ബം​ഗ​ളൂ​രു: ക​ര്‍​ണാ​ട​ക​യി​ലെ തും​ഗ​ഭ​ദ്ര ഡാ​മി​ന്‍റെ ഗേ​റ്റ് ത​ക​ര്‍​ന്നു. രാ​ത്രി പ​ന്ത്ര​ണ്ടോ​ടെ​യാ​ണ് സം​ഭ​വം. ഡാ​മി​ന്‍റെ 19-ാമ​ത്തെ ഗേ​റ്റാ​ണ് പൊ​ട്ടി വീ​ണ​ത്.

ഇ​തോ​ടെ ഭീ​ഷ​ണി ഒ​ഴി​വാ​ക്കാ​നാ​യി ഡാ​മി​ന്‍റെ 33 ഗേ​റ്റു​ക​ളും തു​റ​ന്ന് വൻ തോതിൽ ജ​ലം പു​റ​ത്തേ​ക്ക് ഒ​ഴു​ക്കു​ക​യാ​ണ്. 35000 ക്യു​സെ​ക്‌​സ് ജ​ല​മാ​ണ് ഇ​തു​വ​രെ പു​റ​ത്തേ​ക്ക് ഒ​ഴു​ക്കി​യ​ത്. 60 ടി​എം​സി അ​ടി ജ​ലം ഒ​ഴു​ക്കി​ക്ക​ള​ഞ്ഞാ​ല്‍ മാ​ത്ര​മേ ഗേ​റ്റ് വീ​ണ്ടും പ​ണി​ത് ഇ​തു​വ​ഴി വെ​ള്ളം പു​റ​ത്തേ​ക്ക് പോ​കു​ന്ന​ത് ത​ട​യാ​ന്‍ ക​ഴി​യൂ എ​ന്ന് അ​ധി​കൃ​ത​ർ അ​റി​യി​ച്ചു.

കൊ​പ്പാ​ല്‍, വി​ജ​യ​ന​ഗ​ര, ബെ​ല്ലാ​രി, റാ​യ്ച്ചൂ​രി എ​ന്നീ നാ​ല് ജി​ല്ല​ക​ളി​ല്‍ അ​തീ​വ ജാ​ഗ്ര​താ നി​ര്‍​ദേ​ശം പു​റ​പ്പെ​ടു​വി​ച്ചി​ട്ടു​ണ്ട്. വ​ലി​യ ആ​ള്‍​താ​മ​സ​മി​ല്ലാ​ത്ത മേ​ഖ​ല​യാ​ണ് ഇ​ത്. എ​ന്നാ​ല്‍ കൃ​ഷി​യി​ട​ങ്ങ​ള്‍​ക്ക് അ​ട​ക്കം വ​ലി​യ നാ​ശ​നാ​ഷ്ടം സം​ഭ​വി​ക്കാ​ന്‍ സാ​ധ്യ​ത​യു​ണ്ട്. രാ​ജ്യ​ത്തെ ക​ല്ലു​കൊ​ണ്ട് കെ​ട്ടി​യ ഏ​റ്റ​വും വ​ലി​യ ഡാ​മു​ക​ളി​ല്‍ ഒ​ന്നാ​ണ് തും​ഗ​ഭ​ദ്ര.