National News
ഇന്ത്യൻ വ്യോമാതിർത്തിയിലെ വിമാനദുരന്തങ്ങൾ
ഇന്ത്യൻ വ്യോമാതിർത്തിയിലെ വിമാനദുരന്തങ്ങൾ
Friday, June 13, 2025 2:06 AM IST
ന്യൂ​ഡ​ൽ​ഹി: ലോ​ക​ത്തി​ൽ വ​ള​രെ​ വേ​ഗം വ​ള​രു​ന്ന വ്യോ​മ മേ​ഖ​ല​യി​ൽ ഒ​ന്നാ​ണ് ഇ​ന്ത്യ. സ്ഥി​തി​വി​വ​ര​ക്ക​ണ​ക്കു​ക​ൾ അ​നു​സ​രി​ച്ച് വി​മാ​ന​യാ​ത്ര ഏ​റ്റ​വും സു​ര​ക്ഷി​ത ഗ​താ​ഗ​ത​മാ​ർ​ഗം ആ​ണെ​ങ്കി​ലും അ​പ​ക​ട​ങ്ങ​ൾ സം​ഭ​വി​ക്കു​ന്പോ​ൾ അ​ത് രാ​ജ്യാ​ന്ത​ര​ത​ല​ത്തി​ൽ​ത​ന്നെ വ​ലി​യ ദു​ര​ന്ത​മാ​യി മാ​റാ​റു​ണ്ട്. ഇ​ത്ത​ര​ത്തി​ൽ ഇ​ന്ത്യ​ൻ വ്യോ​മാ​തി​ർ​ത്തി​യി​ൽ ന​ട​ന്ന വി​മാ​ന ദു​ര​ന്ത​ങ്ങ​ൾ.

അ​റ​ബി​ക്ക​ട​ൽ വി​മാ​നാ​പ​ക​ടം -1978

1978 ജ​നു​വ​രി ഒ​ന്നി​ന് ബോ​യിം​ഗ് 747 വി​ഭാ​ഗ​ത്തി​ൽ​പ്പെ​ടു​ന്ന എ​യ​ർ ഇ​ന്ത്യ വി​മാ​നം എം​പ​റ​ർ അ​ശോ​ക അ​റ​ബി​ക്ക​ട​ലി​ൽ ത​ക​ർ​ന്ന് വീ​ണു​ണ്ടാ​യ അ​പ​ക​ട​ത്തി​ൽ വി​മാ​ന​ത്തി​ൽ ഉ​ണ്ടാ​യി​രു​ന്ന 213 പേ​രും മ​രി​ച്ചു. മു​ബൈ അ​ന്താ​രാ​ഷ്‌ട്ര വി​മാ​ന​ത്താ​വ​ള​ത്തി​ൽ​നി​ന്ന് ദു​ബാ​യി​ലേ​ക്ക് പോ​കു​ക​യാ​യി​രു​ന്ന വി​മാ​നം പ​റ​ന്നു​യ​ർ​ന്ന ഉ​ട​ൻ അ​റ​ബി​ക്ക​ട​ലി​ൽ പ​തി​ക്കു​ക​യാ​യി​രു​ന്നു. ഉ​പ​ക​ര​ണ​ങ്ങ​ളു​ടെ ത​ക​രാ​റും വി​മാ​ന​ത്തി​ന് ദി​ശ ന​ഷ്‌​ട​പ്പെ​ട്ട​തു​മാ​ണ് അ​പ​ക​ട​കാ​ര​ണം. അ​പ​ക​ട​ത്തത്തുട​ർ​ന്ന് പൈ​ല​റ്റ് പ​രി​ശീ​ല​ന​ത്തി​ലും സു​ര​ക്ഷാ പ​രി​ശോ​ധ​ന​യി​ലും പ​രി​ഷ്കാ​ര​ങ്ങ​ൾ ഏ​ർ​പ്പെ​ടു​ത്തി.

