വ​ത്തി​ക്കാ​ന്‍ സി​റ്റി: ക​ത്തോ​ലി​ക്കാ സ​ഭ​യു​ടെ 267-ാമ​ത് മാ​ര്‍​പാ​പ്പ​യെ തെ​ര​ഞ്ഞെ​ടു​ക്കു​ന്ന​തി​നു​ള്ള നി​ർ​ണാ​യ​ക കോ​ൺ​ക്ലേ​വി​ന് ഇ​ന്നു തു​ട​ക്ക​മാ​കും. പ്രാ​ദേ​ശി​ക​സ​മ​യം രാ​വി​ലെ പ​ത്തി​ന്(​ഇ​ന്ത്യ​ൻ സ​മ​യം ഉ​ച്ച​യ്ക്ക് 1.30) സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ൽ ക​ർ​ദി​നാ​ൾ തി​രു​സം​ഘ​ത്തി​ന്‍റെ ത​ല​വ​ൻ ക​ർ​ദി​നാ​ൾ ജൊ​വാ​ന്നി ബാ​ത്തി​സ്ത റേ​യു​ടെ മു​ഖ്യ​കാ​ർ​മി​ക​ത്വ​ത്തി​ൽ എ​ല്ലാ ക​ർ​ദി​നാ​ൾ​മാ​രും പ​ങ്കെ​ടു​ക്കു​ന്ന വി​ശു​ദ്ധ കു​ർ​ബാ​ന ന​ട​ക്കും. "പ്രോ ​എ​ലി​ജെ​ൻ​ദോ റൊ​മാ​നോ പൊ​ന്തി​ഫീ​ച്ചെ’ എ​ന്ന പേ​രി​ലാ​ണ് കോ​ൺ​ക്ലേ​വി​നു മു​ന്നോ​ടി​യാ​യു​ള്ള ഈ ​വി​ശു​ദ്ധ കു​ർ​ബാ​ന അ​ർ​പ്പ​ണം അ​റി​യ​പ്പെ​ടു​ന്ന​ത്.

പ്രാ​ദേ​ശി​ക​സ​മ​യം വൈ​കു​ന്നേ​രം 4.30ന് (​ഇ​ന്ത്യ​ൻ സ​മ​യം രാ​ത്രി എ​ട്ട്) സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ൽ പ്രാ​ർ​ഥ​ന​യോ​ടെ കോ​ൺ​ക്ലേ​വ് ഔ​ദ്യോ​ഗി​ക​മാ​യി തു​ട​ങ്ങും. തു​ട​ർ​ന്ന് പ​രി​ശു​ദ്ധാ​ത്മാ​വേ എ​ഴു​ന്ന​ള്ളി വ​ര​ണ​മേ എ​ന്ന​ർ​ഥ​മു​ള്ള "വി​യെ​നി ക്രേ​യാ​തൊ​ർ..’ എ​ന്ന പ​ര​മ്പ​രാ​ഗ​ത പ്രാ​ർ​ഥ​നാ​ഗീ​തം ആ​ല​പി​ച്ചു​കൊ​ണ്ട് 71 രാ​ജ്യ​ങ്ങ​ളി​ൽ​നി​ന്നു​ള്ള 133 ക​ർ​ദി​നാ​ൾ ഇ​ല​ക്‌​ട​ർ​മാ​ർ പ്ര​ദ​ക്ഷി​ണ​മാ​യി സി​സ്റ്റൈ​ൻ ചാ​പ്പ​ലി​ലേ​ക്ക് പ്ര​വേ​ശി​ക്കും. തു​ട​ർ​ന്ന് ആ​ദ്യ വോ​ട്ടെ​ടു​പ്പ് വൈ​കു​ന്നേ​രം 5.30ന് (​ഇ​ന്ത്യ​ൻ സ​മ​യം രാ​ത്രി 9ന്) ​ന​ട​ക്കും. പ​ത്ത​ര​യോ​ടെ ഫ​ലം അ​റി​യാ​നാ​കും.

