കട്ടപ്പന: ബൈ​ക്ക​പ​ക​ട​ത്തി​ൽ പ​രു​ക്കേ​റ്റ​വ​രെ ജീപ്പിൽ കയറ്റാതെ പോയ സംഭവത്തിൽ രണ്ടു പോലീസുകാർക്ക് സസ്പെൻഷൻ. ഇടുക്കി കട്ടപ്പനയിൽ ശനിയാഴ്ചയായിരുന്നു കേസിനാസ്പദമായ സംഭവം. നെ​ടു​ങ്ക​ണ്ടം പോ​ലീ​സ് സ്റ്റേ​ഷ​നി​ലെ സി​പി​ഒമാ​രാ​യ എം. ​ആ​സാ​ദ്, കെ.​ആ​ർ. അ​ജീ​ഷ് എ​ന്നി​വ​ർ​ക്കെ​തി​രെ​യാ​ണ് ന​ട​പ​ടി

പ​ള്ളി​ക്ക​വ​ല​യി​ൽ വ​ച്ച് ശ​നി​യാ​ഴ്ച രാ​ത്രി​ ദി​ശ തെ​റ്റി​യെ​ത്തി​യ പി​ക്ക​പ്പ് വാ​ൻ സ്കൂട്ടറിലിടിച്ചാണ് അപകടമുണ്ടായത്. കാ​ഞ്ചി​യാ​ർ ചൂ​ര​ക്കാ​ട്ട് ജൂ​ബി​ൻ ബി​ജു(21), ഇ​ര​ട്ട​യാ​ർ എ​രു​മ​ച്ചാ​ട​ത്ത് അ​ഖി​ൽ ആന്‍റ​ണി(23) എ​ന്നി​വ​ർ​ക്കാണ് പ​രു​ക്കേ​റ്റ​ത്.

അ​പ​ക​ടം ന​ട​ന്ന​തി​ന് തൊ​ട്ടു​പി​ന്നാ​ലെ നെ​ടു​ങ്ക​ണ്ടം പോ​ലീ​സ് സ്റ്റേ​ഷ​നി​ലെ ജീ​പ്പ് അ​തു​വ​ഴി എ​ത്തിയിരുന്നു. പരിക്കേറ്റ യുവാക്കളെ നാട്ടുകാർ ജീപ്പിൽ കയറ്റാൻ ശ്രമിച്ചെങ്കിലും പോലീസുകാർ‌ സമ്മതിച്ചില്ല. ഓട്ടോറിക്ഷ പിടിച്ച് ആശുപത്രിയിലെത്തിക്കാനാണ് ഇവർ നാട്ടുകാരോട് പറഞ്ഞത്.

സംഭവം വലിയ വിവാദമായതോടെ ഇടുക്കി ജില്ലാ പോലീസ് മേധാവി അന്വേഷണം നടത്തി റിപ്പോർട്ട് സമർപ്പിക്കാൻ കട്ടപ്പന ഡിവൈഎസ്പിക്ക് നിർദേശം നല്കി. ആസാദിനും അജീഷിനും വീഴ്ച സംഭവിച്ചതായുള്ള അന്വേഷണ റിപ്പോർട്ടിന്‍റെ അടിസ്ഥാനത്തിലാണ് ഇരുവരെയും സസ്പെൻഡ് ചെയ്തത്. അ​പ​ക​ട​ത്തി​ൽ ഗു​രു​ത​ര​മാ​യി പ​രു​ക്കേ​റ്റ അ​ഖി​ലും ജൂ​ബി​നും ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.