മും​ബൈ: കോ​വി​ഡ് വ്യാ​പ​നം വീ​ണ്ടും വ​ർ​ധി​ക്കു​ന്ന​തി​നി​ടെ മ​ഹാ​രാ​ഷ്ട്ര​യി​ൽ ര​ണ്ട് മ​ര​ണം. മും​ബൈ​യി​ലാ​ണ് കോ​വി​ഡ് സ്ഥി​രീ​ക​രി​ച്ച ര​ണ്ട് പേ​ർ മ​രി​ച്ച​ത്.

എ​ന്നാ​ൽ ഇ​വ​രി​ൽ ഒ​രാ​ൾ​ക്ക് കാ​ൻ​സ​റും മ​റ്റൊ​രാ​ൾ​ക്ക് നെ​ഫ്രോ​ട്ടി​ക് സി​ൻ​ഡ്രോ​മും നേ​ര​ത്തെ ഉ​ണ്ടാ​യി​രു​ന്നു​വെ​ന്നും ഇ​താ​ണ് മ​ര​ണ​ത്തി​ലേ​ക്ക് ന​യി​ച്ച​തെ​ന്നു​മാ​ണ് മ​ഹാ​രാ​ഷ്ട്ര ആ​രോ​ഗ്യ​വ​കു​പ്പി​ന്‍റെ വി​ശ​ദീ​ക​ര​ണം.

സി​ങ്ക​പ്പൂ​രി​ലും ഹോ​ങ്കോ​ങ്ങി​ലും കൊ​വി​ഡ് ബാ​ധ ആ​ശ​ങ്ക ഉ​യ​ർ​ത്തു​ന്ന​തി​നി​ടെ​യാ​ണ് മ​ഹാ​രാ​ഷ്ട്ര​യി​ൽ ര​ണ്ട് മ​ര​ണം റി​പ്പോ​ർ​ട്ട് ചെ​യ്ത​ത്. രാജ്യത്തെ കോ​വി​ഡ് വ്യാ​പ​ന​വു​മാ​യി ബ​ന്ധ​പ്പെ​ട്ട സ്ഥി​തി​ഗ​തി​ക​ൾ കേ​ന്ദ്ര ആ​രോ​ഗ്യ​മ​ന്ത്രാ​ല​യം തി​ങ്ക​ളാ​ഴ്ച വി​ല​യി​രു​ത്തി​യി​രു​ന്നു. നി​ല​വി​ലെ കൊ​വി​ഡ്-19 സ്ഥി​തി നി​യ​ന്ത്ര​ണ​വി​ധേ​യ​മാ​ണെ​ന്നും രാ​ജ്യ​ത്ത് കോ​വി​ഡ് കേ​സു​ക​ളു​ടെ എ​ണ്ണം കു​റ​വാ​ണെ​ന്നും ആ​രോ​ഗ്യ​മ​ന്ത്രാ​ല​യം അ​റി​യി​ച്ചു.

നി​ല​വി​ൽ 257 ആ​ക്ടീ​വ് കേ​സു​ക​ളാ​ണ് ഇ​ന്ത്യ​യി​ൽ ഉ​ള്ള​ത്. ഇ​ന്ത്യ​യി​ലെ കേ​സു​ക​ളി​ൽ ഭൂ​രി​ഭാ​ഗ​വും നേ​രി​യ രോ​ഗ ല​ക്ഷ​ണ​ങ്ങ​ൾ മാ​ത്ര​മാ​ണെ​ന്നും ആ​ശു​പ​ത്രി​യി​ൽ പ്ര​വേ​ശി​പ്പി​ക്കേ​ണ്ട ആ​വ​ശ്യ​മി​ല്ലെ​ന്നു​മാ​ണ് വി​ല​യി​രു​ത്ത​ൽ.