ഇ​താ, പാ​ട്ടി​ലെ പു​തു​കാ​ലം
പു​ല്ലാ​ങ്കു​ഴ​ലി​ലൂ​ടെ ഒ​ഴു​കി​യെ​ത്തി​യ സം​ഗീ​ത​മാ​വ​ണം കു​ഞ്ഞു​നാ​ളു​ക​ളി​ൽ സി​ക്കി​ൾ ഗു​രു​ച​ര​ണി​ന്‍റെ ശ്വാ​സ​ത്തി​ൽ നി​റ​ഞ്ഞി​രു​ന്ന​ത്. അ​ഞ്ചാം വ​യ​സി​ൽ പാ​ടി​ത്തു​ട​ങ്ങി​യ ഗു​രു​ച​ര​ണ്‍ ഇ​ന്ന് ക​ർ​ണാ​ട​ക​സം​ഗീ​ത​ത്തി​ന്‍റെ ഭാ​വി​യി​ലേ​ക്കു​ള്ള യൂ​ത്ത് അം​ബാ​സ​ഡ​ർ​മാ​രി​ൽ മു​ൻ​നി​ര​ക്കാ​ര​നാ​ണ്. സം​ഗീ​ത​പ്രേ​മി​ക​ൾ ഒ​രേ​പോ​ലെ ഇ​ഷ്ട​പ്പെ​ടു​ന്ന സു​ന്ദ​ര​സ്വ​രം... അ​ദ്ദേ​ഹ​ത്തി​ന്‍റെ നാ​ല്പ​ത്തി​മൂ​ന്നാം ജ​ന്മ​ദി​ന​മാ​യി​രു​ന്നു ഇ​ന്ന​ലെ...

സി​ക്കി​ൾ കു​ഞ്ഞു​മ​ണി, സി​ക്കി​ൾ നീ​ല- സി​ക്കി​ൾ സി​സ്റ്റേ​ഴ്സ് എ​ന്നു പ്ര​ശ​സ്ത​രാ​യ പു​ല്ലാ​ങ്കു​ഴ​ൽ വാ​ദ​ക​ർ. ഇ​രു​വ​രും​ചേ​ർ​ന്ന് ഒ​രി​ക്ക​ൽ കു​ഞ്ഞു​മ​ണി​യു​ടെ അ​ഞ്ചു​വ​യ​സു​കാ​ര​നാ​യ പേ​ര​ക്കു​ട്ടി​യോ​ട് ഒ​രു പാ​ട്ടു​പാ​ടാ​ൻ ആ​വ​ശ്യ​പ്പെ​ട്ടു. അ​ല്പ​നേ​രം ശ​ങ്കി​ച്ചു​നി​ന്ന​ശേ​ഷം അ​വ​നൊ​രു സി​നി​മാ​പ്പാ​ട്ടു​പാ​ടി.

അ​തി​ന്‍റെ ഭം​ഗി​ക​ണ്ട് മു​ത്ത​ശി​മാ​ർ അ​ത്ഭു​ത​പ്പെ​ട്ടു. കു​ടും​ബ​ത്തി​ൽ മി​ക്ക​വാ​റും എ​ല്ലാ​വ​ർ​ക്കും അ​വ​ർ പു​ല്ലാ​ങ്കു​ഴ​ൽ പ​രി​ശീ​ല​നം ന​ൽ​കി​യി​രു​ന്നു. എ​ന്നാ​ൽ അ​ന്ന് ഇ​രു​വ​രും ഒ​രു​മി​ച്ചു തീ​രു​മാ​നി​ച്ചു- ഇ​വ​ൻ വാ​യ്പ്പാ​ട്ടു പ​ഠി​ക്ക​ട്ടെ.

