ദുരഭിമാനക്കൊല; തമിഴ്നാട്ടിൽ യുവാവിനെ വെട്ടിക്കൊന്നു : Deepika.com National News |

Click here for detailed news of all items

ദുരഭിമാനക്കൊല; തമിഴ്നാട്ടിൽ യുവാവിനെ വെട്ടിക്കൊന്നു

Wednesday, July 30, 2025 1:42 AM IST

തിരുനൽവേലി: തമിഴ്നാട്ടിൽ യുവ ഐടി എൻജിനിയറെ കാമുകിയുടെ സഹോദരൻ വെട്ടിക്കൊന്നു. ചെന്നൈയിൽ സോഫ്റ്റ്‌വേർ എൻജിനിയറായ സി. കവിന്‍ സെല്‍വ ഗണേഷ് എന്ന 27കാരനെ കാമുകിയുടെ സഹോദരൻ സുർജിത് കൊലപ്പെടുത്തുകയായിരുന്നു.

ദളിത് സമുദായക്കാരനായ കവിനുമായുള്ള ബന്ധത്തെ വ്യത്യസ്ത മതത്തിൽപ്പെട്ട യുവതിയുടെ മാതാപിതാക്കൾ എതിർത്തിരുന്നു.

മുത്തച്ഛന്‍റെ ആരോഗ്യവിവരങ്ങൾ പങ്കുവയ്ക്കാനാണ് കുടുംബാംഗങ്ങള്‍ക്കൊപ്പം സിദ്ധ ഡോക്ടറായ കാമുകിയുടെ പാളയങ്കോട്ടയിലുള്ള ക്ലിനിക്കില്‍ കവിൻ എത്തിയത്. ഇതിനിടെ എത്തിയ സുർജിത് വിവാഹക്കാര്യം സംസാരിക്കാമെന്നു തെറ്റിദ്ധരിപ്പിച്ച് കവിനെ വീട്ടിലേക്ക് ക്ഷണിച്ചു. കവിൻ സമ്മതിക്കുകയും ചെയ്തു.

യാത്രാമധ്യേ ബൈക്ക് നിർത്തിയ സുർജിത് കൈവശം സൂക്ഷിച്ചിരുന്ന കത്തി ഉപയോഗിച്ച് കവിനെ ആക്രമിക്കുകയായിരുന്നു. സഹോദരിയെ കാണരുതെന്ന് മുന്നറിയിപ്പു നൽകിയിട്ടും കവിന്‍ അനുസരിക്കാത്തതാണ് ആക്രമണത്തിനു കാരണമെന്നു പിന്നീട് സുർജിത് പോലീസിനോടു പറഞ്ഞു. പ്രതിയുടെ മാതാപിതാക്കളും പോലീസ് ഓഫീസർമാരാണ്. ഇവർക്കെതിരേയും കേസെടുത്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.