കോ​ഴി​ക്കോ​ട്: പേ​രൂ​ര്‍​ക്ക​ട​യി​ല്‍ ദ​ളി​ത് യു​വ​തി ബി​ന്ദു​വി​നെ അ​ന്യാ​യ​മാ​യി ക​സ്റ്റ​ഡി​യി​ലെ​ടു​ത്ത​തി​നും മാ​ന​സി​ക​മാ​യി പീ​ഡി​പ്പി​ച്ച സം​ഭ​വ​ത്തി​ലും കൂ​ടു​ത​ൽ ന​ട​പ​ടി​ക​ൾ എ​ടു​ക്കാ​ൻ തീ​രു​മാ​നം. എ​എ​സ്ഐ പ്ര​സ​ന്ന​നെ​യും സ​സ്പെ​ൻ​ഡ് ചെ​യ്യും.

ക​ന്‍റാ​ൺ​മെ​ന്‍റ് അ​സി​സ്റ്റ​ന്‍റ് ക​മ്മീ​ഷ​റു​ടെ റി​പ്പോ​ർ​ട്ടി​ലാ​ണ് ന​ട​പ​ടി. സ​സ്പെ​ൻ ഉ​ത്ത​ര​വ് ബു​ധ​നാ​ഴ്ച പു​റ​ത്തി​റ​ങ്ങും.

മോ​ഷ​ണ​ക്കു​റ്റം ആ​രോ​പി​ച്ച്‌ ബി​ന്ദു​വി​നെ അ​ന്യാ​യ​മാ​യി ക​സ്റ്റ​ഡി​യി​ലെ​ടു​ത്ത​തും പോ​ലീ​സ്‌ സ്റ്റേ​ഷ​നി​ലെ​ത്തി​ച്ച് 20 മ​ണി​ക്കൂ​റോ​ളം പോ​ലീ​സ്‌ മാ​ന​സി​ക​മാ​യി പീ​ഡി​പ്പി​ച്ച​താ​ണ് സം​ഭ​വം. ക​ഴി​ഞ്ഞ ചൊ​വ്വാ​ഴ്ച വൈ​കു​ന്നേ​രം മൂ​ന്നി​ന് പേ​രൂ​ർ​ക്ക​ട പോ​ലീ​സ്‌ ചോ​ദ്യം​ചെ​യ്യാ​നാ​യി വി​ളി​പ്പി​ച്ച ബി​ന്ദു​വി​നെ വി​ട്ട​യ​ച്ച​ത് ബു​ധ​നാ​ഴ്ച ഉ​ച്ച​യ്ക്ക് 12നാ​ണ്.

യു​വ​തി ജോ​ലി​ക്കു​നി​ന്ന വീ​ട്ടി​ൽ​നി​ന്നു മാ​ല മോ​ഷ​ണം​പോ​യെ​ന്ന പ​രാ​തി​യി​ലാ​ണ്‌ ബി​ന്ദു​വി​നെ സ്റ്റേ​ഷ​നി​ൽ വി​ളി​ച്ചു​വ​രു​ത്തി​യ​ത്‌. പോ​ലീ​സി​നോ​ടു നി​ര​പ​രാ​ധി​യാ​ണെ​ന്നു ക​ര​ഞ്ഞു​പ​റ​ഞ്ഞി​ട്ടും വി​ട്ട​യ​ച്ചി​ല്ല.

രാ​ത്രി വൈ​കി പ​ന​വൂ​രി​ലെ വീ​ട്ടി​ലെ​ത്തി​ച്ച് മാ​ല​യ്ക്കാ​യി പോ​ലീ​സ് പ​രി​ശോ​ധ​ന​യും ന​ട​ത്തി. തി​രി​ച്ച് വീ​ണ്ടും പേ​രൂ​ർ​ക്ക​ട സ്റ്റേ​ഷ​നി​ലെ​ത്തി​ച്ചു. കു​ടി​ക്കാ​ൻ വെ​ള്ളം​പോ​ലും ന​ൽ​കി​യി​ല്ലെ​ന്നും യു​വ​തി ആ​രോ​പി​ച്ചി​രു​ന്നു.