അ​ഹ​മ്മ​ദാ​ബാ​ദ് -1988

മും​ബൈ​യി​ൽ​നി​ന്ന് അ​ഹ​മ്മ​ദാ​ബാ​ദി​ലേ​ക്ക് പു​റ​പ്പെ​ട്ട ഇ​ന്ത്യ​ൻ എ​യ​ർ​ലൈ​ൻ​സ് വി​മാ​നം ത​ക​ർ​ന്നു​ണ്ടാ​യ അ​പ​ക​ട​ത്തി​ൽ വി​മാ​ന​ത്തി​ലു​ണ്ടാ​യി​രു​ന്ന 135 യാ​ത്ര​ക്കാ​രി​ൽ 133 പേ​രും കൊ​ല്ല​പ്പെ​ട്ടു. മോ​ശം കാ​ലാ​വ​സ്ഥ കാ​ര​ണം രാ​വി​ലെ 6.53നാ​ണ് വി​മാ​നം അ​പ​ക​ട​ത്തി​ൽ​പ്പെ​ട്ട​ത്. അ​ഹ​മ്മ​ദാ​ബാ​ദ് വി​മാ​ന​ത്താ​വ​ള​ത്തി​ൽനി​ന്ന് ഏ​ക​ദേ​ശം മൂ​ന്ന് കി​ലോ​മീ​റ്റ​ർ അ​ക​ലെ ചി​ലോ​ഡ കൊ​ട്ടാ​ർ​പൂ​ർ ഗ്രാ​മ​ത്തി​ന​ടു​ത്തു​ള്ള നെ​ൽ​വ​യ​ലിൽ വി​മാ​നം ത​ക​ർ​ന്നു​വീ​ഴു​ക​യാ​യി​രു​ന്നു.

ബം​ഗ​ളൂ​രു -1990

മും​ബൈ​യി​ൽ​നി​ന്ന് ബം​ഗ​ളൂ​രു​വി​ലേ​ക്കു പു​റ​പ്പെ​ട്ട ഇ​ന്ത്യ​ൻ എ​യ​ർ​ലൈ​ൻ​സ് വി​മാ​നം ലാ​ൻ​ഡിം​ഗി​നി​ടെ റ​ണ്‍വേ​യി​ൽനി​ന്ന് തെ​ന്നി​മാ​റി​യ​താ​ണ് അ​പ​ക​ടം സം​ഭ​വി​ച്ച​ത്. എ​യ​ർ​ബ​സി​ന്‍റെ എ 320 ​വി​ഭാ​ഗ​ത്തി​ൽ​പ്പെ​ട്ട വി​മാ​ന​മാ​യി​രു​ന്നു പൈ​ല​റ്റി​ന്‍റെ തെ​റ്റാ​യ തീ​രു​മാ​ന​ത്തത്തുട​ർ​ന്ന് അ​പ​ക​ട​ത്തി​ൽ​പ്പെ​ട്ട​ത്. വി​മാ​ന​ത്തി​ലു​ണ്ടാ​യി​രു​ന്ന 146 യാ​ത്ര​ക്കാ​രി​ൽ 92 പേ​ർ മ​രി​ച്ചു. ബം​ഗ​ളൂ​രു വി​മാ​നാ​പ​ക​ട​ത്തി​നു പി​ന്നാ​ലെ പു​തി​യ വി​മാ​ന മോ​ഡ​ലു​ക​ൾ​ക്കാ​യു​ള്ള പൈ​ല​റ്റ് യോ​ഗ്യ​ത മാ​ന​ദ​ണ്ഡ​ങ്ങ​ൾ പു​ന​ർ ​മൂ​ല്യ​നി​ർ​ണ​യം ന​ട​ത്താ​ൻ വ്യോ​മ​യാ​ന മ​ന്ത്രാ​ല​യം തീ​രു​മാ​നി​ച്ചു.