ബാ​ക്കി സി​ക്കി​ൾ ഗു​രു​ച​ര​ണ്‍ എ​ന്ന ആ ​പേ​ര​ക്കു​ട്ടി പ​റ​യും: "സം​ഗീ​തം എ​ന്‍റെ ചു​റ്റു​മു​ണ്ടാ​യി​രു​ന്നു. വീ​ട്ടി​ലെ​ത്തു​ന്ന കു​ട്ടി​ക​ളെ അ​മ്മ പു​ല്ലാ​ങ്കു​ഴ​ൽ പ​ഠി​പ്പി​ച്ചി​രു​ന്നു, എ​ന്‍റെ സ​ഹോ​ദ​രി​യേ​യും. മു​റി​യു​ടെ ഒ​രു മൂ​ല​യി​ലി​രു​ന്ന് എ​ല്ലാം ക​ണ്ടും​കേ​ട്ടും അ​റി​യാ​ൻ എ​നി​ക്കി​ഷ്ട​മാ​യി​രു​ന്നു. മു​ത്ത​ശി​മാ​രു​ടെ ക​ച്ചേ​രി​ക​ൾ ന​ട​ക്കു​ന്ന വേ​ദി​ക​ളി​ലും പോ​കും. എ​നി​ക്കു പാ​ടാ​നാ​കു​മെ​ന്ന് ആ​ദ്യം തി​രി​ച്ച​റി​ഞ്ഞ​ത് അ​വ​രാ​ണ്. അ​വ​രു​ടെ​യും, പു​ല്ലാ​ങ്കു​ഴ​ൽ വാ​യി​ച്ചി​രു​ന്ന വീ​ട്ടി​ലെ മ​റ്റാ​രു​ടെ​യും കാ​ല്പാ​ടു​ക​ൾ ഞാ​ൻ പി​ന്തു​ട​രേ​ണ്ടെ​ന്ന് അ​വ​ർ ആ​ഗ്ര​ഹി​ച്ചു. അ​ങ്ങ​നെ​യാ​ണ് ഞാ​ൻ പാ​ട്ടി​ന്‍റെ ലോ​ക​ത്തെ​ത്തി​യ​ത്'.

പാ​ട്ടു​പ​ഠി​ച്ചു​തു​ട​ങ്ങി​യ സ​മ​യ​ത്തു​ത​ന്നെ ഗു​രു​ച​ര​ണി​ന്‍റെ കു​ടും​ബ​ത്തി​ന് ചെ​ന്നൈ​യി​ൽ​നി​ന്ന് ഹൈ​ദ​രാ​ബാ​ദി​ലേ​ക്കു താ​മ​സം മാ​റേ​ണ്ടി​വ​ന്നു. പ​ഠ​നം മു​ട​ങ്ങാ​തി​രി​ക്കാ​ൻ അ​മ്മ മൈ​ഥി​ലി ച​ന്ദ്ര​ശേ​ഖ​ര​ൻ ബാ​ല​പാ​ഠ​ങ്ങ​ൾ പ​ക​ർ​ന്നു​കൊ​ടു​ത്തി​രു​ന്നു. ജ​ന​പ്രി​യ കൃ​തി​ക​ൾ അ​ങ്ങ​നെ പാ​ടി​ത്തു​ട​ങ്ങി. സ​ഹോ​ദ​രി പു​ല്ലാ​ങ്കു​ഴ​ലി​ൽ വാ​യി​ക്കു​ന്ന പാ​ഠ​ങ്ങ​ൾ ഗു​രു​ച​ര​ണ്‍ പാ​ടാ​നും തു​ട​ങ്ങി.

വീ​ണ്ടും ചെ​ന്നൈ​യി​ൽ

ഗു​രു​ച​ര​ണി​ന്‍റെ എ​ട്ടാം വ​യ​സി​ൽ, 1990-ലാ​ണ് കു​ടും​ബം ചെ​ന്നൈ​യി​ൽ തി​രി​ച്ചെ​ത്തു​ന്ന​ത്. സി​ക്കി​ൾ സ​ഹോ​ദ​ര​മാ​ർ ഉ​ട​നെ അ​വ​നു​വേ​ണ്ടി ഗു​രു​വി​നെ ക​ണ്ടെ​ത്തി- ദ​ണ്ഡ​പാ​ണി ദേ​ശി​ക​രു​ടെ​യും ശെ​മ്മാ​ങ്കു​ടി ശ്രീ​നി​വാ​സ​യ്യ​രു​ടെ​യും ശി​ഷ്യ​നാ​യ വൈ​ഗൈ എ​സ്. ജ്ഞാ​ന​സ്ക​ന്ദ​നെ. ഗു​രു​ച​ര​ണി​ന് കൃ​ത്യ​നി​ഷ്ഠ​യോ​ടെ​യു​ള്ള അ​ഭ്യ​സ​നം അ​ദ്ദേ​ഹം ഉ​റ​പ്പാ​ക്കി.

