ബാ​ങ്കോ​ക്ക്: താ​യ്‌​ല​ൻ​ഡി​ലെ മു​ൻ പ്ര​ധാ​ന​മ​ന്ത്രി താ​ക്സി​ൻ ഷി​ന​വ​ത്ര​യു​ടെ എ​ട്ടു വ​ർ​ഷ ജ​യി​ൽ​ശി​ക്ഷ ഒ​രു വ​ർ​ഷ​മാ​യി കു​റ​ച്ചു. ശി​ക്ഷ ഇ​ള​വു ചെ​യ്യാ​ൻ അ​ദ്ദേ​ഹം ന​ല്കി​യ അ​പേ​ക്ഷ താ​യ് ‌രാ​ജാ​വാ​യ മ​ഹാ വാ​ജി​ര​ലോം​ഗ്കോ​ൺ അം​ഗീ​ക​രി​ക്കു​ക​യാ​യി​രു​ന്നു.

15 വ​ർ​ഷം പ്ര​വാ​സ​ത്തി​ലാ​യി​രു​ന്ന താ​ക്സി​ൻ ഷി​ന​വ​ത്ര ക​ഴി​ഞ്ഞ​മാ​സം 22നാ​ണ് രാ​ജ്യ​ത്തു മ​ട​ങ്ങി​യെ​ത്തി​യ​ത്. അ​ഴി​മ​തി, അ​ധി​കാ​ര ദു​ർ​വി​നി​യോ​ഗം എ​ന്നി​വ​യു​ടെ പേ​രി​ലു​ള്ള ശി​ക്ഷ അ​നു​ഭ​വി​ക്കാ​നാ​യി ഉ​ട​ൻ​ത​ന്നെ ജ​യി​ലി​ൽ പ്ര​വേ​ശി​പ്പി​ച്ചു. ഹൃ​ദ​യ​സം​ബ​ന്ധ​മാ​യ അ​സു​ഖ​മു​ണ്ടെ​ന്നു പ​രാ​തി​പ്പെ​ട്ട​തി​നെ​ത്തു​ട​ർ​ന്ന് സ​ർ​ക്കാ​ർ ആ​ശു​പ​ത്രി​യി​ലെ ല​ക്ഷ്വ​റി വി​ഭാ​ഗ​ത്തി​ലേ​ക്കു മാ​റ്റി.

2006ൽ ​പ​ട്ടാ​ള അ​ട്ടി​മ​റി​യി​ൽ പു​റ​ത്താ​ക്ക​പ്പെ​ട്ട താ​ക്സി​ൻ, ജ​യി​ൽ​ശി​ക്ഷ ഒ​ഴി​വാ​ക്കാ​നാ​യി ര​ണ്ടു വ​ർ​ഷ​ത്തി​നു​ശേ​ഷം രാ​ജ്യം​വി​ടു​ക​യാ​യി​രു​ന്നു. പു​തി​യ സ​ഖ്യ​ക​ക്ഷി സ​ർ​ക്കാ​ർ രൂ​പീ​ക​ര​ണ​വു​മാ​യി ബ​ന്ധ​പ്പെ​ട്ട് പാ​ർ​ട്ടി​ക​ൾ ഉ​ണ്ടാ​ക്കി​യ രാ​ഷ്‌​ട്രീ​യ ധാ​ര​ണ​യു​ടെ ഭാ​ഗ​മാ​യി​ട്ടാ​ണു താ​ക്സി​ൻ മ​ട​ങ്ങി​യെ​ത്തി​യ​ത്.

താ​ക്സി​ന്‍റെ പ്യൂ ​താ​യ് പാ​ർ​ട്ടി അ​ട​ക്ക​മു​ള്ള ക​ക്ഷി​ക​ൾ പു​തി​യ സ​ർ​ക്കാ​രി​ന്‍റെ ഭാ​ഗ​മാ​ണ്.