വ​ത്തി​ക്കാ​ൻ സി​റ്റി: പൗ​ര​സ്ത്യ സ​ഭ​ക​ളു​ടെ ജൂ​ബി​ലി ആ​ഘോ​ഷം ഇ​ന്നു സ​മാ​പി​ക്കും. സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ൽ ബൈ​സ​ന്‍റൈ​ൻ റീ​ത്തി​ലു​ള്ള വി​ശു​ദ്ധ കു​ർ​ബാ​ന​യോ​ടെ​യാ​ണ് ജൂ​ബി​ലി​യാ​ഘോ​ഷ​ത്തി​നു സ​മാ​പ​ന​മാ​കു​ക. ജൂ​ബി​ലി​യു​ടെ ഭാ​ഗ​മാ​യി ലെ​യോ പ​തി​നാ​ലാ​മ​ൻ മാ​ർ​പാ​പ്പ ഇ​ന്ന് പൗ​ര​സ്ത്യ​സ​ഭ​ക​ളു​ടെ അ​ധ്യ​ക്ഷ​ന്മാ​രു​മാ​യും വി​ശ്വാ​സി​ക​ളു​മാ​യും കൂ​ടി​ക്കാ​ഴ്ച ന​ട​ത്തും.

ജൂ​ബി​ലി​യു​ടെ ഭാ​ഗ​മാ​യി ചൊവ്വാഴ്ച പ്രാ​ദേ​ശി​ക​സ​മ​യം ഉ​ച്ച​യ്ക്ക് ഒ​ന്നി​ന് സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ൽ പൗ​ര​സ്ത്യ സു​റി​യാ​നി സ​ഭ​ക​ൾ ചേ​ർ​ന്നു വി​ശു​ദ്ധ കു​ർ​ബാ​ന അ​ർ​പ്പി​ച്ചു. വി​ശു​ദ്ധ കു​ർ​ബാ​ന​യി​ൽ ക​ൽ​ദാ​യ സ​ഭ പാ​ത്രി​യാ​ർ​ക്കീ​സ് ലൂ​യി​സ് റ​ഫ​യെ​ൽ സാ​ക്കോ മു​ഖ്യ കാ​ർ​മി​ക​നാ​യി​രു​ന്നു.
സീ​റോ​മ​ല​ബാ​ർ സ​ഭ മേ​ജ​ർ ആ​ർ​ച്ച്ബി​ഷ​പ് മാ​ർ റാ​ഫേ​ൽ ത​ട്ടി​ൽ സ​ന്ദേ​ശം ന​ൽ​കി.

പൗ​ര​സ്ത്യ​സ​ഭ​ക​ളു​ടെ ത​നി​മ കാ​ത്തു​സൂ​ക്ഷി​ക്കേ​ണ്ട​തി​ന്‍റെ ആ​വ​ശ്യ​ക​ത ചൂ​ണ്ടി​ക്കാ​ട്ടി​യ മാ​ർ റാ​ഫേ​ൽ ത​ട്ടി​ൽ, അ​തു സ​ഭ​യു​ടെ പൊ​തു മു​ത​ൽ​ക്കൂ​ട്ടാ​ണെ​ന്നും ഓ​ർ​മി​പ്പി​ച്ചു. പൗ​ര​സ്ത്യ​സ​ഭ​ക​ൾ​ക്കു വേ​ണ്ടി​യു​ള്ള ഡി​ക്കാ​സ്റ്റ​റി​യു​ടെ ത​ല​വ​ൻ ക​ർ​ദി​നാ​ൾ ഗു​ജ​റോ​ത്തി, ക​ർ​ദി​നാ​ൾ ജോ​ർ​ജ് കൂ​വ​ക്കാ​ട്ട്, സി​ബി​സി​ഐ അ​ധ്യ​ക്ഷ​ൻ മാ​ർ ആ​ൻ​ഡ്രൂ​സ് താ​ഴ​ത്ത് എ​ന്നി​വ​രു​ൾ​പ്പെ​ടെ നി​ര​വ​ധി മെ​ത്രാ​ന്മാ​രും നൂ​റി​ല​ധി​കം വൈ​ദി​ക​രും സി​സ്റ്റേ​ഴ്സും വി​ശു​ദ്ധ കു​ർ​ബാ​ന​യി​ൽ പ​ങ്കു​ചേ​ർ​ന്നു.

തോ​മാ​ശ്ലീ​ഹാ​യു​ടെ ശി​ഷ്യ​ന്മാ​രാ​യ അ​ദ്ദാ​യി, മാ​റി എ​ന്നി​വ​രു​ടെ പേ​രി​ലു​ള്ള വി​ശു​ദ്ധ കു​ർ​ബാ​ന ക്ര​മ​മ​മാ​ണു പൗ​ര​സ്ത്യ​സ​ഭ​ക​ൾ ചേ​ർ​ന്ന് അ​ർ​പ്പി​ച്ച വി​ശു​ദ്ധ കു​ർ​ബാ​ന​യി​ൽ ഉ​പ​യോ​ഗി​ച്ച​ത്. മ​ല​യാ​ള​ത്തി​ലു​ൾ​പ്പെ​ടെ പ്രാ​ർ​ഥ​ന​ക​ൾ ഉ​യ​ർ​ന്ന വി​ശു​ദ്ധ കു​ർ​ബാ​ന​യി​ൽ സു​റി​യാ​നി ഗീ​ത​ങ്ങ​ളും സീ​റോ​മ​ല​ബാ​ർ സി​സ്റ്റേ​ഴ്സും വൈ​ദി​ക​രും ഉ​ൾ​പ്പെ​ടു​ന്ന ഗാ​യ​ക​സം​ഘം ആ​ല​പി​ച്ചു.

സാ​ർ​വ​ത്രി​ക സ​ഭ 2025 പ്ര​ത്യാ​ശ​യു​ടെ ജൂ​ബി​ലി വ​ർ​ഷ​മാ​യി ആ​ഘോ​ഷി​ക്കു​ന്ന​തി​ൽ പ​ങ്കു​ചേ​ർ​ന്നു​കൊ​ണ്ട് സ​ഭ​യി​ലെ വി​വി​ധ വി​ഭാ​ഗ​ങ്ങ​ൾ നി​ശ്ചി​ത ദി​വ​സ​ങ്ങ​ളി​ൽ ന​ട​ത്തു​ന്ന ജൂ​ബി​ലി​യാ​ച​ര​ണ​ത്തി​ന്‍റെ ഭാ​ഗ​മാ​യി​ട്ടാ​ണ് ഈ​മാ​സം 12 മു​ത​ൽ ഇ​ന്നു​വ​രെ പൗ​ര​സ്ത്യ​സ​ഭ​ക​ളു​ടെ ആ​ഘോ​ഷം ന​ട​ക്കു​ന്ന​ത്. എ​ല്ലാ ഭൂ​ഖ​ണ്ഡ​ങ്ങ​ളി​ൽ​നി​ന്നും സീ​റോ​മ​ല​ബാ​ർ, സീ​റോ​മ​ല​ങ്ക​ര സ​ഭ​ക​ളു​ൾ​പ്പെ​ടെ​യു​ള്ള പൗ​ര​സ്ത്യ​സ​ഭ​ക​ളു​ടെ പ്ര​തി​നി​ധി​ക​ൾ ഇ​തി​ൽ പ​ങ്കു​ചേ​രു​ന്നു​ണ്ട്.