ബി​രു​ദ​പ​ഠ​ന​ത്തി​ന് ചെ​ന്നൈ രാ​മ​കൃ​ഷ്ണ മി​ഷ​ൻ വി​വേ​കാ​ന​ന്ദ കോ​ള​ജി​ൽ എ​ത്തി​യ​ശേ​ഷ​മാ​ണ് താ​ൻ പാ​ടാ​ൻ കൊ​ള്ളാ​മെ​ന്നു തോ​ന്നി​യ​തെ​ന്ന് ഗു​രു​ച​ര​ണ്‍ ഓ​ർ​മി​ക്കു​ന്നു. സം​ഗീ​ത​ത്തോ​ടു പ്രി​യ​മു​ള്ള ഒ​രു സു​ഹൃ​ദ്സം​ഘ​ത്തെ കി​ട്ടി.

അ​വ​ർ സം​ഗീ​ത​സ​ഭ​ക​ൾ​തോ​റും ക​ച്ചേ​രി​ക​ൾ കേ​ട്ടു​ന​ട​ന്നു. മ​ഹാ​പ്ര​തി​ഭ​ക​ളു​ടെ കാ​സ​റ്റു​ക​ൾ കൈ​മാ​റി, അ​വ​രു​ടെ ശൈ​ലി​ക​ളെ​ക്കു​റി​ച്ചു ച​ർ​ച്ച​ചെ​യ്തു. പി​ന്നീ​ടു ഗൗ​ര​വ​മാ​യി പാ​ടാ​ൻ തു​ട​ങ്ങി​യ​പ്പോ​ൾ ഇ​തെ​ല്ലാം ത​ന്നെ സ​ഹാ​യി​ച്ചു​വെ​ന്ന് ഗു​രു​ച​ര​ണ്‍ പ​റ​യു​ന്നു.

"ശ്രോ​താ​ക്ക​ൾ പു​തു​മ​യു​ള്ള​തു തേ​ടി എ​ന്‍റെ പാ​ട്ടു​കേ​ൾ​ക്കാ​ൻ വ​ന്നു​തു​ട​ങ്ങി. ന​ല്ല അ​ഭി​പ്രാ​യ​ങ്ങ​ൾ വ​ന്നു. സം​ഗീ​ത​ത്തെ കൂ​ടു​ത​ൽ ഗൗ​ര​വ​ത്തോ​ടെ ഉ​ൾ​ക്കൊ​ള്ള​ണ​മെ​ന്ന് എ​നി​ക്കു മ​ന​സി​ലാ​യി. കൂ​ടു​ത​ൽ പേ​ർ വി​ളി​ച്ചു. ചെ​റി​യ വേ​ദി​ക​ൾ, ക്ഷേ​ത്ര​ങ്ങ​ൾ, വി​വാ​ഹ​ച്ച​ട​ങ്ങു​ക​ൾ... ഓ​രോ അ​വ​സ​ര​വും ഓ​രോ പാ​ഠ​ങ്ങ​ളാ​യി​രു​ന്നു. ഇ​നി​യും എ​ത്ര ന​ന്നാ​ക്ക​ണ​മെ​ന്ന പാ​ഠ​ങ്ങ​ൾ'. ആ ​പാ​ഠ​ങ്ങ​ൾ അ​ദ്ദേ​ഹം ഏ​റ്റ​വും മി​ക​വോ​ടെ​ത​ന്നെ പ​ഠി​ച്ചു.

സി​നി​മാ​പ്പാ​ട്ട് കൊ​ള്ളാം

ഒ​രു സാ​ധാ​ര​ണ സം​ഗീ​താ​സ്വാ​ദ​ക​ൻ എ​ങ്ങ​നെ​യാ​ണ് ക​ർ​ണാ​ട​ക സം​ഗീ​ത​ത്തി​ന്‍റെ ആ​ഴ​ങ്ങ​ളി​ലേ​ക്ക് എ​ത്തേ​ണ്ട​തെ​ന്ന് ഒ​രി​ക്ക​ൽ ഗു​രു​ച​ര​ണി​നോ​ടു ചോ​ദി​ച്ചു. ഉ​ത്ത​രം ര​സ​ക​ര​മാ​യി​രു​ന്നു- സി​നി​മാ സം​ഗീ​തം ശ​രി​ക്കും ഒ​രു മി​ക​ച്ച സ്റ്റാ​ർ​ട്ടിം​ഗ് പോ​യി​ന്‍റാ​ണ്.

