കാണാതായ കുട്ടിയുടെ കുടുംബത്തെ നേരിട്ട് കാണും: മന്ത്രി ശിവന്‍കുട്ടി |

Click here for detailed news of all items

കാണാതായ കുട്ടിയുടെ കുടുംബത്തെ നേരിട്ട് കാണും: മന്ത്രി ശിവന്‍കുട്ടി

Monday, February 19, 2024 8:53 AM IST

തിരുവനന്തപുരം: പേട്ടയില്‍ നിന്ന് അജ്ഞാത സംഘം തട്ടിക്കൊണ്ടുപോയ രണ്ട് വയസുകാരിയുടെ കുടുംബത്തെ നേരിട്ട് കാണുമെന്ന മന്ത്രി വി.ശിവന്‍കുട്ടി. അന്വേഷണം ശക്തമാക്കാന്‍ നിര്‍ദേശം നല്‍കിയതായും മന്ത്രി അറിയിച്ചു.

അതേസമയം കുട്ടിയെ കാണാതായിട്ട് എട്ട് മണിക്കൂർ പിന്നിട്ടു. അന്വേഷണത്തിന് അഞ്ച് പോലീസ് സംഘത്തെയാണ് നിയോഗിച്ചിരിക്കുന്നത്. ഉന്നത പോലീസ് ഉദ്യോഗസ്ഥരുടെ നേതൃത്വത്തിൽ നഗരത്തിൽ പരിശോധന തുടരുകയാണ്.

മറ്റു ജില്ലകളിലേക്കും അതിര്‍ത്തികളിലേക്കും അന്വേഷണം വ്യാപിപ്പിച്ചിട്ടുണ്ട്. കുട്ടിയെ കാണാതായ സ്ഥലത്തിന് 400 മീറ്റർ അകലെവരെ പോലീസ് നായ എത്തിയതായാണ് വിവരം. അതിഥി തൊഴിലാളികളെയും മയക്കുമരുന്ന് സംഘങ്ങൾ അടക്കമുള്ളവരെയും കേന്ദ്രീകരിച്ചാണ് അന്വേഷണം പുരോഗമിക്കുന്നത്.

റെയിൽവേ സ്റ്റേഷനു സമീപം താമസിച്ചിരുന്ന നാടോടി ദമ്പതികളുടെ മകളെയാണ് ഞായറാഴ്ച അർധരാത്രിയോടെ തട്ടിക്കൊണ്ടുപോയത്. ഹൈദരാബാദ് സ്വദേശികളായ അമർദീപ്-റബീനദേവി എന്നീ ദന്പതികളുടെ മകൾ മേരിയെയാണ് കാണാതായത്.

മൂന്നു സഹോദരങ്ങൾക്ക് ഒപ്പമാണ് ഈ കുട്ടിയും ഉറങ്ങാൻ കിടന്നതെന്ന് രക്ഷിതാക്കൾ പറയുന്നു. ഒരു ആക്റ്റീവ സ്കൂട്ടർ സമീപത്തുവന്നിരുന്നതായി മൂത്ത കുട്ടി മൊഴി നൽകിയിരുന്നു.

കുട്ടിയെ കുറിച്ച് വിവരം കിട്ടുന്നവർ അറിയിക്കുക: 0471 2743195 കണ്‍ട്രോൾ റൂം: 112

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.