കറാച്ചി: പാ​ക്കി​സ്ഥാ​ന്‍ ക്രി​ക്ക​റ്റ് ടീ​മി​ന്‍റെ പു​തി​യ ക്യാ​പ്റ്റ​ന്മാ​രെ പ്ര​ഖ്യാ​പി​ച്ച് പാ​ക് ക്രി​ക്ക​റ്റ് ബോ​ര്‍​ഡ്. പേ​സ​ര്‍ ഷ​ഹീ​ര്‍ അ​ഫ്രീ​ദി ട്വ​ന്‍റി20 ടീ​മി​നെ ന​യി​ക്കും. ഷാ​ന്‍ മ​സൂ​ദാ​ണ് ടെ​സ്റ്റ് ടീ​മി​ന്‍റെ ക്യാ​പ്റ്റ​ന്‍. അ​തേ​സ​മ​യം ഏ​ക​ദി​ന ടീ​മി​ന്‍റെ നാ​യ​ക​നെ പ്ര​ഖ്യാ​പി​ച്ചി​ട്ടി​ല്ല.

ബാ​ബ​ർ അ​സം പാ​ക്കി​സ്ഥാ​ൻ ക്യാ​പ്റ്റ​ൻ സ്ഥാ​നം ഒ​ഴി​ഞ്ഞ​തി​ന് പി​ന്നാ​ലെ​യാ​ണ് പു​തി​യ പ്ര​ഖ്യാ​പ​നം ഉ​ണ്ടാ​യ​ത്. ലോ​ക​ക​പ്പി​ല്‍ ടീം ​സെ​മി കാ​ണാ​തെ പു​റ​ത്താ​യ​തി​നു പി​ന്നാ​ലെ​യാ​യി​രു​ന്നു ബാ​ബ​ർ അ​സ​മി​ന്‍റെ ഈ ​തീ​രു​മാ​നം.

ക്രി​ക്ക​റ്റി​ലെ മൂ​ന്ന് ഫോ​ർ​മാ​റ്റി​ലേ​യും ക്യാ​പ്റ്റ​ൻ സ്ഥാ​ന​ത്തു നി​ന്ന് പി​ൻ​വാ​ങ്ങു​ന്ന​താ​യി അ​സം അ​റി​യി​ച്ചു.

ക​ഠി​ന​മാ​യ തീ​രു​മാ​ന​മാ​ണെ​ങ്കി​ലും സ്ഥാ​ന​മൊ​ഴി​യാ​ൻ ശ​രി​യാ​യ സ​മ​യം ഇ​താ​ണെ​ന്ന് സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​വ​ച്ച കു​റി​പ്പി​ൽ അ​സം കു​റി​ച്ചു. 2019ലാ​ണ് ബാ​ബ​ർ അ​സം പാ​ക് ടീ​മി​ന്‍റെ ക്യാ​പ്റ്റ​നാ​യി ചു​മ​ത​ല​യേ​റ്റ​ത്. ‌

ലേ​ക​ക​പ്പി​ല്‍ ക​ളി​ച്ച ഒ​മ്പ​ത് ഗ്രൂ​പ്പ് മ​ത്സ​ര​ങ്ങ​ളി​ല്‍ അ​ഞ്ചും തോ​റ്റാ​ണ് പാ​ക്കി​സ്ഥാ​ന്‍ പു​റ​ത്താ​യ​ത്. ബാ​റ്റി​ങ്ങി​ലും കാ​ര്യ​മാ​യി തി​ള​ങ്ങാ​ന്‍ ബാ​ബ​റി​നാ​യി​രു​ന്നി​ല്ല.