ന്യൂ​ഡ​ല്‍​ഹി: കാ​ന​ഡ​യി​ല്‍ ഖ​ലി​സ്ഥാ​ന്‍​ നേ​താ​വ് സു​ഖ്ദൂ​ല്‍ സിം​ഗ് കൊ​ല്ല​പ്പെ​ട്ട സം​ഭ​വ​ത്തി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ത്ത് അ​ധോ​ലോ​ക നേ​താ​വാ​യ ലോ​റ​ന്‍​സ് ബി​ഷ്‌​ണോ​യി​യു​ടെ അ​നു​യാ​യി​ക​ള്‍. ഫേ​സ്ബു​ക്ക് പോ​സ്റ്റി​ലൂ​ടെ​യാ​ണ് സം​ഘം കൊ​ല​പാ​ത​ക​ത്തി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ത്ത​ത്.

ഗു​ര്‍​ലാ​ല്‍ ബ്രാ​ര്‍, വി​ക്കി മി​ഡ്‌​ഖേ​ര എ​ന്നീ അ​ധോ​ലോ​ക നേ​താ​ക്ക​ളു​ടെ കൊ​ല​പാ​ത​ക​ത്തി​ന് പി​ന്നി​ല്‍ സു​ഖ്ദൂ​ല്‍ സിം​ഗാ​ണെ​ന്ന് പോ​സ്റ്റി​ല്‍ ആ​രോ​പി​ക്കു​ന്നു. വി​ദേ​ശ​ത്താ​യി​രു​ന്ന​പ്പോ​ഴും ഇ​യാ​ള്‍ കൊ​ല​പാ​ത​ക​ങ്ങ​ള്‍ ആ​സൂ​ത്ര​ണം ചെ​യ്ത് ന​ട​പ്പി​ലാ​ക്കി.

മ​യ​ക്കു​മ​രു​ന്നി​ന് അ​ടി​മ​യാ​യ സു​ഖ്ദൂ​ല്‍ നി​ര​വ​ധി ആ​ളു​ക​ളു​ടെ ജീ​വി​തം ന​ശി​പ്പി​ച്ചി​ട്ടു​ണ്ടെ​ന്നും ചെ​യ്ത പാ​പ​ങ്ങ​ള്‍​ക്കു​ള്ള ശി​ക്ഷ​യാ​ണ് അ​യാ​ള്‍​ക്ക് ന​ല്‍​കി​യ​തെ​ന്നും പോ​സ്റ്റി​ല്‍ പ​റ​യു​ന്നു.

നി​ല​വി​ല്‍ മ​യ​ക്കു​മ​രു​ന്ന് കേ​സി​ല്‍ അ​റ​സ്റ്റി​ലാ​യി അ​ഹ​മ്മ​ദാ​ബാ​ദി​ലെ ജ​യി​ലി​ല്‍ ക​ഴി​യു​ക​യാ​ണ് ലോ​റ​ന്‍​സ് ബി​ഷ്‌​ണോ​യ്. കോ​ണ്‍​ഗ്ര​സ് നേ​താ​വും ഗാ​യ​ക​നു​മാ​യ സി​ദ്ദു മൂ​സെ​വാ​ല വ​ധ​കേ​സി​ലും ബി​ഷ്‌​ണോ​യ് മു​ഖ്യ പ്ര​തി​യാ​ണ്.

ഇ​ന്ന് രാ​വി​ലെ​യാ​ണ് ഖ​ലി​സ്ഥാ​ന്‍​ നേ​താ​വ് സു​ഖ്ദൂ​ല്‍ സിം​ഗ് കാ​ന​ഡ​യി​ല്‍​വ​ച്ച് കൊ​ല്ല​പ്പെ​ട്ട​ത്. ഖാ​ലി​സ്ഥാ​ന്‍ വി​ഭാ​ഗ​ങ്ങ​ള്‍ ത​മ്മി​ലു​ള്ള ഏ​റ്റു​മു​ട്ട​ലി​നിടെയാണ് ഇയാൾക്ക് വെടിയേറ്റത്. എ​ന്‍​ഐ​യു​ടെ പി​ടി​കി​ട്ടാ​പ്പു​ള്ളി​ക​ളു​ടെ പ​ട്ടി​ക​യി​ല്‍ ഉ​ണ്ടാ​യി​രു​ന്ന കു​റ്റ​വാ​ളി​യാ​ണ് സു​ഖ്ദൂ​ല്‍.