നവകേരള ബസിനുനേരെ ഷൂ ഏറ്; ചാനൽ റിപ്പോർട്ടർക്കെതിരെ കേസ് |

Click here for detailed news of all items

നവകേരള ബസിനുനേരെ ഷൂ ഏറ്; ചാനൽ റിപ്പോർട്ടർക്കെതിരെ കേസ്

Saturday, December 23, 2023 8:12 AM IST

കൊച്ചി: നവകേരള ബസിനുനേരെ യൂത്ത്കോൺഗ്രസ് പ്രവർത്തകർ ഷൂ എറിഞ്ഞ വാർത്ത റിപ്പോർട്ട് ചെയ്ത മാധ്യമപ്രവർത്തകയ്ക്കെതിരെ പോലീസ് കേസെടുത്തു.

ട്വന്‍റിഫോര്‍ റിപ്പോര്‍ട്ടര്‍ വി.ജി. വിനീതയെ അഞ്ചാം പ്രതിയാക്കിയാണ് കുറുപ്പംപടി പോലീസ് കേസെടുത്തത്. മുഖ്യമന്ത്രിക്കെതിരെ ഷൂ എറിഞ്ഞ സംഭവത്തില്‍ ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് നേരത്തെ പോലീസ് നോട്ടീസ് നല്‍കിയിരുന്നു.

ഐ പി സി 120(ബി) പ്രകാരമാണ് വിനീതയ്ക്കെതിരെ കേസെടുത്തത്. മാധ്യമ സ്വാതന്ത്ര്യത്തിന് മേലുള്ള കടന്നു കയറ്റമാണ് ഇതെന്നും ഇത്തരം വിഷയത്തില്‍ കെയുഡബ്ല്യുജെക്ക് ഉറച്ച നിലപാടാണ് ഉള്ളതെന്നും കെയുഡബ്ല്യുജെ ജനറൽ സെക്രട്ടറി കിരണ്‍ ബാബു പറഞ്ഞു.

പിണറായി ജനാധിപത്യത്തെ കശാപ്പുചെയ്യുന്നു കെ.സുധാകരന്‍ എംപി

വാര്‍ത്ത റിപ്പോര്‍ട്ട് ചെയ്തതിന്‍റെ പേരില്‍ മാധ്യമപ്രവര്‍ത്തകയ്‌ക്കെതിരെ കേസെടുത്ത നടപടി അങ്ങേയറ്റം ജനാധിപത്യ വിരുദ്ധമാണെന്നും കേരളത്തിന്‍റെ പരമ്പരാഗതമായ മാധ്യമസ്വാതന്ത്ര്യത്തിന്‍റെ കടയ്ക്കല്‍ കത്തിവെയ്ക്കുന്നതാണെന്നും കെപിസിസി പ്രസിഡന്‍റ് കെ.സുധാകരന്‍ എംപി.

ഒരു മാധ്യമ പ്രവര്‍ത്തക അവരുടെ ജോലി ചെയ്താല്‍ അത് എങ്ങനെയാണ് ഗൂഢാലോചനയാകുമെന്ന് മുഖ്യമന്ത്രി വ്യക്തമാക്കണമെന്നും കെ.സുധാകരന്‍ ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.