ബോളിവുഡിലെ മുൻനിരനായികയാണ് ദീപിക പദുക്കോൺ. ഗ്രെഹ്രിയാന്‍ എന്ന സിനിമ റിലീസിന് മുന്പുതന്നെ ശ്രദ്ധ നേടിയിരിക്കുകയാണ്. ചിത്രത്തിന്‍റെ പ്രമോഷന്‍ പരിപാടികളുമായിട്ടുള്ള തിരക്കിലാണ് ദീപിക.
ഇതിനിടെ നടിയുടെ ഭര്‍ത്താവും നടനുമായ രണ്‍വീര്‍ സിംഗിന്‍റെ ചില അഭിപ്രായങ്ങളെക്കുറിച്ച് ദീപിക പറഞ്ഞ കാര്യങ്ങളാണ് ഇപ്പോള്‍ വൈറലാകുന്നത്. ഗ്രെഹ്രിയാന്‍ സിനിമയുടെ ട്രെയിലറില്‍ നായകനായ സിദ്ധാര്‍ഥ് ചതുര്‍വേദിയുടെ കഥാപാത്രവും ദീപിക പദുക്കോണിന്‍റെ കഥാപാത്രവും തമ്മില്‍ അടുത്തിടപഴകുന്ന രംഗങ്ങളില്‍ അഭിനയിച്ചിരുന്നു. അത്തരത്തിലുള്ള ഹോട്ട് രംഗങ്ങള്‍ കാണുമ്പോള്‍ അത് ഭര്‍ത്താവിനെ ബാധിക്കുമോ എന്ന ചോദ്യം ഒരഭിമുഖത്തിൽ ദീപികയോടു ചോദിച്ചു. ഇതേക്കുറിച്ച് നടി തുറന്നു സംസാരിക്കുകയും ചെയ്തു.
ഞങ്ങള്‍ അതിനോടു പ്രതികരിക്കുന്നതുപോലും മണ്ടത്തരമാണ്. ഞങ്ങള്‍ക്ക് അത് ഏറ്റവും പ്രധാനപ്പെട്ട കാര്യമാണെന്ന് ഞാന്‍ കരുതുന്നു. ഞാന്‍ അഭിപ്രായങ്ങള്‍ വായിക്കാറില്ല. അദ്ദേഹത്തിന് അങ്ങനെ ഒരു കുഴപ്പമില്ലെന്ന് എനിക്ക് ഉറപ്പുണ്ട്. ഇത് വളരെ മണ്ടത്തരമായിട്ടാണ് തോന്നുന്നത്. എന്‍റെ സിനിമകളെക്കുറിച്ചോര്‍ത്ത് രണ്‍വീര്‍ അഭിമാനിക്കുകയാണ് ചെയ്യുന്നത്. അദ്ദേഹത്തിന് അങ്ങേയറ്റം അഭിമാനമുണ്ടെന്നു ഞാന്‍ കരുതുന്നു.
ഞങ്ങള്‍ നിര്‍മിച്ച സിനിമയായതുകൊണ്ടും എന്‍റെ പ്രകടനത്തിലും അദ്ദേഹം അങ്ങേയറ്റം അഭിമാനിക്കുന്നുണ്ടാവും. അതിനു സൗഹൃദം, വിശ്വാസം, ആശയവിനിമയം എന്നിവ ഉണ്ടായിരിക്കണം. ഞാന്‍ സിനിമാ മേഖലയില്‍ 15 വര്‍ഷം പൂര്‍ത്തിയാക്കുമ്പോള്‍ ഞാനും രണ്‍വീറും ഏകദേശം പത്തു വര്‍ഷത്തോളം ഒരുമിച്ചുണ്ടെന്നു കരുതുന്നു.
എന്‍റെ പോരായ്മകള്‍, എന്‍റെ തെറ്റുകള്‍, എന്‍റെ ഗുണങ്ങള്‍ എന്നിവയ്ക്കൊപ്പം പൂര്‍ണമായി ഞാനായി മാറാനും സാധിച്ചു. സ്വയം വിധിക്കാതെ എനിക്ക് ഞാനാകാന്‍ കഴിയുമെന്ന് അറിയാന്‍കഴിഞ്ഞു. ഞാന്‍ ശരിക്കും മുറുകെപ്പിടിക്കുന്ന മൂല്യങ്ങളാണ് ഇവയെന്ന് കരുതുന്നു- ദീപിക അഭിമുഖത്തിൽ പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.