സിദ്ധാർഥ് മൽഹോത്രയും കിയാരാ അഡ്വാനിയും ഒന്നിക്കുന്നു. കരണ്‍ ജോഹർ ഒരുക്കുന്ന ഏറ്റവും പുതിയ ചിത്രമായ ഷേർഷ എന്ന ചിത്രത്തിലാണ് ഇരുവരും ഒന്നിക്കുന്നത്. കാർഗിൽ യുദ്ധത്തിലെ ഹീറോ വിക്രം ഭദ്രയുടെ ജീവിതകഥയാണ് ചിത്രം പറയുന്നത്. ഷൂട്ടിംഗ് ഉടൻ ആരംഭിക്കും.
സിദ്ധാർഥ് മൽഹോത്ര ചിത്രത്തിൽ അഭിനയിക്കാനുള്ള തയാറെടുപ്പുകൾ ആരംഭിച്ചു. പട്ടാളക്കാരനായിട്ടാണ് സിദ്ധാർഥ് അഭിനയിക്കുന്നത്. മിലിട്ടറി ആയുധങ്ങൾ ഉപയോഗിക്കാനും മറ്റുമുള്ള പരിശീലനത്തിലാണ് സിദ്ധാർഥ് ഇപ്പോൾ.
70 ദിവസത്തെ ഷൂട്ടിംഗ് കാഷ്മീരിലും ലഡാക്കിലുമായി നടക്കും. ഇതാദ്യമായിട്ടാണ് സിദ്ധാർഥ് മൽഹോത്രയും കിയാര അഡ്വാനിയും ഒന്നിക്കുന്നത്. ഇരുവരും പ്രണയത്തിലാണെന്ന് അടുത്തിടെ റിപ്പോർട്ടുകൾ വന്നിരുന്നു. കിയാരയും സിദ്ധാർഥും പ്രണയ വാർത്ത നേരത്തെ നിഷേധിച്ചിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.