ഒ​രു സി​നി​മാ​പ്പാ​ട്ടു മൂ​ളു​ന്ന​തു കേ​ട്ടി​ട്ടാ​ണ് എ​നി​ക്കു പാ​ടാ​നാ​വു​മെ​ന്ന് എ​ന്‍റെ മു​ത്ത​ശി​മാ​ർ​ക്ക് തോ​ന്നി​യ​ത്. പാ​ട്ടി​ലെ സ്വ​ര​ങ്ങ​ളും താ​ള​വും ഒ​ന്നു മ​ന​സി​രു​ത്തി കേ​ട്ടാ​ൽ ശ്രോ​താ​ക്ക​ൾ​ക്ക് എ​ളു​പ്പ​മാ​ണ്. ദി​വ​സ​വും അ​ര​മ​ണി​ക്കൂ​ർ മാ​റ്റി​വ​ച്ചാ​ൽ​മ​തി.

സി​നി​മാ​പ്പാ​ട്ടി​ലെ ഒ​രു രാ​ഗം മ​ന​സി​ലാ​ക്കു​ക. ക​ർ​ണാ​ട​ക സം​ഗീ​ത​ത്തി​ൽ അ​ത് എ​ങ്ങ​നെ​യൊ​ക്കെ​യാ​ണ് പ്ര​യോ​ഗി​ക്കു​ന്ന​തെ​ന്നു കേ​ൾ​ക്കു​ക. അ​തി​നു ഹി​ന്ദു​സ്ഥാ​നി​യു​മാ​യു​ള്ള സാ​മ്യ​ങ്ങ​ൾ തേ​ടു​ക. ഒ​രു താ​ളം തി​രി​ച്ച​റി​ഞ്ഞ്, എ​ങ്ങ​നെ​യാ​ണ് ആ ​താ​ളം മു​ന്നോ​ട്ടു​കൊ​ണ്ടു​പോ​കു​ന്ന​തെ​ന്ന് മ​ന​സി​ലാ​ക്കു​ക- ധാ​രാ​ള​മാ​യി. ഇ​തു പ​തി​വാ​യി ചെ​യ്താ​ൽ സം​ഗീ​തം കൂ​ടു​ത​ൽ മി​ക​ച്ച അ​നു​ഭ​വ​മാ​കും സ​മ്മാ​നി​ക്കു​ക- ഗു​രു​ച​ര​ണ്‍ പ​റ​യു​ന്നു.

ഇ​ള​യ​രാ​ജാ​യു​ടെ വ​ലി​യ ആ​രാ​ധ​ക​ൻ​കൂ​ടി​യാ​ണ് അ​ദ്ദേ​ഹം. സെ​ലി​ബ്രേ​റ്റിം​ഗ് ഇ​ള​യ​രാ​ജാ എ​ന്ന പേ​രി​ൽ ന​ട​ത്തി​യ സം​ഗീ​ത​പ​രി​പാ​ടി ഏ​റെ ശ്ര​ദ്ധി​ക്ക​പ്പെ​ട്ടി​രു​ന്നു. പു​ത്തം പു​തു കാ​ലൈ എ​ന്ന സി​നി​മ​യി​ലും അ​ഭി​ന​യി​ച്ചു. ബി. ​കൃ​ഷ്ണ​മൂ​ർ​ത്തി​യു​ടെ കീ​ഴി​ൽ പ​ഠ​നം​തു​ട​രു​ന്ന ഗു​രു​ച​ര​ണി​ൽ​നി​ന്നു​ള്ള പു​തു​മ​ക​ൾ​ക്കാ​യി ആ​സ്വാ​ദ​ക​ലോ​കം ചെ​വി​കൂ​ർ​പ്പി​ക്കു​ന്നു.

ഹ​രി​പ്ര​സാ​ദ്
Copyright @ 2018 , Rashtra Deepika Ltd.