കോ​ഴി​ക്കോ​ട്: മാ​ങ്ങാ​പ്പൊ​യി​ല്‍ എ​ച്ച്പി​സി​എ​ൽ പ​മ്പി​ൽ മു​ളകുപൊ​ടി​യെ​റി​ഞ്ഞ ശേ​ഷം ഉ​ടു​മു​ണ്ടു​രി​ഞ്ഞ് മു​ഖ​ത്തു​കെ​ട്ടി ക​വ​ർ​ച്ച ന​ട​ത്തി​യ​ത് അ​ന്ത​ർ സം​സ്ഥാ​ന മോ​ഷ​ണ​സം​ഘ​മാ​ണെ​ന്ന് പോ​ലീ​സ്.

സ​മാ​ന​രീ​തി​യി​ൽ ഇ​വ​ർ ത​മി​ഴ്നാ​ട് മേ​ട്ടു​പ്പാ​ള​യ​ത്തും ക​വ​ർ​ച്ച ന​ട​ത്തി​യി​ട്ടു​ണ്ടെ​ന്ന് പോ​ലീ​സ് പ​റ​ഞ്ഞു. സം​ഘ​ത്തെ പി​ടി​കൂ​ടാ​നു​ള്ള ശ്ര​മം തു​ട​രു​ക​യാ​ണ്.

പെ​ട്രോ​ള​ടി​ക്കാ​നെ​ന്ന വ്യാ​ജേ​ന പ​ന്പി​ൽ എ​ത്തു​ന്ന ഇ​വ​ർ പ​ണം വാ​ങ്ങാ​നെ​ത്തു​ന്ന ജീ​വ​ന​ക്കാ​രെ​യാ​ണ് ആ​ക്ര​മി​ക്കു​ന്ന​ത്.

ആ​ദ്യം മു​ഖ​ത്തേ​ക്ക് മു​ള​കു​പൊ​ടി​യെ​റി​യും. ഞൊ​ടി​യി​ട​യ്ക്കു​ള്ളി​ൽ സം​ഘ​ത്തി​ലൊ​രാ​ൾ ഉ​ടു​മു​ണ്ടു​രി​ഞ്ഞ് ജീ​വ​ന​ക്കാ​ര​ന്‍റെ മു​ഖ​ത്ത് കെ​ട്ടും. ഇ​തി​നി​ടെ പ​ണ​മ​ട​ങ്ങി​യ ബാ​ഗ് സം​ഘം ത​ട്ടി​യെ​ടു​ത്തി​ട്ടു​ണ്ടാ​വും.

ഞൊ​ടി​യി​ട​യി​ൽ മു​ങ്ങു​ക​യും ചെ​യ്യും. ഏ​താ​നും മി​നി​ട്ടു​ക​ൾ മാ​ത്രം എ​ടു​ത്താ​ണ് ഇ​വ​രു​ടെ മോ​ഷ​ണം. എ​ന്താ​ണ് സം​ഭ​വി​ച്ച​തെ​ന്ന് ഇ​ര​ക​ൾ മ​ന​സി​ലാ​ക്കു​മ്പോ​ഴേ​ക്കും ക​യ്യി​ലു​ണ്ടാ​യി​രു​ന്ന പ​ണം മു​ഴു​വ​ൻ ന​ഷ്ട​പ്പെ​ട്ടി​രി​ക്കും.

ത​മി​ഴ്നാ​ട് ര​ജി​സ്ട്രേ​ഷ​നി​ലു​ള്ള കാ​റി​ലാ​ണ് സം​ഘം മോ​ഷ​ണ​ത്തി​നെ​ത്തി​യ​തെ​ന്ന് വ്യ​ക്ത​മാ​യി​ട്ടു​ണ്ട്. മേ​ട്ടു​പ്പാ​ള​യ​ത്ത് ന​ട​ത്തി​യ മോ​ഷ​ണ​ത്തി​ന്‍റെ സി​സി​ടി​വി ദൃ​ശ്യ​ങ്ങ​ളും പോ​ലീ​സി​ന്‍റെ പ​ക്ക​ലു​ണ്ട്.

ഈ ​ര​ണ്ടു ദൃ​ശ്യ​ങ്ങ​ളും കേ​ന്ദ്രീ​ക​രി​ച്ചു ന​ട​ത്തു​ന്ന അ​ന്വേ​ഷ​ണ​ത്തി​ലൂ​ടെ പ്ര​തി​ക​ളെ പി​ടി​കൂ​ടാ​മെ​ന്നാ​ണ് പോ​ലീ​സ് ക​ണ​ക്കു കൂ​ട്ടു​ന്ന​ത്. എ​ന്നാ​ൽ ഇ​പ്പോ​ഴും സം​ഘ​ത്തെ​ക്കു​റി​ച്ച് വ്യ​ക്ത​മാ​യ സൂ​ച​ന​ക​ൾ പോ​ലീ​സി​ന് ല​ഭി​ച്ചി​ട്ടി​ല്ല.