കൊ​ല്ലം: വാ​ഹ​നം പാ​ര്‍​ക്ക് ചെ​യ്യു​ന്ന​തി​നെ ചൊ​ല്ലി കോ​ട​തി​ക​ള്‍ ഉ​ള്‍​പ്പെ​ടു​ന്ന ക​ള​ക്ട​റേ​റ്റ് വ​ള​പ്പി​ല്‍ അ​ഭി​ഭാ​ഷ​ക​രും മോ​ട്ടോ​ര്‍​വാ​ഹ​ന വ​കു​പ്പി​ന്‍റെ ഓ​ഫീ​സി​ലേ​ക്ക് കാ​റി​ൽ വ​ന്ന​വ​രും ത​മ്മി​ല്‍ സം​ഘ​ര്‍​ഷം.

അ​ഭി​ഭാ​ഷ​ക​രു​ടെ മ​ര്‍​ദ​ന​ത്തി​ൽ കാ​റി​ലു​ണ്ടാ​യി​രു​ന്ന പ​ള്ളി​ക്ക​ല്‍ സ്വ​ദേ​ശി സി​ദ്ധി​ഖി​നും ഒ​പ്പ​മു​ണ്ടാ​യി​രു​ന്ന ബ​ന്ധു​വാ​യ ക​ട​ക്ക​ല്‍ സ്വ​ദേ​ശി ഷെ​മീ​ന​യ്ക്കും പ​രി​ക്കേ​റ്റു. സി​ദ്ധി​ഖ് ജി​ല്ലാ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. യു​വാ​വി​ന്‍റെ മ​ര്‍​ദ​ന​ത്തി​ല്‍ അ​ഭി​ഭാ​ഷ​ക​നാ​യ ഐ.​കെ. കൃ​ഷ്ണ​കു​മാ​റി​നും പ​രി​ക്കേ​റ്റി​ട്ടു​ണ്ട്.

അ​ഭി​ഭാ​ഷ​ക​നെ കൈ​യേ​റ്റം ചെ​യ്ത​തി​ല്‍ പ്ര​തി​ഷേ​ധി​ച്ച് വ്യാ​ഴാ​ഴ്ച കോ​ട​തി ന​ട​പ​ടി​ക​ളി​ല്‍ നി​ന്നു വി​ട്ടു​നി​ല്‍​ക്കാ​ന്‍ കൊ​ല്ലം ബാ​ര്‍ അ​സോ​സി​യേ​ഷ​ന്‍ തീ​രു​മാ​നി​ച്ചു.

ക​ള​ക്ട​റേ​റ്റ് സ​മു​ച്ച​യ​ത്തി​ലെ ഗ​താ​ഗ​ത​വ​കു​പ്പ് ഓ​ഫീ​സി​ല്‍ പ​ണം അ​ട​ക്കാ​നെ​ത്തി​യ​താ​യി​രു​ന്നു ഷെ​മീ​ന​യും സി​ദ്ദീ​ഖും. പ​ണ​മ​ട​ച്ച് പു​റ​ത്തി​റ​ങ്ങി​യ​പ്പോ​ള്‍ ത​ങ്ങ​ളു​ടെ വാ​ഹ​നം പു​റ​ത്തി​റ​ക്കാ​ന്‍ ക​ഴി​യാ​ത്ത​നി​ല​യി​ല്‍ വാ​ഹ​നം പാ​ര്‍​ക്ക് ചെ​യ്ത അ​ഭി​ഭാ​ഷ​ക​നോ​ട് കാ​ര്‍ മാ​റ്റി​യി​ടാ​ന്‍ ആ​വ​ശ്യ​പെ​ട്ടു.

അ​തി​ന് ത​യാ​റാ​കാ​തെ അ​ഭി​ഭാ​ഷ​ക​ൻ കോ​ട​തി​യി​ലേ​ക്ക് ക​യ​റി​പോ​വു​ക​യാ​യി​രു​ന്നെ​ന്ന് സി​ദ്ദീ​ഖ് പ​റ​ഞ്ഞു. ആ​ശു​പ​ത്രി​യി​ല്‍ പോ​കേ​ണ്ട അ​ത്യാ​വ​ശ്യ​മു​ണ്ടെ​ന്നു പ​റ​ഞ്ഞി​ട്ടും അ​ഭി​ഭാ​ഷ​ക​ന്‍ ഗൗ​നി​ച്ചി​ല്ലെ​ന്നു പോ​ലീ​സി​നു ന​ല്‍​കി​യ പ​രാ​തി​യി​ല്‍ പ​റ​യു​ന്നു.

അ​ര​മ​ണി​ക്കൂ​ര്‍ ക​ഴി​ഞ്ഞ് തി​രി​ച്ചെ​ത്തി​യ അ​ഭി​ഭാ​ഷ​ക​ന്‍ ത​ങ്ങ​ളു​ടെ സ്ഥ​ല​ത്ത് വാ​ഹ​നം പാ​ര്‍​ക്ക് ചെ​യ്ത​തി​നെ ചൊ​ല്ലി വാ​ഹ​ന​ത്തി​ലെ​ത്തി​യ​വ​രോ​ട് ത​ര്‍​ക്ക​ത്തി​ലേ​ര്‍​പ്പെ​ട്ടു. പി​ന്നീ​ട് ഇ​ത് സം​ഘ​ർ​ഷ​ത്തി​ൽ ക​ലാ​ശി​ക്കു​ക​യാ​യി​രു​ന്നു.