. എ​ന്നാ​ൽ പ്രി​ഗോ​ഷി​ൻ ഈ ​വി​മാ​ന​ത്തി​ൽ യാ​ത്ര ചെ​യ്തി​രു​ന്നോ എ​ന്ന​തി​ൽ വ്യ​ക്ത​ത​യി​ല്ല.

റ​ഷ്യ​ൻ പ്ര​സി​ഡ​ന്‍റ് വ്ലാ​ഡി​മി​ർ പു​ടി​ന്‍റെ വി​ശ്വ​സ്ത​നാ​യിരുന്ന പ്രി​ഗോ​ഷി​ൻ, വാ​ഗ്ന​ർ കൂ​ലി​പ്പ​ട്ടാ​ള​ത്തെ യു​ക്രെ​യ്ൻ യു​ദ്ധ​മേ​ഖ​ല​യി​ൽ അ​ണി​നി​ര​ത്തി​യാ​ണ് അ​ടു​ത്തി​ടെ കു​പ്ര​സി​ദ്ധി ആ​ർ​ജി​ച്ച​ത്. ഏ​റെ വ​ർ​ഷ​ങ്ങ​ളാ​യി ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വാ​ഗ്ന​ർ കൂ​ലി​പ്പ​ട്ടാ​ളം പ​ല രാ​ജ്യ​ങ്ങ​ൾ​ക്കാ​യി പോ​രാ​ടു​ന്നു​ണ്ട്. ക്രി​മി​ന​ൽ സം​ഘ​ങ്ങ​ളി​ലെ അം​ഗ​ങ്ങ​ളും കൊ​ല​പാ​ത​ക കേ​സ് പ്ര​തി​ക​ളു​മാ​ണ് വാ​ഗ്ന​ർ പ​ട​യി​ലെ പ്ര​ധാ​ന അം​ഗ​ങ്ങ​ൾ.

മോ​സ്കോ​യി​ലെ കേ​റ്റ​റിം​ഗ് ബി​സി​ന​സി​ൽ നി​ന്ന് പ​ട​ർ​ന്നു​പ​ന്ത​ലി​ച്ച് "പു​ടി​ന്‍റെ പാ​ച​ക​ക്കാ​ര​ൻ' എ​ന്ന പേ​ര് നേ​ടി​യ ശേ​ഷ​മാ​ണ് പ്രി​ഗോ​ഷി​ൻ വാ​ഗ്ന​റി​ലൂ​ടെ സാ​യു​ധ​സേ​ന ത​ല​വ​നാ​യ​ത്.

യു​ക്രെ​യ്നി​ലെ റ​ഷ്യ​ൻ യു​ദ്ധ​ത​ന്ത്ര​ങ്ങ​ൾ പാ​ളി​യെ​ന്ന് ആ​രോ​പി​ച്ച് സ​ർ​ക്കാ​രി​നെ അ​ട്ടി​മ​റി​ക്കാ​നാ​യി ജൂ​ലൈ മാ​സ​ത്തി​ൽ പ്രി​ഗോ​ഷി​ൻ വാ​ഗ്ന​ർ പ​ട​യു​മാ​യി മോ​സ്കോ​യി​ലേ​ക്ക് മാ​ർ​ച്ച് ന​ട​ത്തി​യി​രു​ന്നു. എ​ന്നാ​ൽ അ​ട്ടി​മ​റി​ശ്ര​മം വാ​ഗ്ന​ർ പ​ട പാ​തി​വ​ഴി​യി​ൽ ഉ​പേ​ക്ഷി​ച്ചി​രു​ന്നു.