തട്ടിക്കൊണ്ടുപോയതല്ല; കാണാതായ യുവതിയെയും കുഞ്ഞിനെയും സുഹൃത്തിനൊപ്പം കണ്ടെത്തി |

Click here for detailed news of all items

തട്ടിക്കൊണ്ടുപോയതല്ല; കാണാതായ യുവതിയെയും കുഞ്ഞിനെയും സുഹൃത്തിനൊപ്പം കണ്ടെത്തി

Tuesday, September 12, 2023 7:07 PM IST

പത്തനംതിട്ട: തിരുവല്ലയില്‍ തട്ടിക്കൊണ്ടുപോയെന്ന് പരാതി ഉയര്‍ന്ന യുവതിയെയും കുഞ്ഞിനെയും കണ്ടെത്തി. തിരുമൂലപുരം സ്വദേശിയായ യുവതിയെയും ഇവരുടെ മൂന്ന് വയസുള്ള കുഞ്ഞിനെയുമാണ് തിരുവല്ല പോലീസ് കണ്ടെത്തിയത്.

യുവതിയുടെ സുഹൃത്തായ പ്രിന്‍റോ പ്രസാദിനൊപ്പം കാറില്‍ യാത്ര ചെയ്യുമ്പോഴാണ് ഇവരെ പോലീസ് കണ്ടെത്തുന്നത്. താന്‍ സ്വന്തം ഇഷ്ടപ്രകാരമാണ് സുഹൃത്തിനൊപ്പം പോയതെന്ന് യുവതി പോലീസിനോട് പറഞ്ഞു.

ഇരുവരും നേരത്തേ മുതല്‍ അടുപ്പത്തിലായിരുന്നെന്നും നേരത്തെയും യുവതി ഇയാള്‍ക്കൊപ്പം ഒളിച്ചോടിയിട്ടുണ്ടെന്നും പോലീസ് പറഞ്ഞു.

തട്ടിക്കൊണ്ടുപോയെന്ന യുവതിയുടെ ഭര്‍ത്താവിന്‍റെ പരാതിയില്‍ കേസെടുത്തതിനാല്‍ ഇവരെ കോടതിയില്‍ ഹാജരാക്കുമെന്ന് പോലീസ് അറിയിച്ചു. ഇന്ന് രാവിലെയാണ് യുവതിയെയും കുഞ്ഞിനെയും തട്ടിക്കൊണ്ടുപോയെന്ന പരാതിയുമായി ഭര്‍ത്താവ് രംഗത്തെത്തിയത്.

തനിക്കൊപ്പം ബൈക്കില്‍ സഞ്ചരിക്കുമ്പോള്‍ ഭാര്യയെയും കുഞ്ഞിനെയും തട്ടിക്കൊണ്ടുപോയെന്നായിരുന്നു പരാതി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.