ഛത്തീസ്ഗഡിൽ ഏറ്റുമുട്ടൽ; തലയ്ക്ക് ഒരു ലക്ഷം രൂപ വിലയിട്ടിരുന്ന മാവോയിസ്റ്റ് കൊല്ലപ്പെട്ടു |

Click here for detailed news of all items

ഛത്തീസ്ഗഡിൽ ഏറ്റുമുട്ടൽ; തലയ്ക്ക് ഒരു ലക്ഷം രൂപ വിലയിട്ടിരുന്ന മാവോയിസ്റ്റ് കൊല്ലപ്പെട്ടു

Saturday, January 13, 2024 8:45 AM IST

റായ്പുർ: ഛത്തീസ്ഗഡിൽ സുരക്ഷാ സേനയുമായുള്ള ഏറ്റുമുട്ടലിൽ തലയ്ക്ക് ഒരു ലക്ഷം രൂപ വിലയിട്ടിരുന്ന മാവോയിസ്റ്റ് കൊല്ലപ്പെട്ടു.

ബീജാപ്പൂരിലെയും ദന്തേവാഡയിലെയും ജില്ലാ റിസർവ് ഗാർഡും സെൻട്രൽ റിസർവ് പോലീസ് ഫോഴ്‌സിന്‍റെ (സിആർപിഎഫ്) 85-ാം ബറ്റാലിയനും നക്‌സൽ വിരുദ്ധ ഓപ്പറേഷൻ നടത്തുന്നതിനിടെ ഗംഗളൂർ പോലീസ് സ്റ്റേഷൻ പരിധിയിലെ പുസ്‌നാർ ഗ്രാമത്തിനടുത്തുള്ള വനത്തിൽ ഉച്ചയ്ക്കാണ് വെടിവയ്‌പ്പ് നടന്നത്.

പുസ്‌നാർ വനത്തിൽ ഗഗലുരാരിയ കമ്മിറ്റി സെക്രട്ടറി ദിനേഷ് മോഡിയം ഉൾപ്പെടെയുള്ള മുതിർന്ന നക്‌സലൈറ്റുകളുടെയും 20-25 സായുധ അൾട്രാ കേഡർമാരുടെയും സാന്നിധ്യമുണ്ടെന്ന് സുരക്ഷാസേനയ്ക്ക് രഹസ്യവിവരം ലഭിച്ചിരുന്നു.

സുരക്ഷാസേന നടത്തിയ പരിശോധനയ്ക്കിടെയുണ്ടായ ഏറ്റുമുട്ടലിൽ നക്‌സലേറ്റ് തോയ പോതം (30) കൊല്ലപ്പെട്ടു. നാല് മാവോയിസ്റ്റുകൾക്ക് പരിക്കേറ്റുവെന്നും വിവരമുണ്ട്. ഏറ്റുമുട്ടലുണ്ടായ സ്ഥലത്ത് നിന്നും ആയുധങ്ങളും സ്‌ഫോടക വസ്തുക്കളും മറ്റും കണ്ടെടുത്തിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.