ച​ർ​ഖി ദാ​ദ്രി -1996

ഇ​ന്ത്യ​ൻ വ്യോ​മാ​തി​ർ​ത്തി​യി​ലെ ഏ​റ്റ​വും വ​ലി​യ വി​മാ​ന ദു​ര​ന്ത​ങ്ങ​ളി​ൽ ഒ​ന്നാ​ണ് 1996 ന​വം​ബ​ർ 12ന് ​സം​ഭ​വി​ച്ച ഈ ​അ​പ​ക​ടം. സൗ​ദി എ​യ​ർ​ലൈ​ൻ​സി​ന്‍റെ ബോ​യിം​ഗ് 747 വി​മാ​ന​വും ക​സാ​ക്കി​സ്ഥാ​ൻ എ​യ​ർ​ലൈ​ൻ​സി​ന്‍റെ ഇ​ലൂ​ഷി​ൻ ഇ​ൽ 76 വി​മാ​ന​വും ഡ​ൽ​ഹി​ക്കു 100 കി​ലോ​മീ​റ്റ​ർ പ​ടി​ഞ്ഞാ​റ് ച​ർ​ഖി ദാ​ദ്രി​ക്കു മു​ക​ളി​ൽ പ​ര​സ്പ​രം കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ മ​രി​ച്ച​ത് ര​ണ്ട് വി​മാ​ന​ത്തി​ലു​മാ​യി ഉ​ണ്ടാ​യി​രു​ന്ന 349 യാ​ത്ര​ക്കാ​രാ​ണ്. ലോ​ക​ത്തി​ൽ​ത​ന്നെ ആ​കാ​ശ​ത്ത് വി​മാ​ന​ങ്ങ​ൾ പ​ര​സ്പ​രം കൂ​ട്ടി​യി​ടി​ച്ചു​ണ്ടാ​യ ഏ​റ്റ​വും വ​ലി​യ അ​പ​ക​ട​ങ്ങ​ളി​ൽ ഒ​ന്നാ​ണി​ത്. വ്യോ​മ​ഗ​താ​ഗ​ത നി​ർ​ദേ​ശ​ങ്ങ​ൾ കൃ​ത്യ​മാ​യി പാ​ലി​ക്കാ​തി​രു​ന്ന​താ​ണ് അ​പ​ക​ട​കാ​ര​ണം. ആ​ശ​യ​വി​നി​മ​യ ത​ക​രാ​റും അ​പ​ക​ട​ത്തി​ലേ​ക്ക് ന​യി​ച്ചു.


പാറ്റ്ന -2000

അ​ല​യ​ൻ​സ് വി​മാ​നം ആ​ൾ​താ​മ​സ​മു​ള്ള എ​സ്റ്റേ​റ്റി​നു മു​ക​ളി​ൽ ത​ക​ർ​ന്നുവീ​ണാ​യിരുന്നു അ​പ​ക​ടം. വി​മാ​ന​ത്തി​ലുണ്ടാ​യി​രു​ന്ന 55 യാ​ത്ര​ക്കാ​രും പ്ര​ദേ​ശ​വാ​സി​ക​ളാ​യ അ​ഞ്ചു​പേ​രും അ​പ​ക​ട​ത്തി​ൽ മ​രി​ച്ചു. 2000 ജൂ​ലൈ 17നാ​യി​രു​ന്നു സം​ഭ​വം.

മം​ഗ​ലാ​പു​രം -2010

2010 മേ​യ് 22ന് ​ദു​ബാ​യി​ൽ​നി​ന്ന് മം​ഗ​ലാ​പു​ര​ത്തേ​ക്കു പു​റ​പ്പെ​ട്ട എ​യ​ർ ഇ​ന്ത്യ എ​ക്സ്പ്ര​സ് വി​മാ​നം ലാ​ൻ​ഡ് ചെ​യ്യു​ന്പോ​ൾ റ​ണ്‍വേ​യി​ൽ​നി​ന്നു തെ​ന്നി​മാ​റി​യാ​ണ് അ​പ​ക​ട​മു​ണ്ടാ​യ​ത്. വി​മാ​ന​ത്തി​ലു​ണ്ടാ​യി​രു​ന്ന 166 പേ​രി​ൽ 158 പേ​ർ മ​രി​ച്ചു. ടേ​ബി​ൾ ടോ​പ് റ​ണ്‍വേ​യി​ൽ ലാ​ൻ​ഡ് ചെ​യ്യു​ന്ന​തി​ൽ പൈ​ല​റ്റ് എ​ടു​ത്ത തെ​റ്റാ​യ തീ​രു​മാ​ന​മാ​ണ് അ​പ​ക​ട​ത്തി​ലേ​ക്കു ന​യി​ച്ച​ത്. റ​ണ്‍വേ​യി​ൽ​നി​ന്ന് തെ​ന്നി​മാ​റി​യ വി​മാ​നം കു​ന്നി​ൻ​ചെ​രു​വി​ലേ​ക്കു പ​തി​ക്കു​ക​യാ​യി​രു​ന്നു. ഈ ​അ​പ​ക​ട​ത്തി​നു​ശേ​ഷ​മാ​ണ് അ​പ​ക​ട​സാ​ധ്യ​ത​യു​ള്ള സ്ഥ​ല​ങ്ങ​ളി​ൽ ലാ​ൻ​ഡിം​ഗ് പ്രോ​ട്ടോ​കോ​ൾ വ്യോ​മ​യാ​ന മ​ന്ത്രാ​ല​യം അ​വ​ത​രി​പ്പി​ച്ച​ത്.