ഫോ​ണു​ൾ​പ്പെ​ടെ എ​ല്ലാ​വി​ധ ഇ​ല​ക്‌​ട്രോ​ണി​ക് ഉ​പ​ക​ര​ണ​ങ്ങ​ളും സ്വി​സ് ഗാ​ർ​ഡു​ക​ളു​ടെ നി​യ​ന്ത്ര​ണ​ത്തി​ൽ ഏ​ൽ​പ്പി​ച്ച​തി​നു​ശേ​ഷം ദേ​ഹ​പ​രി​ശോ​ധ​ന​യ്ക്കു ശേ​ഷ​മാ​ണ് അ​വ​ർ കോ​ൺ​ക്ലേ​വി​നാ​യി ചാ​പ്പ​ലി​ൽ പ്ര​വേ​ശി​ക്കു​ക. ഇ​തോ​ടെ ഡീ​ൻ ചാ​പ്പ​ലി​ന്‍റെ വാ​തി​ൽ അ​ട​യ്ക്കും.

സി​സ്റ്റൈ​ൻ ചാ​പ്പ​ലി​ൽ പ്ര​വേ​ശി​ക്കു​ന്ന ക​ർ​ദി​നാ​ൾ​മാ​ർ അ​വി​ടെ​യു​ള്ള അ​ൾ​ത്താ​ര​യു​ടെ മു​ന്നി​ൽ തെ​ര​ഞ്ഞെ​ടു​പ്പ് പ്ര​ക്രി​യ​യു​ടെ ര​ഹ​സ്യ​സ്വ​ഭാ​വം ക​ർ​ശ​ന​മാ​യി കാ​ത്തു​സൂ​ക്ഷി​ക്കു​മെ​ന്ന് ദൈ​വ​നാ​മ​ത്തി​ൽ പ്ര​തി​ജ്ഞ ചെ​യ്യു​ക​യും ധ്യാ​ന​ത്തി​ലേ​ക്ക് പ്ര​വേ​ശി​ക്കു​ക​യും ചെ​യ്യും. ഫ്രാ​ൻ​സി​സ് മാ​ർ​പാ​പ്പ​യു​ടെ ധ്യാ​ന​ഗു​രു​വാ​യി​രു​ന്ന ക​ർ​ദി​നാ​ൾ കാ​ന്താ​ല​മെ​സേ​യാ​ണ് ക​ർ​ദി​നാ​ൾ​സം​ഘ​ത്തി​നു​ള്ള ധ്യാ​നം ന​യി​ക്കു​ക.

ത​ങ്ങ​ൾ​ക്കു ല​ഭ്യ​മാ​കു​ന്ന ബാ​ല​റ്റി​ൽ ക​ർ​ദി​നാ​ൾ​മാ​ർ, തെ​ര​ഞ്ഞെ​ടു​ക്ക​പ്പെ​ടാ​ൻ ആ​ഗ്ര​ഹി​ക്കു​ന്ന വ്യ​ക്തി​യു​ടെ പേ​രെ​ഴു​തി​യ​ശേ​ഷം "മാ​ർ​പാ​പ്പ​യാ​യി തെ​ര​ഞ്ഞെ​ടു​ക്ക​പ്പെ​ട​ണ​മെ​ന്ന് എ​ന്‍റെ മ​നഃ​സാ​ക്ഷി​യി​ൽ ദൈ​വം പ്ര​ചോ​ദി​പ്പി​ക്കു​ന്ന​യാ​ളെ ദൈ​വ​നാ​മ​ത്തി​ൽ ഞാ​ൻ തെ​ര​ഞ്ഞെ​ടു​ക്കു​ന്നു’ എ​ന്ന് പ​റ​ഞ്ഞു​കൊ​ണ്ട് വോ​ട്ട് നി​ക്ഷേ​പി​ക്കും.

