പഞ്ചാബി ഭാഷ പഠിപ്പിച്ചില്ല; ജലന്തറിലെ സ്വകാര്യ സ്കൂളിന് നോട്ടീസ് |

Click here for detailed news of all items

പഞ്ചാബി ഭാഷ പഠിപ്പിച്ചില്ല; ജലന്തറിലെ സ്വകാര്യ സ്കൂളിന് നോട്ടീസ്

Sunday, February 11, 2024 7:19 AM IST

അമൃത്സർ: പഞ്ചാബി ഭാഷ നിർബന്ധിത വിഷയമായി പഠിപ്പിക്കാത്തതിന് ജലന്ധറിലെ സ്വകാര്യ സ്‌കൂളിന് കാരണം കാണിക്കൽ നോട്ടീസ്. പഞ്ചാബ് സ്‌കൂൾ വിദ്യാഭ്യാസ വകുപ്പ് കാരണം കാണിക്കൽ നോട്ടീസ് നൽകിയതായി വിദ്യാഭ്യാസ മന്ത്രി ഹർജോത് സിംഗ് ബെയിൻസ് പറഞ്ഞു.

സ്‌കൂളിലെ വിദ്യാർഥികൾക്ക് പഞ്ചാബി ഭാഷ നിർബന്ധിത വിഷയമായി പഠിപ്പിക്കുന്നില്ലെന്ന് തന്‍റെ ശ്രദ്ധയിൽപ്പെട്ടതായി ബെയ്ൻസ് പറഞ്ഞു. ഭാഷയുടെ അന്തസ് കാത്തുസൂക്ഷിക്കാൻ സംസ്ഥാന സർക്കാർ പ്രതിജ്ഞാബദ്ധമാണെന്നും അതിനോടുള്ള അനാദരവ് ഒരു കാരണവശാലും വച്ചുപൊറുപ്പിക്കില്ലെന്നും മന്ത്രി പറഞ്ഞു.

സംസ്ഥാനത്തെ എല്ലാ സ്‌കൂളുകളും ഒന്നാംക്ലാസ് മുതൽ പത്ത് വരെ പഞ്ചാബി നിർബന്ധിത വിഷയമായി പഠിപ്പിക്കേണ്ടത് കർശന നിയമമാണെന്ന് മന്ത്രി വ്യക്തമാക്കി. സംസ്ഥാനത്തെ ചില സ്വകാര്യ സ്‌കൂളുകൾ ഈ നിയമം ലംഘിച്ചതായി വകുപ്പിന് ഇപ്പോഴും പരാതികൾ ലഭിക്കുന്നുണ്ടെന്നും നിയമലംഘകർക്കെതിരെ കർശന നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.

പഞ്ചാബി വിഷയം നിർബന്ധിത വിഷയമായി പഠിപ്പിക്കുന്നുവെന്ന് ഉറപ്പാക്കാൻ പഞ്ചാബിലെ എല്ലാ സ്വകാര്യ സ്കൂളുകളോടും അദ്ദേഹം അഭ്യർഥിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.