കോ​ഴി​ക്കോ​ട്-2020

കേ​ര​ള​ത്തെ ഞെ​ട്ടി​ച്ച അ​പ​ക​ടം. കോ​വി​ഡ് 19 പ​ക​ർ​ച്ച​വ്യാ​ധി സ​മ​യ​ത്ത് മ​റ്റു രാ​ജ്യ​ങ്ങ​ളി​ൽ കു​ടു​ങ്ങി​യ ഇ​ന്ത്യ​ക്കാ​രെ സ്വ​ദേ​ശ​ത്തേ​ക്ക് എ​ത്തി​ക്കു​ന്ന​തി​നു​ള്ള വ​ന്ദേ​ഭാ​ര​ത് ദൗ​ത്യ​ത്തി​ന്‍റെ ഭാ​ഗ​മാ​യി​രു​ന്ന എ​യ​ർ ഇ​ന്ത്യ എ​ക്സ്പ്ര​സി​ന്‍റെ 1344 ന​ന്പ​ർ വി​മാ​ന​മാ​ണ് അ​പ​ക​ട​ത്തി​ൽ​പ്പെ​ട്ട​ത്.

കാ​ബി​ൻ ക്രൂ ​ഉ​ൾ​പ്പെ​ടെ 190 യാ​ത്ര​ക്കാ​രു​മാ​യി 2020 ഓ​ഗ​സ്റ്റ് ഏ​ഴി​ന് ദു​ബാ​യി​ൽനി​ന്നു പു​റ​പ്പെ​ട്ട വി​മാ​നം കോ​ഴി​ക്കോ​ട് അ​ന്താ​രാഷ്‌ട്ര വി​മാ​ന​ത്താ​വ​ള​ത്തി​ൽ ലാ​ൻ​ഡ് ചെ​യ്യു​ന്ന​തി​നി​ടെ റ​ണ്‍വേ​ വി​ട്ട് കു​ന്നി​ൻ​ചെ​രു​വി​ലേ​ക്ക് മ​റി​യു​ക​യാ​യി​രു​ന്നു. ര​ണ്ട് പൈ​ല​റ്റു​മാ​ർ ഉ​ൾ​പ്പെ​ടെ 21 പേ​ർ അ​പ​ക​ട​ത്തി​ൽ മ​രി​ച്ചു.

ശ​ക്ത​മാ​യ മ​ഴ​യ​ത്ത് ടേ​ബി​ൾ ടോ​പ് റ​ണ്‍വേ​യി​ൽ കാ​ഴ്ച വ്യ​ക്ത​മ​ല്ലാ​തി​രു​ന്നി​ട്ടും വി​മാ​നം ലാ​ൻ​ഡ് ചെ​യ്യാ​ൻ പൈ​ല​റ്റ് എ​ടു​ത്ത തീ​രു​മാ​നം അ​പ​ക​ട​ത്തി​ലേ​ക്കു ന​യി​ച്ചു എ​ന്നാ​ണ് ക​ണ്ടെ​ത്ത​ൽ. ര​ണ്ടു​ത​വ​ണ ലാ​ൻ​ഡിം​ഗ് ശ്ര​മം ന​ട​ത്തി പ​രാ​ജ​യ​പ്പെ​ട്ട​ശേ​ഷം മൂ​ന്നാ​മ​തു ന​ട​ത്തി​യ ശ്ര​മ​ത്തി​ലാ​ണ് അ​പ​ക​ട​മു​ണ്ടാ​യ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.