കോ​ഴി​ക്കോ​ട്: മാ​ധ്യ​മ​പ്ര​വ​ർ​ത്ത​ക​യോ​ട് അ​പ​മ​ര്യാ​ദ​യാ​യി പെ​രു​മാ​റി​യെ​ന്ന കേ​സി​ൽ ചോ​ദ്യം ചെ​യ്യ​ലി​ന് ഹാ​ജ​രാ​യ ന​ട​നും ബി​ജെ​പി എം​പി​യു​മാ​യ സു​രേ​ഷ്ഗോ​പി​യെ പോ​ലീ​സ് വി​ട്ട​യ​ച്ചു. വി​ളി​ച്ചാ​ൽ വീ​ണ്ടും ചോ​ദ്യം ചെ​യ്യ​ലി​ന് എ​ത്ത​ണ​മെ​ന്ന വ്യ​വ​സ്ഥ​യി​ലാ​ണ് അ​ദ്ദേ​ഹ​ത്തെ പോ​കാ​ൻ അ​നു​വ​ദി​ച്ച​ത്.

ര​ണ്ട് മ​ണി​ക്കൂ​റി​ലേ​റെ സ​മ​യം സു​രേ​ഷ് ഗോ​പി ന​ട​ക്കാ​വ് സ്റ്റേ​ഷ​നി​ൽ ചി​ല​വ​ഴി​ച്ചു. ദൃ​ശ്യ​ങ്ങ​ൾ ഉ​ൾ​പ്പ​ടെ കാ​ണി​ച്ചാ​ണ് പോ​ലീ​സ് ചോ​ദ്യ​ങ്ങ​ൾ താ​ര​ത്തോ​ട് ചോ​ദി​ച്ച​ത്. ന​ട​ക്കാ​വ് എ​സ്ഐ​യു​ടെ നേ​തൃ​ത്വ​ത്തി​ലാ​യി​രു​ന്നു പോ​ലീ​സ് ന​ട​പ​ടി.

ചോ​ദ്യം ചെ​യ്യ​ലി​ൽ സു​രേ​ഷ് ഗോ​പി മു​ൻ നി​ല​പാ​ട് ആ​വ​ർ​ത്തി​ച്ചു. മാ​ധ്യ​മ​പ്ര​വ​ർ​ത്ത​ക​യെ അ​പ​മാ​നി​ക്കാ​ൻ ഉ​ദ്ദേ​ശി​ച്ച​ല്ല താ​ൻ സ്പ​ർ​ശി​ച്ച​തെ​ന്നും അ​വ​ർ പ​രാ​തി ഉ​ന്ന​യി​ച്ച​പ്പോ​ൾ ക്ഷ​മ ചോ​ദി​ച്ചി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

രാ​വി​ലെ പ്ര​വ​ർ​ത്ത​ക​രു​ടെ​യും നേ​താ​ക്ക​ളു​ടെ​യും അ​ക​മ്പ​ടി​യി​ലാ​ണ് സു​രേ​ഷ്ഗോ​പി ചോ​ദ്യം ചെ​യ്യ​ലി​ന് ഹാ​ജ​രാ​കാ​ൻ എ​ത്തി​യി​രു​ന്ന​ത്. പോ​ലീ​സും പ്ര​വ​ർ​ത്ത​ക​രും ത​മ്മി​ൽ നേ​രി​യ തോ​തി​ൽ സം​ഘ​ർ​ഷ​വും ഉ​ണ്ടാ​യി.

ചോ​ദ്യം ചെ​യ്യ​ലി​ന് ശേ​ഷം പു​റ​ത്തി​റ​ങ്ങി​യ സു​രേ​ഷ്ഗോ​പി നേ​താ​ക്ക​ൾ​ക്കും പ്ര​വ​ർ​ത്ത​ക​ർ​ക്കും ന​ന്ദി അ​റി​യി​ച്ചു. എ​ല്ലാ​വ​രും പി​രി​ഞ്ഞു​പോ​ക​ണ​മെ​ന്ന് അ​ഭ്യ​ർ​ഥി​ച്ച താ​രം പോ​ലീ​സു​കാ​രു​ടെ ജോ​ലി​ക്ക് ത​ട​സ​മു​ണ്ടാ​ക്ക​രു​തെ​ന്നും പ്ര​വ​ർ​ത്ത​ക​രോ​ട് അ​ഭ്യ​ർ​ഥി​ച്ചു.

വ​ട​ക​ര പു​തു​പ്പ​ണ​ത്ത് ന​ട​ക്കു​ന്ന പൊ​തു​പ​രി​പാ​ടി​യി​യി​ൽ പ​ങ്കെ​ടു​ക്കാ​നാ​ണ് അ​ദ്ദേ​ഹം കോ​ഴി​ക്കോ​ട്ടു നി​ന്നും പോ​യ​ത്.