മോഹൻലാൽ-പ്രിയദർശൻ കൂട്ടുകെട്ടിലൊരുങ്ങുന്ന "മരക്കാർ-അറബിക്കടലിന്റെ സിംഹം' എന്ന ചിത്രത്തിലെ പ്രണവ് മോഹൻലാലിന്റെ ലുക്ക് പുറത്തു വിട്ടു. താടിയും മുടിയും നീട്ടി വളർത്തി ഏറെ വ്യത്യസ്തമായ ലുക്കിലാണ് ചിത്രത്തിൽ പ്രണവ് പ്രത്യക്ഷപ്പെടുക.
മോഹൻലാലിന്റെ ചെറുപ്പ കാലഘട്ടത്തെയാണ് ചിത്രത്തിൽ പ്രണവ് അവതരിപ്പിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. സിനിമയുടെ ചിത്രീകരണം ഹൈദരാബാദിലെ റാമോജി ഫിലിം സിറ്റിയിൽ പുരോഗമിക്കുകയാണ്.
മലയാളം കൂടാതെ തമിഴ്, ഹിന്ദി, തെലുങ്ക്, കന്നഡ ഭാഷകളിലും ചിത്രം റിലീസ് ചെയ്യും. മധു, അർജുൻ, സിദ്ധിഖ്, സുനിൽ ഷെട്ടി, മഞ്ജു വാര്യർ, നെടുമുടി വേണു, രണ്ജി പണിക്കർ, മുകേഷ്, കീർത്തി സുരേഷ്, കല്യാണി പ്രിയദർശൻ, പ്രഭു തുടങ്ങിയ വലിയ താരനിരയാണ് ചിത്രത്തിൽ അണിനിരക്കുന്നത്.
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ, കോണ്ഫിഡന്റെ ഗ്രൂപ്പിന്റ് ബാനറിൽ ഡോ. സി.ജെ. റോയ്, മൂണ്ഷോട്ട് എന്റർടെയ്ൻമെന്റിന്റെ ബാനറിൽ സന്തോഷ് ടി. കുരുവിള എന്നിവരാണ് ഈ സിനിമ നിർമിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.