ആ​ർ​ക്കെ​ങ്കി​ലും ഒ​രാ​ൾ​ക്ക് മൂ​ന്നി​ൽ ര​ണ്ടു ഭൂ​രി​പ​ക്ഷം ല​ഭി​ക്കു​ന്ന​തു​വ​രെ തെ​രെ​ഞ്ഞെ​ടു​പ്പ് തു​ട​രും. ആ​ദ്യ​ദി​വ​സ​മാ​യ ഇ​ന്നു വൈ​കു​ന്നേ​രം ഒ​രു റൗ​ണ്ട് മാ​ത്ര​മേ വോ​ട്ടെ​ടു​പ്പ് ഉ​ണ്ടാ​കു​ക​യു​ള്ളൂ.

നാ​ളെ രാ​വി​ലെ ഒ​ന്പ​തി​ന് വോ​ട്ടിം​ഗ് പു​ന​രാ​രം​ഭി​ക്കും. മാ​ർ​പാ​പ്പ​യു​ടെ തെ​ര​ഞ്ഞെ​ടു​പ്പ് പൂ​ർ​ത്തി​യാ​കു​ന്ന​തു​വ​രെ ക​ർ​ദി​നാ​ൾ​മാ​ർ​ക്ക് പു​റം​ലോ​ക​വു​മാ​യി യാ​തൊ​രു ബ​ന്ധ​വും ഉ​ണ്ടാ​യി​രി​ക്കി​ല്ല.

250ല​ധി​കം അം​ഗ​ങ്ങ​ളു​ള്ള ക​ർ​ദി​നാ​ൾ സം​ഘ​ത്തി​ലെ 80 വ​യ​സി​ൽ താ​ഴെ​യു​ള്ള 135 പേ​ർ​ക്ക് വോ​ട്ട​വ​കാ​ശം ഉ​ണ്ടെ​ങ്കി​ലും സ്പെ​യി​നി​ൽ​നി​ന്നു​ള്ള ക​ർ​ദി​നാ​ൾ അ​ന്‍റോ​ണി​യോ ക​നി​സ​ര​സും കെ​നി​യ​യി​ൽ​നി​ന്നു​ള്ള ക​ർ​ദി​നാ​ൾ ജോ​ൺ ഞ്ഞു​യെ​യും ആ​രോ​ഗ്യ​കാ​ര​ണ​ങ്ങ​ളാ​ൽ പി​ന്മാ​റി​യി​ട്ടു​ണ്ട്.

ക​ർ​ദി​നാ​ൾ ഇ​ല​ക്‌​ട​ർ​മാ​രു​ടെ വോ​ട്ടെ​ടു​പ്പി​ൽ മൂ​ന്നി​ൽ ര​ണ്ട് ഭൂ​രി​പ​ക്ഷം കി​ട്ടു​ന്ന​യാ​ൾ ത​ന്‍റെ തെ​ര​ഞ്ഞെ​ടു​പ്പ് അം​ഗീ​ക​രി​ക്കു​ക​യും ഉ​ത്ത​ര​വാ​ദി​ത്വം ഏ​റ്റെ​ടു​ക്കാ​ൻ ത​യാ​റാ​കു​ക​യും ചെ​യ്യു​ന്ന​തോ​ടെ​യാ​ണു മാ​ർ​പാ​പ്പ​യു​ടെ തെ​ര​ഞ്ഞെ​ടു​പ്പ് ഔ​ദ്യോ​ഗി​ക​മാ​യി പൂ​ർ​ത്തി​യാ​കു​ന്ന​ത്. വോ​ട്ട​വ​കാ​ശ​മു​ള്ള 133 ക​ർ​ദി​നാ​ൾ​മാ​രും തി​ങ്ക​ളാ​ഴ്ച വ​ത്തി​ക്കാ​നി​ലെ​ത്തി​യി​രു​ന്നു.